ঐহাক্কী লৈবাক মীয়ামগী মফমদা কোক নোঞ্জরি। ঐখোয়না ফেব্রুৱারীদগী ঙাইরকপা মতম অদু ঙসিদি য়ৌরক্লে। ঐহাক্না ঙসি ‘মন কী বাত’ কী খুত্থাংদা অদোম, ঐহাক্কী ইমুংগী মীওইশিংগা অমুক্কা হন্না পুল্লরে। ‘ইতি বিদা পুনর্মিলানয়া’ হায়বা য়াম্না ফজবা ৱারোল অমা লৈ, মসিনা হায়বদি ঐহাক্না অদোমগী মফমদগী কায়ন য়াথং লৌরিবসি অদোমগা অমুক হন্না উন্ননবনি হায়বনি। চপ মান্নবা ৱাখল্লোন অসিগা লোয়ননা ঐহাক্না মীখলদা মায় পাক্লবা তুংদা অমুক্কা হন্না উন্নসি হায়না ফেব্রুৱারীদা হায়খিবনি। অদুগা ঙসিদি, ঐহাক্না অদোমগী নাক্তা ‘মন কী বাত’কী খুত্থাংদা অমুক্কা হন্না পুল্লে। অদোমশু নুংঙাইরমগনি থাজৈ, মোন্সুনশু লাক্লে, মোন্সুন লাকপসি ৱাখল অমসুং পুন্সি তেখৎপনি হায়নরিবনি। লৈবাক অসিদা মখোয়গী থৌদাং কয়ানা অহোংবা পুরক্লিবা মীওই কয়াগী মতাংদা ৱারী শাবগী থৌওং অসি ঙসিদগী হৌনা ‘মন কী বাত’ অসিদা অমুক্কা হৌরসি। ঐখোয়গী ইনাক খুল্লবা চৎনবী, ঐখোয়গী য়াইফরবা পুৱারী অমসুং চাউখৎপা ভারত অমা ওইহন্নবা ঐখোয়না হোৎনরিবা কয়া অসিগী মতাংদা ঐখোয় অমুক খন্নবা হৌরসি।
মরুপশিং, ফেব্রুৱারীগী হেক মতুংদগী থাগী অরোইবা নোংমাইজিং লাকপা খুদিংদা ঐহাক্না অদোম্বু য়াম্না নীংশিংই। অদুগা, থাশিং অসিদা অদোম্না পাউজেল কয়া থারকখিবনা ঐহাকপু য়াম্না নুংঙাইহল্লি।
‘মন কী বাত’ রেদিও প্রোগ্রাম অসি থা খরা লেপ্লুরে, অদুবু, ইশাগী ওইজবা থীদনা, হনবা লৈতনা পাংথোকপা থবক কয়াগী মতাংদা পাউদম্লদুনা প্রোগ্রাম অসিগী ইথিলদি লেপ্পা লৈত্রি। মীখল মরক্তা মসিগুম্বা ৱারী কয়ানা অদোমগী পুক্নিংদা নুংঙাইবা পোকহল্লমগনি।
মরুপশিং, লৈবাক্কী গনতন্ত্রগী পথাপ অমসুং সংবিধান্দা অদোম্না অচেৎপা থাজবা থম্বগীদমক্তা ঐহাক্না লৈবাক মীয়াম্বু থাগৎপা পামজৈ। ইং 2024গী মীখল অসিদি মালেমগী খ্বাইদগী চাউবা মীখল অমনি। মীওই করোর 65না ভোত থাদবা মসিগুম্না চাউবা মীখল অসি মালেমদা ঙসি ফাওবদা পাংথোকখিদ্রি। মীখলগী থবক্কা মরী লৈনবা ইলেক্সন কম্মিসন অমসুং মীপুম খুদিংবু ঐহাক্না থাগৎচরি। ঐহাক্কী নুংশিরবা লৈবাক মীয়াম, জুন 30 অসিদি য়াম্না মরু ওইবা নুমিৎ অমনি। ঐখোয়গী ত্রাইবেল ইচিল ইনাওশিংনা নুমিৎ অসিবু ‘হুল দিবস’ হায়না পাংথোক্লি। মীরম লৈবাক্কী লৈঙাকপশিংগী মাইয়োক্তা লেপখিবা বীর সিদ্ধু