প্রধান মন্ত্রী, শ্রী নরেন্দ্র মোদীনা শাংহাই কোওপরেসন ওর্গানাইজেসন (এস.সি.ও.)গী লৈবাক্কী মকোক থোংবশিংগী কাউন্সিলগী ২১শুবা মীফমদা ভর্চুএল ওইনা শরুক য়াখ্রে অমসুং অফগানিস্তানগী জোইন্ত এস.সি.ও.-সি.এস.তি.ও.গী আউতরিচ সেসেন্দা ভিদিও-মেসেজগী খুৎথাংদা শরুক য়াখ্রে। 

লৈবাক্কী মকোক থোংবশিংগী এস.সি.ও. কাউন্সিলগী ২১শুবা মীফম অসি দুশানবেদা হায়ব্রিদ ফোর্মেত্তা পাংথোকখি।
মীফম অসিদা তাজিকিস্তানগী প্রসিদেন্ত ঐচ.ই. ইমোমালী রাহমোন্না চেয়র লৌখি।
প্রধান মন্ত্রী, শ্রী নরেন্দ্র মোদীনা সমিত অসিদা ভিদিও-লিঙ্ককী খুৎথাংদা ৱা ঙাংখি। দুশানবেদনা, এক্সতর্নেল এফিয়র্সকী মন্ত্রী দাঃ এস. জয়শঙ্করনা ভারতকী ওইনা মহুৎ শিন্দুনা শরুক য়াখি।

প্রধান মন্ত্রীনা ৱা ঙাংবদা মফম অসিগী ওইবা মশক মাংহনবা অমসুং চৎনবীশিং অকাইবা পীরিবা অসিনা পুৱারীগী ওইবা কয়াদা শোকহন্দুনা এস.সি.ও.গী মফমশিংগী ঙমখৈদা রাজনিতীগী ওইবা অমসুং এক্সত্রিমিস্ত হেনগৎহন্দুনা অৱাবা থোকহল্লিবা অসি উৎখি। 
হন্দক্তা অফগানিস্তান্দা চাউখৎ থৌরাং অসিনা মখা তানা এক্সত্রিমিজমদা হেন্না ফিভম শোকহনবা য়াই হায়না মহাক্না পনখি।
এস.সি.ও.না মতমগা চুনবা অমসুং সাইন্তিফিক ওইবা অমসুং মরম চাবা ৱাখলগী এজেন্দা পুথোক্তুনা অখন্ননা নহারোলগী ওইবা ধর্ম্মগী মরী লৈনবশিংদা থবক ওইনা পায়খৎনবগী অপাম্বা থমখি।

মহাক্না চাউখৎ থৌরাংগী থবক কয়া অমদা ভারতনা দিজিতেল তেক্নোলোজী শিজিন্নবদা থেংনখিবশিংগী মরমদসু ৱা ঙাংখি অমসুং অসিগুম্বা ওপন সোর্স ওইনা পাম্বৈশিং অসি এস.সি.ও. মেম্বরদা ফোংদোকখি।

মফম অসিগী ওইনা কনেক্তিবিতী শাগৎনবগী মরুওইবা পল্লদুনা, প্রধান মন্ত্রীনা মরু ওইবা পীদুনা হায় মদুদি অমগা অমগা থাজনবা থম্নবা কনেক্তিবিতী অসি ময়েক শেংবা, পার্তিসিপেতরী অমসুং কন্সল্তেতিব প্রোজেক্তশিং মরু ওইবা পীখি।

এস.সি.ও.গী মতুংদা এস.সি.ও. অমসুং কল্লেক্তিব সেক্যুরিতী ত্রিতী ওর্গানাইজেসন (সি.এস.তি.ও.)গী মরক্তা অফগানিস্তানগী মথক্তা আউতরিচ সেসন চৎথখি। প্রধান মন্ত্রীনা ভিদিও-মেসেজগী খুৎথাংদা আউতরিচ সেসন অসি শরুক য়াখি।

ভিদিও মেসেজ অসিদা প্রধান মন্ত্রীনা মফম অসিদা এস.সি.ও.না তেরোরিজমগী মথক্তা ‘জেরো তোলেরেন্স’কী কোদ ওফ কন্দক অমা শেমগৎপা য়াই হায়বগী অনিং-অপাম্বা ফোংদোকখি অমসুং অফগানিস্তানদগী লাকপা দ্রগশিং, খুলায়শিং অমসুং মী-ললোনবাগী খুদোংথিবশিং উৎখি। অফগানিস্তান্দা ওইবা মীওইবগী হক খোঙ্গাওনবা অসি পল্লদুনা, মহাক্না অফগানগী মীয়ামগা ভারতনা অমত্তা ওইবগী ৱাখল্লোল হন্না-হন্না ফোংদোকখি।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi writes to first-time voters in Varanasi, asks them to exercise franchise

Media Coverage

PM Modi writes to first-time voters in Varanasi, asks them to exercise franchise
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 মে, 2024
May 30, 2024

PM Modi's Endeavours for a Viksit Bharat Earns Widespread Praise Across the Country