প্রধান মন্ত্রী শ্রী নরেন্দ্র মোদীনা ২০২৫গী সেপ্তেম্বর ৯দা পঞ্জাবতা চৎখ্রে। মহাক্না পঞ্জাবকী শোকহল্লবা মফমশিংদা ক্লাউদ বর্স তৌবা অমসুং নোং কন্না চুবনা মরম ওইরগা ওইহল্লিবা ঈশিং-ঈচাউগী ফিভম অমসুং থোকহল্লিবা অমাং-অতাগী ফিভম অদু য়েংশিনখি।
প্রধান মন্ত্রীনা পঞ্জাবকী ঈশিং-ঈচাউনা শোকহল্লবা মফমশিংদা এরিএল সর্ভে অমা পাংথোকখি। মদুগী মতুংদা মহাক্না গুর্দাসপুরদা ওফিসিএলশিং অমসুং মীখলদা মাইপাক্লবা মীহুৎশিংগা লোইননা ওফিসিএল রিভিয়ু মীফম অমা পাংথোকখি। পি.এম. মোদীনা পাঞ্জাবতা থোকখিবা মাং-তাকপগী চাংগা লোইন-লোইননা লৌখৎলিবা রিলীফ অমসুং রিহেবিলিতেসনগী খোঙথাংশিং অদু য়েংশিনখি।
প্রধান মন্ত্রীনা পঞ্জাবকীদমক লুপা করোর ১২,০০০গী মথক্তা লুপা করোর ১৬০০গী শেলগী তেংবাং পীরগনি হায়না লাউথোকখি। এস.দি.আর.এফ. অমসুং পি.এম. কিসান সম্মান নিধিগী অনিশুবা ইন্সতোলমেন্ত অদু অঙনবা মতমদা রিলীজ তৌরগনি।
প্রধান মন্ত্রীনা লমদম অসিবু অমসুং লমদম অসিগী মীওইশিংবু অমুক হন্না ফগৎলকপদা মতেং পাংনবা মল্তি-দিমেন্সনেল এপ্রোচ অমগী মথৌ তাবগী মতাংদা অকনবা ৱাফম থমখি। মসিগী মনুংদা পি.এম. অৱাস য়োজনাগী মখাদা য়ুমশিং অমুক হন্না শাগৎপা, নেস্নেল হায়ৱেশিং অমুক হন্না শেমগৎপা, স্কুলশিং অমুক হন্না শেমগৎপা, পি.এম.এন.আর.এফ.কী খুত্থাংদা মতেং পীনবা অমসুং শা-ষনগীদমক মিনি কিৎশিং য়েন্থোকপা য়াওরি।
লৌউ-শিংউগী লমদা মতেং পীবগী তঙাই ফদবা অদু খঙলদুনা, হৌজিক্তি মৈ ফংদ্রিবা লৌমীশিংগীদমক্তা অখন্ননা অহেনবা মতেং পীরগনি। সিল্তিং তৌখ্রবা নত্ত্রগা ঈশিং-ঈচাউদা লুপশিনখ্রবা বোরশিংগীদমক্তা, রাজ্য সরকারগী অখন্নবা প্রোপোজলগী মতুং ইন্না রাস্ত্রিয় কৃশি বিকাস য়োজনাগী মখাদা প্রোজেক্ত মোদতা নৌনা শেমগৎনবগীদমক্তা মতেং পীরগনি।
দিজল শিজিন্নদুনা মথৌ পাংথোক্লিবা বোর পম্পশিংগীদমক্তা, পর দ্রোপ মোর ক্রোপ গাইদলাইনশিংগী মখাদা মাইক্রো ইরিগেসনগীদমক্তা সোলর পেনেল অমসুং সপোর্তকীদমক এম.এন.আর.ই.গা লোইননা পুনশিনবদা মতেং পাংগনি।
প্রধান মন্ত্রী আৱাস য়োজনা-গ্রামিনগী মখাদা, ঈশিং-ঈচাউনা মরম ওইদুনা অমাং-অতা থোক্লবা য়ুমশিংগী ইমুংশিংদা খুঙ্গংগী মফমশিংদা য়ুমশিং অমুক হন্না শানবগীদমক্তা পঞ্জাব সরকারনা থাংগৎলকপা "স্পিসিএল প্রোজেক্ত"কী মখাদা শেলগী তেংবাং পীরগনি।
পঞ্জাবতা হৌখিবা ঈশিং-ঈচাউদা মাংখিবা সরকারগী স্কুলশিং অসি সমগ্র শিক্ষা অভিয়ানগী মখাদা শেলগী মতেং পীরগনি। রাজ্য সরকারনা গাইদলাইনশিংগী মতুং ইন্না মথৌ তাবা সপোর্তিং ইনফোর্মেসন পুম্নমক পীবা মথৌ তাই।