কানহুগী হনবা লৈত্রবা থৌনাগা ঙসিগী নুমিৎকা মরী লৈনৈ। বীর সিদ্ধু কানহুনা সন্থল মরুপ্লোই লিশিং কয়াবু অমত্তা ওইনা পুন্সিন্দুনা মখোয়গী অপুনবা পাঙ্গলগা ব্রিতিশকা লান্থেংনখি। থৌদোক অসি করম্বা মতমদা থোকখিবগে অদোম খঙবরা? মসিদি ভারতকী নীংতম্বগী অহানবা লান হৌখিবা ইং 1857গী চহি অনিগী মমাংদা ইং 1855তা থোকখিবনি। মতম অদুদা, ঝার্খন্দগী সন্থল পর্গনাদা ঐখোয়গী ত্রাইবেল ইচিল ইনাওশিংনা মীরম লৈঙাক্কী মাইয়োক্তা খুৎলায় পায়খিবনি।
ব্রিতিশনা ঐখোয়গী সন্থল ইচিল ইনাওশিংগী মাইয়োক্তা মীওৎ মীনৈ কয়া চত্থখি অমসুং অথিংবা কয়া অমা থমজিনখি। লালহৌ অসিদা মশাগী থৌনা উত্তুনা বীর সিদ্ধু অমসুং কানহুনা মথ্বাই কৎখিবনি। ঝার্খন্দগী অমর ওইবা লমদম অসিগী মচাশিংনা থৱাই কৎখিবগী থৌওংনা ঙসি ফাওবদা লৈবাক মীয়ামদা ইথিল পীরিবনি। সন্থালি লোলদা মখোয়গীদমক্তা শকপা ঈশৈ অমা ঐখোয় তামিন্নসি।
#ওদিও ক্লিপ#
ঐহাক্কী নুংশিরবা মরুপশিং, মালেমদা খ্বাইদগী তাঙবা মরী অসি করিনো হংবদা অদোম্না ইমা হায়না শোইদনা খুমগনি। ঐখোয়গী খুদিংগী পুন্সিদা ইমাগী থাক্না খ্বাইদগী হেন্না ৱাংই। মমা অমনা অৱাবা কয়া মাইয়োক্নরবশু মচাবু নুংশিবদি হনবা লৈতে। ইমাগী মীনুংশি অসিদি ঐখোয়না কৈদৌনুংদা শিংবা ঙম্লরোইদবা লমন অমনি। ঐহাক্না খল্লিবনি...ঐখোয়না ইমাদা করিগুম্বা অমত্তা পীবদি ঙমদে, অদুবু মহাক্কীদমক্তা করিগুম্বা অমদি তৌবা য়াইনা? ৱাখল্লোন অসিগা লোয়ননা, হন্দক্কী চহিগী মালেমগী ইনভাইরনমেন্ত নুমিত্তা অখন্নবা কেম্পেন অমা হৌদোকখি। কেম্পেন অসিগী মিংদি “এক পের মা কে নাম” হায়বনি। ঐহাকশু ইমাগী মিংদা উ অমা থাজখি। মালেমগী লৈবাক্কী মীপুম খুদিংনা মখোয়গী মমাগা লোয়ননা নত্ত্রগা মখোয়গী মমাগী মিংদা উ অমমম থাসি হায়না ঐহাক্না পাউজেল পীজখি।
কেম্পেন অসিগী মখাদা ইমাগী মিংদা উ থাবগী থবক্না মতিক লৈনা চত্থরকপা অসিদা ঐহাক্না নুংঙাইবা ফাওই। মীওই কয়ানা মখোয়গী মমাগা লোয়ননা উ থাবগী ফোতো কয়া সোসিএল মীদিয়াদা থাগৎনরক্লি। কেম্পেন অসিনা ঐখোয় পুম্বনা ইমাবু ইকায় খুম্নবগী চপ মান্নবা খুদোংচাবা পীরি। #Plant4Mother অমসুং #Ek_Ped_Maa_Ke_Naamগী মখাদা মখোয়গী ফোতো থাগত্তুনা মীপুম খুদিংদা ইথিল পীনরি। মরুপশিং, কেম্পেন অসিনা ঐখোয় খুদিংদা অতোপ্পা লম্বী অমদশু