ঙসি প্রধান মন্ত্রী শ্রী নরেন্দ্র মোদীনা এন.সি.সি কেদেতশিং অমসুং এন.এস.এস ভোলুন্তিয়ারশিংদা ৱা ঙাংখ্রে। তিনখিবা মীয়ামদা ৱা ঙাংবদা, রানি লক্সমী বাইগী পুন্সি উৎপা নাৎকী থৌরমগী চাউথোকচবা ফোঙদোক্লদুনা প্রধান মন্ত্রীনা হায়খি থৌরম অসিনা ঙসি ভারতকী পুৱারি অমুক হিঙ্গৎহল্লে। থৌরম অসিদা শরুক য়াখিবা থাগৎপা ফোঙদোকখি অমসুং মখোয় গনতন্ত্র দিবস পেরেদকী শরুক অমা ওইরগনি। মরম অনি হায়বদি ৭৫শুবা গনতন্ত্র দিবস থৌরম অমসুং মসি ভারতকী নারী শক্তিদা কৎথোকপনা মরম ওইদুনা থৌরম অসি য়াম্না মরুওই। ভারত শীনবা থুংবগী নুপীশিং শরুক য়ারিবা অসি পল্লদুনা, শ্রী মোদীনা হায়খি মখোয় মফম অসিদা মথন্থ লাকপা নত্তে, মখোয়গী রাজ্যশিংগী ফজবা, মখোয়গী নাৎ, চৎনবীশিং অমসুং মখোয়গী খুন্নাইগী অফবা ৱাখল্লোনশিং পুদুনা লাক্লি। রাস্ত্রিয়া বালিকা দিবস অসি ভারতকী ইচানুপীশিংগী থৌনা, খাংবা কনবা অমসুং মাইপাকপশিং হরাওবা ফোঙদোকপা অমনি। পুৱারিগী তোঙান-তোঙানবা তাঙ্ককশিংদা খুন্নাইগী য়ুম্ফমশিং থোনবদা নুপীশিংনা লৌখিবা থৌদাংশিং ঙসিগী নাৎকী থৌরমশিং অসিনা শাখি অমা ওইরে।
জন নায়ক কারপুরি থাকুরদা ভারত রত্ন পীনবা সরকারনা ৱারেপ লৌখিবা অদু পল্লদুনা, প্রধান মন্ত্রী মোদীনা হায়খি ঙসিগী নহারোলশিংনা শক্নাইরবা মীওইশিংগী মরমদা খঙবা দরকার ওই অমসুং মহাকগুম্বা মীওই অমদা মনা অসি পীবা সরকারগী লাইবক ফবনি। খম থেংনা লায়রজরবসু অমসুং খুন্নাইগী থোং মান্নদবা মরক্তা মহাক্না হৌগৎলকখিবা অমসুং মহাক্না চীফ মিনিস্তর ওইরকখিবগী মতাংদা মহাক্না নিংশিংখি অমসুং মহাক্না মতম পুম্নমক্তা নোল্লুক্না লৈখি। প্রধান মন্ত্রীনা হায়খি মহাক্কী পুন্সি চুপ্পা খুন্নাইগী অচুম্বা পুরক্নবা অমসুং তোল্লবা কাংলুপশিং য়াইফনবা কৎথোকখি। সরকারগী কান্নবশিং খ্বাইগী মনিংদা লৈহৌবা মীওইশিং ফংনবা বিকসিত ভারত সংকল্প যাত্রা পাংথোক্লিবা অসি কারপুর থাকুরগী ইথিলগী মমিনি।
প্রধান মন্ত্রীনা হায়খি মীওই কয়া অমা অহানবা ওইনা দিল্লিদা লাকপনি অমসুং গনতন্ত্র দিবস থৌরমগী মতাংদা মখোয়না হরাওবা কয়া পাউদমখি। থৌরম অসি শরুক য়াবা লাকখিবা মীওই কয়া অহানবা ওইনা দিল্লিদা কা হেন্না ইংবগী ফিবমশিং থেংনগনি অমসুং তোঙান-তোঙানবা লমদমশিংদা ভারতকী তোঙান-তোঙানবা অইং-অশাগী ফিবমশিং লৈরি। অসিগুম্বা কা হেন্না ইংবা ফিবম অসিদা রিহারসেল পাংথোক্লিবা অসিগীদমক থাগৎলি। মখোয়না য়ুমদা হনখিবা মতমদা মখোয়না গনতন্ত্র দিবস থৌরমশিংগী শরুক অমগা লোয়ননা হনখিগনি হায়বগী থাজবা লৈরি। মসি ভারতকী তোপ-তোপ্পা মশক্নি। রাজ্য অমদগী অতোপ্পা রাজ্য অমদা চৎপদা মীওই খুদিংমক অনৌবা মহাওশিং ফংই।