জল সঞ্চয় জন ভাগিদারী প্রোগ্রামগী মখাদা পঞ্জাবতা ঈশিং লোক্নবগীদমক্তা রিচার্জ স্ত্রকচরশিং শাবগী থবক পাক-শন্না পায়খৎকনি। মসিগী পান্দমদি অশোকপা রিচার্জ স্ত্রকচরশিং শেমজিনবা অমসুং অহেনবা ঈশিং লোকশিন্নবা স্ত্রকচরশিং শাবনি। হায়রিবা থবকশিং অসিনা নোংগী ঈশিং লোকশিনবা হেনগৎহল্লগনি অমসুং তুং-কোইনা ঈশিংগী সস্তেনেবিলিতী লৈহল্লগনি।
কেন্দ্র সরকারনা থোক্লিবা অমাং-অতাশিং অদুগী চাং য়েংশিন্নবা পঞ্জাবতা ইন্তর-মিনিস্ত্রীয়েল সেন্ত্রেল তীমশিং থাখ্রে, অমসুং মখোয়গী পীরকপা অকুপ্পা মরোলগী মতুং ইন্না মখা তানা মতেং পীনবা খন্নগনি।
প্রধান মন্ত্রীনা মহৌশাগী ওইবা অমাং-অতা অসিনা শোকহল্লবা ইমুং-মনুংশিংগসু উনখি। মহাক্না লৈখিদ্রবশিংগী ইমুং-মনুংগী মীওইশিংদা মহাক্কী অৱাবা ফোংদোকখি অমসুং মহাক্না হায়খি মদুদি কেন্দ্র সরকারনা অরুবা মতম অসিদা রাজ্য সরকারগা লোইননা থবক তৌমিন্নগনি অমসুং অঙম্বা মতেং পাংগনি হায়খি।
প্রধান মন্ত্রীনা পঞ্জাবকী মহৌশাগী অমাং-অতা অমসুং ঈশিং-ঈচাউনা শোকহল্লবা ইমুংশিংগসু উনখি। মহাক্না অৱা-অনা নংখ্রবা মীওই পুম্নমক্তা মহাক্না মপুং ফানা মখোয়গী অৱাবদা শরুক য়ারি হায়না ফোংদোকখি অমসুং নুংশিজরবা ইমুংগী মীওইশিং লৈখিদবশিংগীদমক্তা থমোই শেংনা অৱাবা ফোংদোকখি।
পি.এম. মোদীনা ঈশিং-ঈচাউ অমসুং মহৌশাগী ওইবা অৱা-অনা অসিনা মরম ওইরগা লৈখিদ্রবশিংগী নক্নবা ইমুং-মনুংশিংদা লুপা লাখ ২ অমসুং শাথীনা শোক্লবশিংদা লুপা ৫০,০০০গী এক্স-গ্রেসিয়া পীরগনি হায়নসু লাউথোকখ্রে।
প্রধান মন্ত্রীনা হন্দক্কী ঈশিং-ঈচাউ অমসুং লেন্দস্লাইদ থোকখিবা অদুনা মরম ওইরগা পু-পাং শুদ্রবা অঙাংশিংবু পি.এম. কেয়র্স ফোর চিলদ্রেন স্কীমগী মখাদা মপুং ফানা মতেং পাংগনি হায়না লাউথোকখ্রে। মসিনা মখোয়গী তুংগী য়াইফ-থৌরাংগী থবক পাইখৎপদা মতেং পাংলগনি।
প্রধান মন্ত্রীনা হায়খি মদুদি দিজাস্তর মেনেজমেন্তকী কাংলোনশিংগী মখাদা রাজ্যশিংদা এদভান্স দিসবর্সমেন্তশিং য়াওনা তেংবাং পুম্নমক পীরি। মহাক্না এন.দি.আর.এফ., এস.দি.আর.এফ., আর্মী, স্তেত এদমিনিস্ত্রেসন অমসুং অতোপ্পা সর্বিস ওরিয়েন্তেদ ওর্গনাইজেসনশিংগী পর্সোনেলশিংনা খুদক্তা তেংবাং পীনবা হোৎনবগীদমক থাগৎপা ফোংদোকখি। কেন্দ্র সরকারনা রাজ্যগী মেমোরেন্দম অমসুং কেন্দ্রগী তীমশিংগী রিপোর্তকী মতুং ইন্না এসেসমেন্ত অদু মখা তানা য়েংশিল্লগনি।
প্রধান মন্ত্রীনা ফিভম অসিগী মরুওইবা অদু খঙলদুনা ফিভম অসিবু কোকহন্নবা কেন্দ্র সরকারনা অঙমন্বা হোৎনগনি হায়না থাজবা পীখি।