তেংবাংগনি। মালেম পৃথীবিশু ঐখোয়বু মমাগুম্না নাওকোনবীরি। মালেম পৃথিবীনা ঐখোয় খুদিংবু হিংহল্লিবনি, অদুনা মহাক্কীদমক্তা চেকশিঞ্জবা হায়বশু ঐখোয়গী থৌদাংনি। ইমাগী মিংদা উ থাবনা ঐখোয়গী ইমা খক্তবউ ইকায় খুম্নবতা নত্তনা মালেম ইমাবুশু তেক্ত কায়দনা ঙাক শেন্দুনা থমগদৌরিবনি। মমাংগী দিকেদতা ঐখোয়না পুন্না হোৎনমিন্নবনা মরম ওইরগা ঐখোয়না ভারতকী উমংগী পাক চাউবা য়াম্না হেনগৎহনখ্রে। অমৃত মহোৎসব মতমদা লৈবাক শিনবা থুংবদা অমৃত সরোবর লিশিং 60 হেন্না শেমগৎখি। ইমাগী মিংদা উ থাবগী কেম্পেন অসিবুশু ঐখোয়না শৌগত্তুনা খুমাং চাউশিলহনবগী মথৌ তারে।
ঐহাক্কী নুংশিরবা লৈবাক মীয়াম, মোন্সুন্না মহাক্কী মচু কয়া লৈবাক্কী মফম কয়াদা খোঙজেল য়াঙনা শন্দোক্লি। নোংজু থা মতমসিদা য়ুম খুদিংদা কোইথী থীনরিবা পোৎলম অমদি ‘শাতিন’ হায়বসিনি। ঙসিগী ‘মন কী বাত’ অসিদা ঐহাক্না অখন্নবা শাতিন অমগী মতাংদা পাউদমগে। হায়রিবা শাতিন অসি ঐখোয়গী কেরলাদা শাবনি।
কেরলাগী চৎনবীদা শাতিনগী অখন্নবা মতৌ অমা লৈ। মফমসিগী ইরাৎ থৌনী কয়াদা শাতিনগী মথৌ য়াম্না তাবা লৈ। অদুবু, ঐহাক্না হায়রিবা শাতিন মখল অসিদি ‘কার্থুম্বী শাতিন’ অসিনি অমসুং মসি কেরলাগী অত্তাপদীদা শাবনি। মসিগী মচুনা থল্লবা শাতিন অসি য়াম্না ফজৈ। খ্বাইদগী অখন্নবা ৱাফম অমনা, শাতিন অসি কেরলাগী ত্রাইবেল ইচিল ইনাওশিংনা শাবনি। শাতিন অসি ঙসিদি লৈবাক পুম্বনা পাম্নবা হেনগৎলক্লি। মখোয় অসি ওনলাইন্দশু য়োল্লি। শাতিন অসি ‘বত্তালাকী কোওপরেতিব ফার্মিং সোসাইতী’গী মিৎয়েং মখাদা শাবনি। সোসাইতী অসি নুপীনা লুচিংদুনা চলাইবনি। নুপীশিংগী লুচিং মখাদা, অত্তাপাদীগী ত্রাইবেল খুন্নাইনা ওন্তোপ্রিনর্শিপকী নীংথিরবা খুদম অমা উৎলি। সোসাইতী অসিনা বেম্বু-হেন্দিক্রাফ য়ুনিৎ অমশু হাংদোক্লে। মীওইশিং অসিনা হৌজিক রিতেল আউতলেত অমসুং ত্রেদিস্নেল কেফে অমা হাংদোক্নবা থৌরাং তৌরি। মখোয়গী পান্দম অসিদি শুপ্নগী শাতিন অমসুং অতোপ্পা পোত্থোক য়োনবখক নত্তে, মখোয়গী চৎনবী অমসুং নাৎপু মালেমদা মখোয়না খঙহনবা পাম্লি। ঙসিদি, কার্থুম্বী শাতিন্না কেরলাগী অপীকপা খুঙ্গং অমদগী হেন্দোক্তুনা মলতিনেস্নেল কম্পেনী ফাওবা য়ৌবগী খোঙচৎ চৎখ্রে। ভোকেল ফোর লোকেলগী ওইনা মসিদগী হেন্না ফবা করি খুদম অমা লৈরিবগে?
