প্রধান মন্ত্রী শ্রী নরেন্দ্র মোদীনা ২০২১গী মার্চকী ১২দা অহমেদবাদকী সাবরমতী আশ্রমদগী পদযাত্রা (নিংতম্বগী খোঙচৎ) লমথাগনি অমসুং ‘আজাদী কা অমরুত মহোৎসব’ (India@75)গী মাইখুম হাংদোকপগী থবক-থৌরমশিং হৌদোক্কনি। প্রধান মন্ত্রীনা অতোপ্পা কলচরেল অমসুং দিজিতেলগী ওইবা India@75গী থৌরমশিং কয়া অমসু হৌদোক্কনি অমসুং সাবরমতী আশ্রমগী মীয়াম পুনবদা ৱা ঙাংগনি।
আজাদী কা অমরুত মহোৎসব
আজাদী কা অমরুত মহোৎসব অসি ইন্দিয়াগী ইন্দিপেন্দেন্সকী ৭৫শুবা নিংশিং থৌরম পাংথোক্নবা ভারত সরকারনা শিনবা থৌরমশিংগী পরীং অমনি। মহোৎসব অসি জন-ভাগীদারীগী ইথিলদা জন-উৎসব ওইনা পাংথোক্কনি।
নিংশিং থৌরম অসিগী পোলিসি অমসুং থৌরাংশিং য়াৎথোক্নবা হোম মিনিস্তরনা লুচিংবা নেস্নেল ইম্প্লিমেন্তেসন কম্মিতি অমা শেমগৎলে। মাইখুম হাংদোকপগী থবক-থৌরমশিং অসি ২০২১গী মার্চকী ১২দগী হৌদুনা ২০২২গী ওগস্তকী ১৫গী মাংওইননা চয়োল ৭৫ চুপ্না পাংথোক্কনি।
পদযাত্রা
পদযাত্রা অসি পি.এম.না লমথাগনি, হায়রিবা অসি নুমিৎ ২৫ চুপ্না এপ্রিলগী ৫দা লোইগদবা ২৪১শাংবা খোঙচৎ অসি মার্চর ৮১না অহমেদবাদকী সাবরমতী আশ্রমদগী নবসারিগী দান্দি ফাওবা চৎকনি। পদযাত্রা অসি মীয়ামগী ওইবা কাংবু কয়া অমনা দান্দি য়ৌবা ফাওবগী লম্বীদা শরুক য়াগনি। য়ুনিয়ন মিনিস্তর শ্রী প্রহালাদ সিংহ পতেলনা, পদযাত্রা অসিগী অহানবা লেপ কিলোমিতর ৭৫ লুচিংদুনা চৎকনি।
India@75 মখাদা মাইখুম হাংদোকপগী থবক থৌরমশিং
থৌরম অসি India@75গী থীমগী হায়বদি ফিল্ম অমা, ৱেবসাইত, ইশৈ, আত্মানির্ভার চক্র অমসুং আত্মানির্ভার ইনক্যুবেতর মখাদা মাইখুম হাংদোকপগী থবক থৌরমশিং হৌদোকপা উবা ফংগনি।
মথক্কী লৌখৎলিবা খোঙথাং অসিগী মথক্তা, থৌরম অসি লৈবাক অসিগী নমথবা ঙমদ্রবা ইশৈ-জগোই শিন-লাংদুনা পাংথোক্কনি। মসিদা ইশৈ, জগোই, শৈরেং-থীবা, প্রিএম্বল পাবা (লৈবাক অসি মফম কয়াগী লোল মখল কয়া অমদা লাইনশিং) য়াওগনি। নহারোলগী শক্তি অসি উৎতুনা তুংগী ওইবা ইন্দিয়া অসি খোঙজেল ৭৫ অমসুং জগোই শাবী ৭৫না থৌরম অসিদা শরুক য়াগনি।
স্তেত অমসুং য়ু.তিয় সরকারনা ভারত পুম্বদা ২০২১গী মার্চকী ১২দা থৌরমশিং শিনগনি। হায়রিবা থৌরম অসিগী মথক্তা কলচর মিনিস্ত্রী, য়ুথ এফিয়র্স মিনিস্ত্রী অমসুং ত্রীফেদকী মখাদা আর্কিওলোজিকেল সর্ভে ওফ ইন্দিয়া অমসুং জোনেল কলচরেল সেন্তরনা থৌরম অসি শরুক য়াননবা মখল কয়াগী থবক থৌরমশিং থৌরাং তৌরি।