প্রধান মন্ত্রীনা হায়খি হৌজিক্কী মীরোল অসি জেনেরেসন ‘জেৎ’ হায়না খঙনরবসু, ঐনা অদোম অমৃত জেনেরেসন হায়না কৌবা পাম্মী। হৌজিক্কী মীরোলগী থৌনানা অমৃত কালদা লৈবাক অসিগী চাউখৎপা ইনোৎ হাপকনি। ২০৪৭দা চাউখৎলবা লৈবাক অমা ওইনা ভারতকী ৱাশক লৈরিবা মরম্না ভারতকী তুংগীদমক অমসুং হৌজিক্কী মীরোলগীদমক মথং চহি ২৫ অসি য়াম্না মরুওই। অমৃত জেনেরেসনগী মঙলানশিং মঙফাওনহনবা, মশিং থিঙমদ্রবা খুদোংচাবশিং শেমগৎপা অমসুং মখোয়গী লম্বীশিংদা লৈরিবা অপনবশিং লৌথোকপা হায়বসি সরকারনা ৱারেপনি। ঙসিগী থৌরমদা উখিবা থকসি-খাশি, পুক্নিং চঙবা অমসুং পুন্না থবক তৌমিন্নবা হৈবা অসি অমৃত কালগী মঙলানশিং মঙফাওনবা ঙম্নবা য়ুম্ফমনি।
প্রধান মন্ত্রীনা হায়খি ‘লৈবাক্না হান্না’ হায়বা অসি অমৃত জেনেরেসনগী মাইকৈ তাক্কদবা অচুম্বা ৱাখল্লোলশিং ওইগদবনি। নহারোলশিং কৈদৌঙৈদা মখোয়গী পুন্সিদা নিংবা কাইবা লৈহল্লোইদবনি। য়হি সমে হাই, সহি সমে হাই, য়ে অপকা সমে হাই- মসি চপ চারবা মতমনি, মসি অদোমগী মতমনি। বিকসিত ভারতগী পান্দম ফংনবা মখোয়গী ৱাশক ঙাক্নবা নহারোলশিং থৌনা লৈগদবনি। ভারতকী লাইপোকশিংনা মালেমগী অনৌবা মাইকৈ তাক্নবা লৌশিংগী পুক্কৈ পাকথোক-চাউথোকহনগদবনি অমসুং ভারতনা মালেমগী অৱাবশিং কোকহনবা ঙম্নবা অনৌবা তৌবা ঙম্বশিং লৈগদবনি।
প্রধান মন্ত্রীনা হায়খি নহারোলশিংগী শক্তিশিং ফুদোক্নবা অনৌবা মফমশিং শেমগৎনবা থবক কয়া পায়খৎলে অমসুং নৌনা হাংদোকপা সেক্তরশিংদা অনৌবা খুদোংচাবা কয়া পীরে। স্পেস সেক্তরদা অনৌবা খুদোংচাবা কয়া পীরে, ললোন-ইতিক পাংথোকপা লাইহন্নবা থবকশিং ফগৎহল্লে, দিফেন্স ইন্দস্ত্রিদা লনাই কাংবু শরুক য়াবা য়াহল্লে, নেসনেল রিছার্স ফাউন্দেসন লিংখৎলে অমসুং ২১শুবা চহিচাগা চুশিন্নবা ঙম্নবা অনৌবা মহৈলোয়শঙশিং শেমগৎলে। মমালোলদা অৱাংবা থাক্কী লাইরিক-লাইশু তম্বা য়ানবা ভারত্তা লাইরিক-লাইশুগী থবকশিংদা অহোংবা কয়া পুরক্লে আমসুং মসি অকক্নবা সবজেক অমা খক্তদা পায়খৎকদবা নত্তে।
রিছার্স অমসুং ইন্নোবেসন্দা শরুক য়ানবা নহারোলশিংগী পুক্নিং থৌগৎলদুনা প্রধান মন্ত্রীনা হায়খি অতল তিনকরিং লেবশিংনা অনৌবা থবকশিং পায়খৎপদা পুক্নিং থৌগৎলে। লান্মীদা শরুক য়ানিংবা মহৈরোয় নুপীমচাশিংগী অনৌবা খুদোংচাবশিং সরকারনা পীরে। হৌজিক মহৈরোয় নুপীমচাশিং তোঙান-তোঙানা সৈনিক স্কুলশিংদা মিং চনবা য়ারে। মপুংফবা থাবগা লোয়ননা মখোয় মাঙলোমদা চঙশিনগদবনি। নহাক্কী হোৎনবশিং, নহাক্কী পান্দম, নহাক্কী থৌনা অদুনা ভারত অনৌবা থাকশিংদা পুখৎপা ঙমগনি।
প্রধান মন্ত্রীনা হায়খি থকসি-খাশি লৈবা, লৈবাক অসিদা লম য়াম্না চৎপা অমসুং তোঙান-তোঙানবা লোলশিং খঙদুনা তোঙান-তোঙানবা লমদমশিংগী মরুপশিং লৈবা কনাগুম্বা অমা মগুন হেনগৎলকপা হায়বসি মহৌশানি। মসি ঐখোয়না লাইনা লৌরোইদবনি। মসি কনাগুম্বা মীওই অমগী পুন্সিগী খ্বাইদগী মরুওইবা শরুক অমনি। নহারোলশিনা মশা ফনা লৈনবা মরুওইনা লৌগদবনি অমসুং হকচাং ফনা লৈনবা থকসি-খাশি লৈবা তঙাইফদে। “মতম খর পুক্নিং থৌগৎপা ৱাৎপা য়াই, অদুবু অদোম অচুম্বা লম্বীদা চৎপা হায়বসি থকসি-খাশিনি। করিগুম্বা থকসি-খাশি লৈরবদি হিরম খুদিংমক্তা শোইদনা মাইপাক্কনি।