ঐহাক্কী নুংশিরবা লৈবাক মীয়াম, মথংগী থাদা পেরিস ওলিম্পিক্স হৌরগনি। হায়রিবা ওলিম্পিক গেম্স অসিদা ভারত মচাশিংগী পুক্নিং থৌগৎলগে হায়না পুম্নমক্না ঙাইনরিবা ঐহাক খঙই। ওলিম্পিক গেম্স অসিদা ঐহাক্না ভারতকী তীম্না মায় পাকপা ওইসনু হায়জরি। তোকিয়ো ওলিম্পিক্সকী থৌদোকশিং ঐখোয়না ঙসিশু তগৎ তগৎ তেক্না নীংশিংলি।
ঐখোয়গী শান্নরোইশিংনা তোকিয়োদা উৎখিবা পরফোর্মেন্সনা ভারত মচা খুদিংগী পুক্নিং হুখি। তোকিয়ো ওলিম্পিক্স হেক লোইবগা ঐখোয়গী শান্নরোইশিংনা পেরিস ওলিম্পিক্সকীদমক্তা শেম শাবা হৌনখ্রবনি। ঐখোয়না শান্নরোই খুদিংবু অমত্তা ওইনা পুন্সিল্লবদি, মখোয় পুম্নমক্না মতমদুদগী হৌনা মালেমগী তুর্নামেন্ত চাউরাক্না চমাপ্পন্দা শরুক য়াখ্রবনি। মসিদি য়াম্না য়াম্বা মশিংনি।
মরুপশিং, অখন্নবা থৌদোক খরা অদোম্না পেরিস ওলিম্পিক্সতা খ্বাইদগী অহানবা ওইনা উবা ফংগনি। শুতিংদা, ঐখোয়গী শান্নরোইশিংগী তেলেন্তনা খ্বাইদগী মাঙ থাগনি। নুপা অমসুং নুপীগী তীম অনিমক্না তেবল তেন্নসিতা ক্বালিফাই তৌখ্রে। ঐখোয়গী নুপী শুতর কয়াশু ভারতকী শুতিং তীমগী শরুক ওইরি। ঐখোয়গী তীমগী মীওইশিংনা রেস্তলিং অমসুং হোর্স রাইদিংদা চাংয়েংনগনি, মসি মমাংদা অমুক্তা তৌখিদ্রিবনি। পুম্নমক অসি খঙলবা তুংদা, ঐখোয়না শান্ন খোৎনবগী মতাংদা অখন্নবা নুংঙাইবা অমা থেংনরগনি হায়বা অদোম খঙলম্লগনি। অদোম্না নীংশিংলম্বা য়াই, থা খরগী মমাংদা, ৱর্ল্স পেরা এথলেতিক চেম্পিয়নশিপ্তা ঐখোয়গী খ্বাইদগী ফজবা পরফোর্মেন্স উৎখি। ঐখোয়গী শান্নরোইশিংনা ছত্রং অমসুং বেদমিন্তন্দা মনা কয়া লৌখি। ঐখোয়গী শান্নরোইশিংনা ওলিম্পিক্স অসিদশু নীংথিবা পরফোর্মেন্স উৎনবা লৈবাক পুম্বনা ঙাইনরি, মেদল লৌবা ঙাইনরি, লৈবাক মীয়ামগী পুক্নিং শুমহৎনবা ঙাইনরি। লাক্কদৌরিবা মতমশিংদা, ঐহাক্না ভারতকী তীমগা উন্নবগী খুদোংচাবা ফংগনি। অদোমগী মায়কৈদগী ঐহাক্না মখোয়দা য়াইফ পাউজেল পীগনি। হন্দক্কী হেশতেগ অসি #Cheer4Bharat ওইগনি।
ঐখোয়না হেশতেগ অসিগী খুত্থাংদা ঐখোয়গী শান্নরোইশিংগী পুক্নিং থৌগৎসি। অদোমগী ইথিল অসিনা মখোয়দা তেংবাংদুনা ভারতকী জাদুবু মালেমদা উৎহনবা ঙমগনি।
ঐহাক্কী নুংশিরবা লৈবাক মীয়াম, অদোমগীদমক্তা অতেনবা ওদিও ক্লিপ অমা থাজগে।
#ওদিও ক্লিপ#
রেদিও প্রোগ্রাম অসি তাবদা অদোমশু ঙকপা ফাওরমগনি। মসিগী ৱারী লিজগে। তসেংবদি, মসিদি কুৱেত রেদিওদা থাদোকপা ক্লিপ অমনি। মফম অসিদা হিন্দি করম্না য়াওরিবনো? তসেংবদি, কুৱেত সরকারনা মখোয়গী লৈবাক্কী রেদিওদা অখন্নবা থৌরম অমা হৌদোকখ্রে। মদুশু হিন্দিদা। মসি কুৱেত রেদিওদা নোংমাইজিং খুদিংগী পুংখায় অমা শন্দোকই। মসিদা ভারতকী চৎনবীগী ৱারোল কয়া পাউদম্মি। ঐখোয়গী ফিল্ম অমসুং আর্তকী মালেমগা মরী লৈনবা ৱারোলশিং অসি মফম অসিগী ভারতকী খুন্নাইদা য়াম্না অপাম্বা ওই। কুৱেতকী লোকেল মীয়ামশু মসিবু য়াম্না পাম্মি হায়না ঐহাক্না তারে। মসিগুম্বা ফজরবা খোঙথাং অসিগীদমক্তা ঐহাক্না কুৱেত সরকার অমসুং মীয়ামবু থম্মোইনুংদগী থাগৎচরি।
