ঙসি প্রধান মন্ত্রী শ্রী নরেন্দ্র মোদীনা শিঙ্গাপুরগী রাস্ত্রপতি থারমন সনমুগারত্নম উনখ্রে।
ভারত-শিঙ্গাপুরগী মরী মপুংফানা শৌগৎপগীদমক প্রধান মন্ত্রীনা রাস্ত্রপতি থারমন থাগৎপা ফোঙদোকখি। লৈবাক অনিনা দরকার ওইবা নাকল অনিগী অমসুং মালেমগী ওইবা ৱাফমশিং লুচিংবা অনিনা খন্নখি। থাজনবা, অমনা অমবু ইকায়খুম্নবা অমসুং মতেং পাংনবদা য়ুম্ফম ওইবা লৈবাক অনিগী মরক্তা লৈনরিবা মতম কুইরবা মরুপ-মপাং অমসুং মতেং পীনবা অসি মখোয়না পনখি। হিরম অসিগী মতাংদা, মরীশিং কমপ্রেহেন্সিপ স্ত্রাতেজিক পার্তনরশিপকী থাক্তা পুখৎলকপা অসিনা পুন্না থবক তৌমিন্নবা খুমাঙচাউশিন্নবা লম্বী অমা শেম্লগনি হায়না লুচিংবশিংনা ফোঙদোকখি। অনৌবা হিরমশিং হায়বদি এদভান্স মেনুফেকচরিং অমসুং অনৌবা তেক্নোলোজিশিংগী লমদা মখোয়না মতেং পাংনবা কমদৌনা পাকথোক-চাউথোকহনগনি হায়বগী মতাংদা মখোয়গী ওইবা ৱাখল্লোনশিং ফোঙদোক্নখি। মথং চহিদা রাস্ত্রপতি থারমন ভারত্তা তরাম্না ওক্নবা মহাক্না থৌরাং তৌরি হায়না প্রধান মন্ত্রীনা পাউদমখি।