Conducted an aerial review of the floods in Punjab. Authorities are working round the clock, assisting those impacted. Our thoughts are with the people in this challenging time. pic.twitter.com/NXxbCoHQXS
— Narendra Modi (@narendramodi) September 9, 2025
Met families affected by the severe floods in Punjab. We are working with urgency to provide relief and extend all possible support to every person who has suffered due to the floods. We are committed to extending all possible help to everyone, including farmers, whose well-being… pic.twitter.com/JsvMmbw824
— Narendra Modi (@narendramodi) September 9, 2025
ਪੰਜਾਬ ਵਿੱਚ ਹੜ੍ਹਾਂ ਦਾ ਹਵਾਈ ਨਿਰੀਖਣ ਕੀਤਾ। ਅਧਿਕਾਰੀ ਪ੍ਰਭਾਵਿਤ ਲੋਕਾਂ ਦੀ ਸਹਾਇਤਾ ਲਈ ਦਿਨ-ਰਾਤ ਕੰਮ ਕਰ ਰਹੇ ਹਨ। ਇਸ ਚੁਣੌਤੀਪੂਰਨ ਸਮੇਂ ਵਿੱਚ ਸਾਡੀਆਂ ਸੰਵੇਦਨਾਵਾਂ ਲੋਕਾਂ ਨਾਲ ਹਨ। pic.twitter.com/rJP8nqEkhK
— Narendra Modi (@narendramodi) September 9, 2025
ਪੰਜਾਬ ਵਿੱਚ ਆਏ ਭਿਆਨਕ ਹੜ੍ਹਾਂ ਤੋਂ ਪ੍ਰਭਾਵਿਤ ਪਰਿਵਾਰਾਂ ਨਾਲ ਮੁਲਾਕਾਤ ਕੀਤੀ। ਅਸੀਂ ਹੜ੍ਹਾਂ ਕਾਰਨ ਪ੍ਰਭਾਵਿਤ ਹੋਏ ਹਰ ਵਿਅਕਤੀ ਨੂੰ ਰਾਹਤ ਪ੍ਰਦਾਨ ਕਰਨ ਅਤੇ ਹਰ ਸੰਭਵ ਸਹਾਇਤਾ ਪ੍ਰਦਾਨ ਕਰਨ ਲਈ ਤਤਕਾਲ ਕੰਮ ਕਰ ਰਹੇ ਹਾਂ। ਅਸੀਂ ਕਿਸਾਨਾਂ ਸਮੇਤ, ਜਿਨ੍ਹਾਂ ਦੀ ਭਲਾਈ ਸਾਡੇ ਲਈ ਸਭ ਤੋਂ ਮਹੱਤਵਪੂਰਨ ਹੈ, ਸਾਰਿਆਂ ਨੂੰ ਹਰ ਸੰਭਵ ਮਦਦ ਦੇਣ ਲਈ… pic.twitter.com/NvhmUPbGwG
— Narendra Modi (@narendramodi) September 9, 2025
Reviewed the flood situation in Punjab during a meeting with officials. In this time of grief, my prayers are with all the bereaved families. We will work to assist those affected by this challenge.https://t.co/MWsvCAp0wA pic.twitter.com/IjPMRO9tPL
— Narendra Modi (@narendramodi) September 9, 2025
ਅਧਿਕਾਰੀਆਂ ਨਾਲ ਮੀਟਿੰਗ ਕਰਕੇ ਪੰਜਾਬ ਵਿੱਚ ਹੜ੍ਹਾਂ ਦੀ ਸਥਿਤੀ ਦੀ ਸਮੀਖਿਆ ਕੀਤੀ। ਇਸ ਦੁਖ ਦੀ ਘੜੀ ਵਿੱਚ, ਮੇਰੀਆਂ ਪ੍ਰਾਰਥਨਾਵਾਂ ਸਾਰੇ ਦੁਖੀ ਪਰਿਵਾਰਾਂ ਨਾਲ ਹਨ। ਅਸੀਂ ਇਸ ਚੁਣੌਤੀ ਤੋਂ ਪ੍ਰਭਾਵਿਤ ਲੋਕਾਂ ਦੀ ਸਹਾਇਤਾ ਲਈ ਯਤਨ ਕਰਾਂਗੇ।https://t.co/MWsvCAp0wA pic.twitter.com/d2KTb0C6Ta
— Narendra Modi (@narendramodi) September 9, 2025
Whenever calamities like floods and landslides strike, NDRF, SDRF, Aapda Mitras and others work tirelessly on the ground in poor weather to assist those affected. During my visits to Himachal Pradesh and Punjab, I met some of the teams working on the ground. Every person… pic.twitter.com/oLezru0mze
— Narendra Modi (@narendramodi) September 9, 2025