মরুপশিং, ঐখোয়গী চৎনবীনা মালেমদা ঙান্থোইরিবা অসিদা ভারত মচা কনানা নুংঙাইরোইদগে? খুদম অমা, তুর্কেমেনিস্তান্দা মখোয়গী লৈবাক্কী কবিগী 300শুবা মপোক নুমিৎ অসি চহিসিগী মে থাদা পাংথোকখি। থৌরমসিদা, তুর্কেমেনিস্তানগী রাস্ত্রপতিনা মালেমগী মমিং লৈরবা কবি 24গী মীতমগী মায়খুম হাংদোকখি। মীতমশিং অসিগী মনুংদা ঐখোয়গী গুরুদেব রবিন্দ্রনাথ তেগোরশু য়াওরিবনি।
মসিদি ঐখোয়গী ভারত অমসুং গুরুজীবু তসেংনা ইকায় খুম্নবগী থৌওংনি। মান্নবা মতৌ অমা ওইনা, জুন থাদা, কেরিবিয়ানগী লৈবাক অনি ওইরিবা সুরিনাম অমদি সেন্ত ভিন্সেন্ত অমশুং গ্রেনাদিন্না মখোয়গী ইন্দিয়ন হেরিতেজপু থৱাই য়াওনা পাংথোকখি। সুরিনামগী ইন্দিয়ন কম্ম্যুনিতীনা চহি খুদিংগী জুন 5 অসিবু ইন্দিয়ন এরাইবেল দে অমসুং প্রাবাসী দিন হায়না পাংথোকই। মফম অসিদা হিন্দিগা লোয়ননা ভোজপুরীশু পাক শন্না ঙাংনৈ। সেন্ত ভিন্সেন্ত অমসুং গ্রেনাদিন্দা ভারত্তগী হৌখিবা মীওই চাউরাক্না লিশিং তরুকমুক লৈ। মখোয় খুদিংনা মখোয়গী হেরিতেজকীদমক্তা চাউথোকচৈ। জুন 1দা মখোয়না হেরিতেজ নুমিৎ হায়না পাংথোকপগী মতৌনা মখোয়গী ইথিলগী মমি উহনবা ঙম্মি। ভারতকী হেরিতেজনা মালেমগী মফম খুদিংদা মসিগুম্না শন্দোকপগী মতৌদা ভারত মচা খুদিংনা নুংঙাইবা ফাওনরি।
মরুপশিং, হন্দক্কী থা অসিদা মালেম পুম্বনা 10শুবা য়োগ নুমিৎ থৱাই য়াওনা পাংথোকখি। ঐহাক ইশামকশু জম্মু কশ্মিরগী শ্রীনগরদা শিনখিবা থৌদোক্তা শরুক য়াজখি। মফম অদুদা নহাশিং খক্তা নত্তনা, ইচে ইচল অমসুং ইচানুপীশিংনা য়োগ নুমিত্তা থৱাই য়াওনা শরুক য়ানখি। য়োগ নুমিৎ পাংথোকপগী থৌওং হেনগৎলকপগা লোয়ননা অনৌবা রেকোর্দ কয়াশু শেমখ্রে। খ্বাইদগী অহানবা ওইনা, সাউদী অরাবিয়াদা অল হনুফ সাদ জী কৌবী নুপী অমনা কম্মন য়োগ প্রোতোকোল লুচিংদুনা পাংথোকখি। য়োগগী মপুং ওইবা সেসন অমদা নুপীনা লুচিংবসি মসিনা সাউদীদা অহানবনি। ইজিপকী ওইনশু, য়োগ নুমিত্তা ফোতো কম্পিতিসন অমা পাংথোকখি। নাইল তুরেল তোর্বান, রেদ সীগী তোর্বান অমসুং পীরামিদকী মমাংদা মীওই লাক্ষ কয়ানা য়োগ তৌনবগী ফোতো য়াম্না মমিং চৎনখি। মার্বল বুদ্ধ স্তেচ্যুগীদমক্তা মমিং চৎলিবা ম্যান্মারগী মারাবিজয় পগোদা কমপ্লেক্স অসিশু মমিং চৎলি। মফম অসিদশু, জুন 21দা য়োগগী সেসন পাংথোকখি। দিব্যাং অঙাংশিংগী ওইবা অখন্নবা কেম্প অমশু বাহরেন্দা পাংথোকখি। শ্রী লঙ্কাদা লৈরিবা অমসুং UNESCO হেরিতেজ সাইত অমা ওইবগীদমক্তা মমিং চৎলিবা গেল লানবন্দশু নীংশিংনীংঙাই ওইরবা য়োগ সেসন অমা পাংথোকখি। USAগী ন্যু য়োর্কী ওবজর্বেসন দেক্তশু মীওই কয়ানা য়োগ তৌনখি। মার্শেল আইলেন্দগী রাস্ত্রপতিশু মফম অদুদা পাক চাউনা খ্বাইদগী