ঙসি প্রধান মন্ত্রী শ্রী নরেন্দ্র মোদীনা বন্দর সেরি বেগাৱান্দা ইস্তানা নুরুলদা থুংলবদা ব্রুনৈগী সুলতান হাজি হসানাল বোলকিয়ানা তরাম্না ওকখ্রে।
চেবাউ পীরকপগীদমক সুলতান থাগৎপা ফোঙদোক্লদুনা প্রধান মন্ত্রীনা হায়খি ভারত সরকারগী লুচিংবা অমনা অহানবা ওইনা ব্রুনৈদা লাকপা খোঙচৎ অসিদা লৈবাক অনিগী মরীশিং হেন্না ফগৎহন্নবা ভারতকী অপাম্বা অদু মমি তারে। হৌজিক চহি ১০ মপুংফারবা লৈবাক অসিগী এক্ত ইস্ত পোলিসি মপাঙ্গল কনখৎহন্নবা ভারতকী অপাম্বা অদু মহাক্কী খোঙচৎ অসিনা মশক তাক্লি। লৈবাক অনিগী মরীশিং ইনহান্স পার্তনরশিপকী থাক্তা পুখৎলকপদা লুচিংবা অনিনা তরাম্না ওকখি।
দিফেন্স, ললোন-ইতিক অমসুং শেন থাদবা, ফুদ সেকুরিতি, লাইরিক-লাইশু, ইনর্জি, স্পেস তেক্নোলোজি, হকশেল, কেপাসিতি শেমগৎপা, নাত অমসুং মীগা-মীগা লৈনবা মরীশিং য়াওনা তোঙান-তোঙানবা হিরমশিংদা লুচিংবশিংনা ৱারি শান্নখি। আই.সি.তি, ফিনতেক, সাইবর সেকুরিতি, অনৌবা তেক্নোলোজিশিং অমসুং রিন্যুএবল ইনর্জিগুম্বা হিরমশিংদা মতেং পীন্নবা খুদোংচাবশিং মশক খঙদোকপদা মখোয়না য়ানখ্রে। প্রধান মন্ত্রী অমসুং সুলতান্না লমদম-লমদম অমসুং মালেমগী ওইবা ৱাফমশিংশু খন্নখি। লুচিংবা অনিমক্না মখল খুদিংমক্কী তেরোরিজমশিং য়ানিংদবা ফোঙদোকখি অমসুং মসি মুৎথৎনবা লৈবাকশিংদা তকশিনখি। অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মখা তানা ফগৎহন্দুনা লৈবাক অনিমক কান্নবা ফংগদবা হিরমশিংদা পুন্না থবক তৌমিন্ননবা মখোয়না অমুক হন্না থাজবা পীনখি। অসিয়ান সেন্তর ফোর ক্লাইমেত চেঞ্জ য়ুম্বু ওইনবা ব্রুনৈ দারুসালামগী থবকশিংদা ভারতনা শৌগৎপদা সুলতান্না থাগৎপা ফোঙদোকখি।
সেতেল্লাইতকী তেলিমেতরি, ত্রেক্কিং অমসুং তেলিকম্মান্দ স্তেসনগী থবক অমসুং লঞ্চ ভেহিকলশিংগী মতাংদা মতেং পীন্নবা এক্সতর্নেল এফেয়ার্স মিনিস্তর দোক্তর এস জয়সঙ্কর অমসুং ব্রুনৈগী ত্রান্সপোর্ত অমসুং ইনফোকম্মুনিকেসন মিনিস্তর পেনগিরন দাতো সামহারি পেনগিরন দাতো মুস্তাফাগী মরক্তা এম.ও.য়ু অমা খুৎয়েক পীনবদা লুচিংবা অসি শরুক য়াখি। বন্দর সেরি বেগাৱান অমসুং চেন্নাইগী মরক্তা দাইরেক্ত ফ্লাইত পাইবা হৌগদৌরিবা অসিদা লুচিংবশিংনা তরাম্না ওকখি। মতুংদা অপুনবা ৱারোল অমা থোকখি।
প্রধান মন্ত্রী ইকায়খুম্নবা উৎপা ওইনা সুলতান্না চাক্লেন অমা শীনখি।
ঙসি লুচিংবশিংগী মরক্তা ৱারি শান্নখিবা অসিনা ভারত অমসুং ব্রুনৈগী মরীশিং হেন্না চেৎশিনহল্লগনি। ভারত্তা লাক্নবা প্রধান মন্ত্রীনা সুলতানদা চেবাউ পীখি। পুৱারি ওইরবা প্রধান মন্ত্রীগী খোঙচৎ অসিনা মখা তানা ভারতকী এক্ত ইস্ত পোলিসি অমসুং ইন্দো-পেসিফিক্ত লৈবাক অসিগী পান্দম ফগৎহল্লগনি।
Delighted to meet His Majesty Sultan Haji Hassanal Bolkiah. Our talks were wide ranging and included ways to further cement bilateral ties between our nations. We are going to further expand trade ties, commercial linkages and people-to-people exchanges. pic.twitter.com/CGsi3oVAT7
— Narendra Modi (@narendramodi) September 4, 2024
Sangat gembira mengadakan perjumpaan bersama Kebawah Duli Yang Maha Mulia Paduka Seri Baginda Sultan Haji Hassanal Bolkiah pada hari ini. Semasa perjumpaan tersebut, kami telah mengadakan perbincangan yang meluas termasuk usaha-usaha untuk mengukuhkan lagi hubungan dua hala… pic.twitter.com/OmKkZWhT0C
— Narendra Modi (@narendramodi) September 4, 2024
