ইকায়খুম্নরবা, রাস্ত্রপতি জোকো ৱিদোদো,

শক্নাইরবশিং,

খুরুমজরি

“ইস্ত এসিয়া মীফম”দা অমুক হন্না শরুক য়াবদা ঐ অপেনবা পোকই। মহাক্কী মশক থোকপা লুচিংবগীদমক ঐনা থম্মোয় শেংনা রাস্ত্রপতি ৱিদোদো থাগৎচরি। মসিগী মথক্তা, মীফম অসিগী ওজার্বর অমা ওইরিবা, তিমোর লেস্তকী প্রধান মন্ত্রী জানানা গুসমাও ঐনা তরাম্না ওকচরি।
 

ইস্ত এসিয়া মীফম অসি মরুওইবা মফম অমনি। মসি ইন্দো-পেসিফিক লমদমদা মরুওইবা থবকশিংদা মতেং পীন্নবা অমসুং ৱারি শান্নবা লুচিংবশিংনা মাংজিল থাবা থবক অমনি। মসিগী মথক্তা, মসিনা এসিয়াদা থাজনবা হেনগৎহন্নবা মরুওইবা থৌদাং অমা লৌরি। মীফম অসিগী মাইপাকপগী মরুওইবদি অসিয়ান্না ময়াইদা লৈহনবা অসিনি।

শক্নাইরবশিং,
ইন্দো-পেসিফিক্তা অসিয়ানগী মীৎয়েং ভারতনা শৌগৎলি। ইন্দো-পেসিফিক্কীদমক ভারত অমসুং অসিয়ানগী মান্নবা মীৎয়েং লৈরি। মসিনা “ইন্দো-পেসিফিক ওসিন্স ইনিসিয়েতিপ” থবক ওইনা পাংথোক্নবা ‘ইস্ত এসিয়া মীফম’গী মরুওইবা অদু উৎলি। ক্বাদকী পান্দমদা অসিয়ান্না মরুওইবা মফম অমা কল্লি। ক্বাদগী অফবা পান্দমশিংনা অসিয়ানগী থবকশিং শৌগৎলি।

শক্নাইরবশিং,

মালেমগী হৌজিক ওইরিবা ফিবম অসি অৱা-অনা কয়ানা পীক থল্লে অমসুং তম্বা ঙমদবা ফিবমশিং, তেরোরিজম, এক্সত্রিমিজম অমসুং লৈবাকশিংগী মুক্নবশিং অসি ঐখোয় খুদিংমক্কী অচৌবা শিংনবশিং ওইরে। মখোয় থেংননবা মালেমগী লুপশিংগী থবকশিং অমসুং নিয়মদা য়ুম্ফম ওইবা মালেমগী চৎন-কাংলোন তঙাইফদে।

মালেমগী আইনশিং ঙাক্না চৎপা হায়বসি তঙাইফদে; অমসুং লৈবাক খুদিংমক্কী মনিংতম্বা অমসুং ঙমখৈগী অপুনবা শক্তম মপাঙ্গল কনখৎহন্নবা মীওই খুদিংমক্কী থাজবা  অমসুং অপুনবা থবকশিং মথৌ তাই। ঐনা মমাঙদসু হায়খ্রে, হৌজিক্কী মতম অসি লানগী মতম নত্তে। ৱারি শানবা অমসুং দিপ্লোমেসিনা ৱারোইশিন পুরক্নবা অমতা ঙাইরবা লম্বীনি।

শক্নাইরবশিং,

ম্যন্মারদা লৈরিবা ভারতকী থৌশিল অসিয়ানগী মীৎয়েংশিংগা মরী লৈনগনি। মসিগা লোয়ননা, য়ুম্লোন্নরিবা লৈবাক অমা ওইনা, ঙমখৈশিংদা শান্তি অমসুং ঙাক-শেন লৈহনবা অমসুং ভারত-অসিয়ান চৎথোক-চৎশিন হেনগৎহনবা হায়বসি ঐখোয়গী পান্দম্নি। ইন্দো-পেসিফিক লমদমদা শান্তি, সেকুরিতি অমসুং নুংঙাই-য়াইফবা পুরকপা হায়বসি ঐখোয় খুদিংমক্কী অপাম্বনি।

হৌজিক খুদক্কী ওইনা দরকার ওইরিবদি লৈবাক খুদিংমক্তা য়ু.এন.সি.এল.ও.এস য়াওনা মালেমগী আইনশিং চপ মান্না চৎনবা ইন্দো-পেসিফিক অমা লৈহনবনি। মসিদা মনিংতম্না ঈশিং অমসুং নোংথক্তা চৎথোক-চৎশিন য়াবা অমসুং মীওই খুদিংমক কান্নবা ফংগদবা আইন্না য়াবা ললোন-ইতিক্কী থবকশিং পাংথোকপা য়াবা মফম অমা ওইহনবা অদুনি। সাউথ চাইনা সিদা চৎন-কাংলোন মপুংফানা চৎনগনি অমসুং মসি য়ু.এন.সি.এল.ও.এসগী মতুংইন্না পাংথোক্কনি হায়বগী থাজবা ভারতনা থম্লি। মসিগী মথক্তা, মীফম অসিদা হকথেংননা শরুক য়াদবা লৈবাকশিংগী য়াইফনবা মীফম অসিনা খন্নগদবনি।

শক্নাইরবশিং,

অইং-অশাগী খল কাইরকপা, সাইবর সেকুরিতি, ফুদ সেকুরিতি, হকশেল অমসুং ইনর্জিগী লমদা থেংনরিবা অৱাবশিংনা মরুওইনা গ্লোবেল সাউথতা চৈথেং পীরি। ঐখোয়না জি-২০গী প্রসিদেন্ত ওইবা মতমদা, গ্লোবেল সাউথকা মরী লৈনবা মরুওইবা ৱাফমশিং ঐখোয়না মীৎয়েং চঙলি।

শক্নাইরবশিং,

ইস্ত এসিয়া মীফমগী থবকশিংদা ভারতনা থম্লিবা থাজবা ঐনা অমুক হন্না ফোঙদোক্লি। মথংগী চিয়ার লৌগদৌরিবা লাউদা ঐনা ঐগী হরাওবা ফোঙদোকচরি। মখোয়না প্রসিদেন্ত ওইবদা ভারতনা মপুংফানা শৌগৎকনি হায়না ঐনা থাজবা পীরি।

অদোম থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Made in India Netra, Pinaka Systems attract European, Southeast Asian interest

Media Coverage

Made in India Netra, Pinaka Systems attract European, Southeast Asian interest
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 20 জুন, 2024
June 20, 2024

Modi Government's Policy Initiatives Driving Progress and Development Across Diverse Sectors