অহানবা ওইনা পাংথোকখিবা য়োগগী থৌরমদা শরুক য়াখি। ভুতানগী থিম্ফুদা য়োগ নুমিৎকী চাউরবা থৌরম পাংথোকখি, মসিদা ঐহাক্কী মরুপ, প্রধান মন্ত্রী তোবগেশু শরুক য়াখি। য়োগ নুমিত্তা শরুক য়াখিবা ঐহাক্কী মরুপ খুদিংবু ঐহাক্না থাগৎচরি। ঐখোয়না য়োগ অসি শুপ্নগী নোংমগী থৌরম ওইহনগদবা নত্তে। ঐখোয়না য়োগ চাং নাইনা তৌফম থোকই। য়োগ তৌবা মতমদা অদোমগী পুন্সিদা অফবা অহোংবা অমা শোইদনা লাক্কনি। মরুপশিং, মালেমদা য়াম্না পাম্নবা ভারতকী পোত্থোক কয়া অমা লৈ অমসুং ভারতকী লোকেল পোত্থোক অমনা মালেমদা মমিং লৈরকপদা চাউথোকচবা হায়বসি মশানা তাবনি। মসিগুম্বা পোত্থোক অমদি ঐখোয়গী অরাকু কোফী অসিনি। অরাকু কোফী অসি আন্ধ্র প্রদেশকী অল্লুরী সিতা রাম রাজু জিলাদা মশিং য়াম্না পুথোকই। মসিগী মহাও অমসুং মনমগীদমক্তা মমিং চৎলিবনি। অরাকু কোফী থাবদা ত্রাইবেল ইমুং লাক্ষ 1.5মুক শরুক য়ারি। অরাকু কোফীবু অৱাংবা থাক্তা পুখৎপদা গিরিজন কোওপরেতিবকী অচৌবা থৌদাং য়াওরি। মখোয়না লৌমী ইচিল ইনাওশিংবু অমত্তা ওইনা পুরক্তুনা মখোয়বু অরাকু কোফী থাহনখিবনি।
মসিনা ঐখোয়গী লৌমীশিংগী শেন্থোকশু য়াম্না হেনগৎহল্লে। কোন্দা দোরা ত্রাইবেল খুন্নাইশু মসিদগী কান্নবা য়াম্না ফংলি। চাগা তানবতা নত্তনা মখোয়না ইকায় খুম্নবা পুন্সি মহিং অমশু হিংবা ঙমলে। ঐহাক্না বিশাখাপত্নমদা চৎপদা, আন্ধ্র প্রদেশকী মুখ্য মন্ত্রী চন্দ্রবাবু নাইদু গারুগা লোয়ননা কোফী অসিবু মহাও তংবগী খুদোংচাবা ফংজখি। য়াম্না হাওই...কোফী অসিদি য়াম্না হাওবজাৎনি। অরাকু কোফীনা মালেমগী ওইবা মনা কয়া ফংলে। দিল্লীদা পাংথোকখিবা জি-20 সম্মিত্তা কোফী অসি য়াম্না পাম্নখি। অদোম্না তাঞ্জাবু ফংলবদি, অরাকু কোফী শোইদনা থকপীয়ু।
মরুপশিং, লোকেল পোত্থোকপু গ্লোবেল ওইহনবগী লমদা জম্মু অমসুং কশ্মিরশু মনিংদা লৈত্রে। মখোয়না মমাংগী থাদা ফংখিবা মায় পাকপা অসি লৈবাক শিনবা থুংবগী মীয়ামগী খুদম অমা ওইগনি। মফমসিগী পুলৱামাদগী স্নো পীগী অহানবা কন্সাইনমেন্ত লন্দন্দা থাখ্রে। মীওই খরনা অসুম্না খনখি, কশ্মিরদা হৌরিবা লোকেলগী মনা মশিংবু মালেদা য়ৌহনবা করি কায়বা লৈবগে! অদুদগীদি, চকুরা খুঙ্গংগী অব্দুল রশিদনা হীরম অসিদা খ্বাইদগী হান্না থোক্লকখি। মহাক্না খুঙ্গং অসিগী অতোপ্পা লৌমীশিংগী লম পুন্সিন্দুনা স্নো পী থাবা হৌখি, অদুদগী ইকুই কুইদনা মখোয়গী স্নো পী হৌজিক্তি লন্দন য়ৌরে। মায় পাকপা অসিনা কশ্মিরগী নুংঙাই য়াইফবগী থোঙ অমা হাংদোক্লে। মসিগুম্বা অখন্নবা পোত্থোক্কী অৱাৎপা অমতা লৈবাক অসিদা লৈতে। অদোম্না পোত্থোক অসিবু #myproductsmypride কা লোয়ননা চাউথোকচনা শেয়র তৌগদবনি। মথংগী ‘মন কী বাত’ কী থৌরমদা ঐহাক্না হীরম অসিদা ৱা ঙাঙগনি।
মাম প্রিয়াঃ দেশবাশীনঃ
অদ্য অহম কিনচিৎ চর্চা সংস্কৃত ভাশ্যম আরাভে