মহাক্না এন.সি.সি শরুক য়ারকপা পল্লদুনা প্রধান মন্ত্রীনা হায়খি এন.সি.সি, এন.এস.এস নত্ত্রগা কলচরেল কেম্পশিংগুম্বা ইন্সতিতুসনশিংনা নহারোলশিং খুন্নাই অমসুং মখোয়গী মথৌশিং মশক খঙহল্লি। ‘মাই যুব ভারত’ কৌবা অতোপ্পা লুপ অমা শেম্লে অমসুং নহারোলশিং ‘মাই যুব ভারত’ প্লেতফোর্মদা ‘মাই ভারত’ ভোলুন্তরিয়রশিং ওইনা মিং চনগদবনি।
প্রধান মন্ত্রীনা হায়খি চহি অসিগী গনতন্ত্র দিবস থৌরমদা, তোঙান-তোঙানবা থৌরমশিং য়েংনবা, তোঙান-তোঙানবা পুৱারিগী মফমশিং য়েংনবা অমসুং অখঙ-অহৈশিং উনবগী খুদোংচাবা কয়া পীরে। মসি অদোমগী পুন্সি চুপ্পা নিংশিংদুনা লৈহৌরগনি। অদোমনা গনতন্ত্র দিবস পেরেদ য়েংবা চহি খুদিংদা, নহাক মখোয় নিংশিংলগনি অমসুং ঐনা হায়খিবা ৱাফমশিং অসিশু নহাক নিংশিংগনি। মখোয়না থেংনবশিং নহারোলশিংনা রেকোর্দ তৌশিনগদবনি অমসুং গনতন্ত্র দিবস থৌরমশিংদগী খঙলকপশিং অদু নমো এপ্পতা ভিদিও রেকোদিং ওইনা নত্ত্রগা অইবা ওইনা প্রধান মন্ত্রীদা সিয়ার তৌগদবনি। নমো এপ্পকী খুৎথাংদা ঙসিগী নহা ওইরিবা মীরোলশিং ঐগা লেপ্তনা পাউ ফাওনগদবনি।
লোইশিল্লকপদা প্রধান মন্ত্রীনা হায়খি থাজবা হায়বসি নহারোলশিংগী মপাঙ্গলনি। লাইরিক কন্না পাগদবনি, মিকুপ-নাহুম শিংবা নাগরিকশিং ওইগদবনি, মহৌশাগী অকোয়বগী ফিবম ঙাক-শেনগদবনি, ফত্তবা হৈনবীশিং থাদোক্কদবনি অমসুং লৈবাক্কী হেরিতেচ অমসুং নাৎকীদমক চাউথোকচবা ফাওগদবনি। অদোমগী মফমদা ঐগী বর পীজরি, ঐগী য়াইফ-পাউজেল পীজরি।
থৌরম অদুদা শরুক য়াখিবশিংগী মনুংদা য়ুনিয়ন দিফেন্স মিনিস্তর শ্রী রাজনাথ সিংহ, স্পোর্তস অমসুং য়ুথ এফেয়ার্সকী য়ুনিয়ন মিনিস্তর শ্রী অনুরাগ সিংহ থাকুর অমসুং ত্রাইবেল এফেয়ার্সকী য়ুনিয়ন মিনিস্তর শ্রী অর্জুন মুন্দা য়াওখি।
This year, Republic Day parade will be even more special because of two reasons... pic.twitter.com/sl6aand17m
— PMO India (@PMOIndia) January 24, 2024
Today is National Girl Child Day. It is the day to celebrate the achievements of our daughters. pic.twitter.com/DYOUuFR6jj
— PMO India (@PMOIndia) January 24, 2024
Jan Nayak Karpoori Thakur Ji's life is an inspiration for everyone. pic.twitter.com/g5AwP88BEB
— PMO India (@PMOIndia) January 24, 2024
India's 'Amrit Peedhi' will take the country to greater heights. pic.twitter.com/o0yXf4ucsk
— PMO India (@PMOIndia) January 24, 2024
राष्ट्र प्रथम।
— PMO India (@PMOIndia) January 24, 2024
Nation First. pic.twitter.com/80ZYX76RJm
