প্রধান মন্ত্রী, শ্রী নরেন্দ্র মোদীনা মীপুম খুদিংমক্কী মফমদা, মরুওইনা নহাশিংগী মফমদা, ঙমখৈগী খুঙ্গংশিংদা চৎননবা ৱাফম থমখ্রে।
মসিনা ঐখোয়গী নহাশিংবু তোঙান তোঙানবা নাৎশিংগী মরমদা খঙহনগনি অমদি মফমশিংদুদা লৈরিবা মীওইশিংদুগী মীওক মীচান খঙজিন্নবা তাঞ্জা অমা পীগনি হায়না শ্রী মোদীনা হায়খি।
ত্বীত পরিং অমদা, অমৃৎ মহোৎসবকী ত্বীতর হেন্দলনা ভাইব্রেন্ত ভিলেজেজ প্রোগ্রামগী মখাদা ওরিসাগী নহাশিংনা কিবিথু অমদি তুতিং খুঙ্গংশিংদা খোঙচৎ অমদা লৈরি হায়না পাউদম্লকখি।
ভাইব্রেন্ত ভিলেজেজ প্রোগ্রাম্না নহাশিংদা অৱাং-নোংপোক লমদমগী পুন্সি মহিং, ত্রাইবশিং, খুন্নুং ঈশৈশিং অমদি খুৎশা-হৈবগী মতাঙদা তমশিলহৌনবা অমদি মফমশিংসিগী লৈহাউদা অমদি মহৌশাগী ফজবা মরক্তা মখোয়গী পুক্নিং লুপশিন্ননবা তাঞ্জা অমা পীরি।
অমৃৎ মহোৎসবকী ত্বীত পরিং অদুগী পাউখুমদা, প্রধান মন্ত্রীনা ত্বীত তৌরকখি;
“কাউঙম্লোইদবা থৌদোক অমা ওইরমগনি। ঐনা অতৈশিংদসু, মরুওইনা ভারতকী নহাশিংগী মফমদা, ঙমখৈগী খুঙ্গংশিংদা চৎননবা ৱাফম থমজরি। মসিনা ঐখোয়গী নহাশিংবু তোঙান তোঙানবা নাৎশিংগী মরমদা খঙহনগনি অমদি মফমশিংদুদা লৈরিবা মীওইশিংদুগী মীওক মীচান খঙজিন্নবা তাঞ্জা অমা পীগনি।”
Must have been a memorable experience. I would urge others, particularly the youth of India, to visit border villages. It would acquaint our youth with different cultures and give them an opportunity to experience the hospitality of those living there. https://t.co/9NwzhvdrAn
— Narendra Modi (@narendramodi) April 11, 2023