ঐহাক্না ‘মন কী বাত’ অসিদা খুদক্তা সংস্কৃত ঙাঙলকপা অসিদা অদোম অঙকপা পোক্লমগনি। মসিগী মরমদি, সংস্কৃতকা মরী লৈনবা অখন্নবা থৌরম অমা ঙসি তাবগীনি। ঙসি, জুন 30 অসিদা অকাশবানীগী সংস্কৃত বুল্লেতিন্না মখোয়গী ব্রোদকাস্তকী চহি 50 মপুং ফারি। বুল্লেতিন অসিনা মীওই কয়াবু চহি 50 সংস্কৃতকা মরী লৈনহন্দুনা লাক্লি। ঐহাক্না ওল ইন্দিয়া রেদিওগী ইমুংবু থাগৎচরি।
মরুপশিং, ভারৎকী অরিবা লৌশিং অমসুং বিজ্ঞান চাউখৎপদা সংস্কৃতনা অচৌবা থৌদাং য়াদুনা লাক্লি। ঙসিগী মতমগী তঙাই ফদবদি, ঐখোয়না সংস্কৃতপু ইকায় খুম্নদুনা নোংমগী পুন্সিগী শরুক অমা ওইহনবা হায়বসিনি। বেঙ্গালুরুদা মীওই কয়া অমনা মসিগী মতাংদা হৌজিক্কান য়াম্না কন্না হোৎনরি। বেঙ্গালুরুদা ক্যুবন পার্ক হায়বা অমা লৈ, মফমসিগী মীয়াম্না অনৌবা চৎনবী অমা হৌদোক্লে। চয়োল অমদা, নোংমাইজিং খুদিংগী, অঙাং, নহা অমসুং অহলশিংনা মফমসিদা সংস্কৃত্তা ৱারী শানৈ। মসিদা নত্তনা, দিবেত কয়া অমশু সংস্কৃত্তা শিন্দুনা পাংথোক্লি। খোঙথাং অসিগী মিংদি সংস্কৃত ৱিকেন্দ কৌই, মসিবু সমস্থী গুব্বী জীনা ৱেবসাইত অমগী খুত্থাংদা হৌদোকখিবনি। নুমিৎ খরনিগী মমাংদা হৌদোকখিবা খোঙথাং অসি বেঙ্গালুরুগী মীয়াম্না য়াম্না পাম্নরি।
ঐখোয় খুদিংনা মসিগুম্বা খোঙথাংদা শরুক য়াবা মতমদা, ঐখোয়না মালেমগী খ্বাইদগী লিরবা মসিগুম্বা সাইন্তিফিক ওইবা লোল অসিদগী পারা য়াম্না তম্বা ফংগনি।
ঐহাক্কী নুংসিরবা লৈবাক মীয়াম, ঙসিগী মন কী বাতকী তাঙ্কক অসিদা অদোমগা পুনবসিদা ঐহাক য়াম্না নুংঙাই। পরিং অসি হান্নগুম্না মখা তানা চত্থরগনি। শেংলবা রথ য়াত্রা অসি ঙসিদগী চয়োল অমগী মতুংদা হৌরগনি। মহাপ্রভু জগন্নাথনা খুদিংমকপু থৌজানবা হায়বসি ঐহাক্কী অপাম্বনি। অমর্নাথ য়াত্রাশু হৌখ্রে অমসুং নুমিৎ খরনিগী মতুংদা পনধর্পুর ৱারিশু হৌরগনি। য়াত্রাশিং অসিদা শরুক য়াগদৌরিবা য়াত্রী খুদিংবু ঐহানা য়াইফ পাউজেল পীজরি। খ্বাইদগী নকপদা, কুৎচীগী অনৌবা চহি হৌবগী কুহ্মৈ – অশাধী বীজ লৈরি। কুহ্মৈশিং অসিগীদমক্তা ঐহাক্না মীয়ামগী মফমদা য়াইফ পাউজেল পীজরি। পোজিতিবিতীগা মরী লৈনবা মীয়াম্না হোৎনবগী থৌওং কয়া মীয়াম্না ঐহাক্কী ইফমদা পাউদম্লক্কনি হায়না ঐহাক্না চেৎনা থাজৈ। ঐহাক্না অদোমগী মথংগী থাদা অমুক্কা পুন্নবা ঙাইজরি। অদু ফাওবদি, ইশা অমসুং ইমুংবু চেকশিন্না থম্বীয়ু। থাগৎচরি। নমস্কার।
During #MannKiBaat, PM @narendramodi expresses gratitude to the countrymen for reiterating their unwavering faith in the Constitution and the democratic systems of the country. He also applauds the crucial role of @ECISVEEP. pic.twitter.com/tZPqS8VAqc
— PMO India (@PMOIndia) June 30, 2024
Today, the 30th of June is a very important day. Our tribal brothers and sisters celebrate this day as 'Hul Diwas'. This day is associated with the indomitable courage of Veer Sidhu-Kanhu. #MannKiBaat pic.twitter.com/dpA1t0x7OC
