প্রধান মন্ত্রীনা দেহরাদুনগী মহৈরোয় অনুরাগ রমোলানা চহি য়াম্না নৌনা নেস্নেল ইন্তরেস্তকী ওইবা সমস্যাশিং অসি খঙবা ঙম্বদা অপেনবা পোক্লদুনা মহৈরোয় অসিদা চিথী ইখ্রে

প্রধান মন্ত্রী নরেন্দ্র মোদীনা তোয়না দাইলোগশিং তৌদুনা লৈবাক অসিগী নহা ওইরিবা মীরোল, মরু ওইনা মহৈরোয়শিংগী থৌনা হাপ্লি। ‘মন কী বাত’, পরিক্ষা পে চর্চা’, নত্ত্রগা পর্সনেল দাইলোগশিং ওইরবসু প্রধান মন্ত্রী মোদীনা মখোয়গী অপাম্বশিং অমসুং খঙনীংবশিং অদু তোঙান-তোঙানবা মীদিয়মগী খুত্থাংদা খঙবীদুনা নহারোলশিংদা মতম চুপ্পদা পুক্নিং থৌগৎলি। মসিগী শরুক অমা ওইনা প্রধান মন্ত্রীনা দেহরাদুনগী ক্লাস ১১ তম্লিবা অনুরাগ রমোলাগী চিথীগী পাউখুম পীরদুনা মহাক্কী আর্ত অমসুং আইদিয়া অদুবু অমুক হন্না থাগৎখ্রে।

অনুরাগকী ৱাখল্লোন অদুদা অপেনবা পোক্লদুনা প্রধান মন্ত্রীনা চিথী অমা ইখি, “অদোমগী চীথিদা ইরিবা ৱাহৈশিংদা অমসুং ‘ভারতকী নীংতম্বা ফংখিবগী অমৃত মহোৎসবকী’ অয়েকপা লাইগীদমক খনখিবা থিম অদুদা অদোমগী আইদিওলোজিদা মপুং ফাবা অদু মমি তাখি। এদোলেসেন্সতগী হৌনা নেস্নেল ইন্তরেস্তকী ওইবা সমস্যাশিং খঙবা ঙম্বা অমসুং থৌদাং লৈবা প্রজা অমা ওইনা লৈবাক অসিগী চাউখৎ-থৌরাংদা অদোমগী থৌদাং মশক খঙবা অসিদা ঐহাক্না নুংঙাইবা ফাওই।”

মীপাল তাংদবা ভারত অমা ওইহন্নবা লৈবাক অসিগী প্রজা পুম্নমক্না শরুক তম্লিবা অসিবু থাগৎপা ফোঙদোক্লদুনা প্রধান মন্ত্রীনা মখা তানা ইখি: “হন্দক্কী নীংতম্বগী অমৃত কাল অসিদা লৈবাক অসিনা অপুনবগী পাঙ্গলগী শক্তি অমসুং ‘সবকা প্রয়াস’কী মন্ত্রগা লোয়ননা মাংদা চংশিল্লি। তুংদা লাক্কদৌরিবা চহিশিংদা মপাঙ্গল কনবা অমসুং চাউখৎপা ভারত অমা শেমগৎপদা ঐখোয়গী নহা ওইরিবা মীরোলগী থৌরাং য়াম্না মরু ওইগদৌরি।”

অনুরাগরা মহাক্কী তুংগী পুন্সিদা মাইপাক্নবা য়াইফ-পাউজেল পীবগা লোয়ননা প্রধান মন্ত্রী মোদীনা মহাক্না মতিক চানা মাইপাকপা ফংবগা লোয়ননা ক্রিএতিবিতী লৈনা মহাক্কী পুন্সিদা মাংদা মখা তানা চংশিনখিগনি হায়না থাজবা থমখি।

অয়েকপা লাই অসি অনুরাগপু ইথিল পীনবা নরেন্দ্র মোদী এপ অমসুং narendramodi.in ৱেবসাইৎ অসিদসু অপলোদ তৌখি।

অনুরাগনা মমাংদা প্রধান মন্ত্রীদা নেস্নেল ইন্তরেস্তকা মরী লৈনবা হীরমশিংদা মহাক্কী ওইবা ৱাখল্লোনশিং অদুবু থাগৎপা ফোঙদোক্লদুনা চিথী অমা ইখি হায়বা নীংশিংবা য়াই। অনুরাগনা মহাক্কী চিথীদা প্রধান মন্ত্রীগী অৱাবা তারবা মতমদা খাংবা কনবা, হোৎনবা কনবগা অমসুং পুকচেল শেংবগা লোয়ননা মহাক্কী পান্দমশিং ফংনবা মাংলোমদা চংশিনবা অমসুং পুম্নমকপু মহাক্কা লোয়ননা চৎমিন্ননবগী ইথীল অদু লৌখি হায়না মহাক্কী চিথীদা ইখি। 

খংজিনগদবা: অনুরাগ রামোলাদা আর্ত অমসুং কলচরগী ২০২১গী প্রাইম মিনিস্তর’স নেস্নেল চিলদ্রেন’স এৱার্দ পীখি।