— PMO India (@PMOIndia) June 30, 2024
A special campaign has been launched on World Environment Day this year. The name of this campaign is – 'Ek Ped Maa Ke Naam.'
— PMO India (@PMOIndia) June 30, 2024
It is gladdening to see people inspiring others by sharing their pictures with #Plant4Mother and #Ek_Ped_Maa_Ke_Naam.#MannKiBaat pic.twitter.com/e6YsUPDgIc
Karthumbi umbrellas of Kerala are special... Here's why#MannKiBaat pic.twitter.com/ghSI3yB175
— PMO India (@PMOIndia) June 30, 2024
Let us encourage our athletes participating in the Paris Olympics with #Cheer4Bharat.#MannKiBaat pic.twitter.com/5BSl6b2zsx
— PMO India (@PMOIndia) June 30, 2024
Kuwait government has started a special program on its National Radio and that too in Hindi... I thank the government of Kuwait and the people there from the core of my heart for taking this wonderful initiative, says PM @narendramodi during #MannKiBaat pic.twitter.com/cWDZ8nmLMt
— PMO India (@PMOIndia) June 30, 2024
The way Indian culture is earning glory all over the world makes everyone proud. #MannKiBaat pic.twitter.com/G0TdoW5C05
— PMO India (@PMOIndia) June 30, 2024
The entire world celebrated the 10th Yoga Day with great enthusiasm and zeal. #MannKiBaat pic.twitter.com/7Rttc2P4kB
— PMO India (@PMOIndia) June 30, 2024
There are so many products of India which are in great demand all over the world and when we see a local product of India going global, it is natural to feel proud. One such product is Araku coffee of Andhra Pradesh. #MannKiBaat pic.twitter.com/KFZ1MCHSB3
— PMO India (@PMOIndia) June 30, 2024
What Jammu and Kashmir has achieved last month is an example for people across the country. The first consignment of snow peas was sent to London from Pulwama. #MannKiBaat pic.twitter.com/GGWz7vAIsm
— PMO India (@PMOIndia) June 30, 2024
The Sanskrit Bulletin of @AkashvaniAIR is completing 50 years of its broadcast today. For 50 years, this bulletin has kept so many people connected to Sanskrit. #MannKiBaat pic.twitter.com/AqHmznlnCZ
— PMO India (@PMOIndia) June 30, 2024
A praiseworthy effort in Bengaluru to further popularise Sanskrit. #MannKiBaat pic.twitter.com/XnpVgQgF3C
— PMO India (@PMOIndia) June 30, 2024
