প্রধান মন্ত্রী শ্রী নরেন্দ্র মোদীনা ২০২৬কি মার্চ ১৪দা নোংচুপ বেঙ্গলদা চৎকনি, নুংথিল পুং ২ দা প্রধান মন্ত্রীনা কোলকাতাদা চাওরাক্না লুপা করোর ১৮,৬৮০গী মশিং য়াম্লবা চাওখৎ-থৌরাংগী প্রোজেক্তশিং শঙ্গাগনি অমসুং উরেপ-উয়ুং তমগনি।
লমদম অসিদা লম্বিগী ইনফ্রাস্ত্রকচরদা অচৌবা ইনোৎ অমা ওইনা প্রধান মন্ত্রীনা অপুনবা ওইনা চাওরাক্না লুপা করোর ১৬,৯৯০ চংগদবা কিলোমীতর ৪২০ হেন্না শাংবা নেস্নেল হায়ৱেগী প্রোজেক্ত কয়া শঙ্গাগনি অমসুং উরেপ উয়ুং তমগনি। হৌদোক্লিবা প্রোজেক্তশিং অসিগী মনুংদা নোংচুপ বেঙ্গল অমসুং ঝারখন্দগী এন.ঐচ.-১৯ অমসুং নোংচুপ বেঙ্গলগী এন.ঐচ.-১১৪ গী সেক্সনশিং য়াওরি। প্রোজেক্তশিং অসিনা লম্বি শোই-ঙামদবা হেঙ্গৎহনবা, চত্থোক-চৎশিনগী মতম হন্থহনবা, মী য়াম্না তিনবা অমসুং পোলুসন হন্থহনবা, রিজনেল কনেক্তিবিতি ফগৎহনবা, অমসুং তুরিজম প্রমোত তৌবা অমসুং লমদম অসিদা ইকোনোমিক গ্রোথ হেনগৎহনগনি হায়না থাজরি।
প্রধান মন্ত্রীনা অনৌবা নেস্নেল হায়ৱে প্রোজেক্ত কয়াগী য়ুমফম থোঙ থমগনি। মসিদা এন.ঐচ.-১১৬এ.গী কিলোমীতর ২৩১ শাংবা ফোর-লেন খারাগপুর–মোরেগ্রাম ইকোনোমিক কোরিদোর সেক্সনগী পেকেজ মঙা য়াওরি। প্রোজেক্ত অসি খরাগপুর অমসুং সিলিগুরিগী মরক্তা ইকোনোমিক কোরিদোরগী শরুক অমা ওইরি অমসুং মসি নোংচুপ বেঙ্গলগী পশ্চিম মেদিনিপুর, বঙ্কুরা, হুগলি, পুরবা বরধামান, বিরভুম অমসুং মুরশিদাবাদা জিলাশিংদগী চৎকনি। দাইরেক্তা খরগপুর–মোরেগ্রাম কনেক্তিবিতিনা চত্থোক-চৎশিনগী অরাপ্পা চাওরাক্না কিলোমীতর ১২০ হন্থহল্লগনি অমসুং চাওরাক্না পুং ৭ তগী ৮ ফাওবগী চত্থোক-চৎশিনগী মতম কনবা ঙম্লগনি। কোরিদোর অসিনা এন.ঐচ.-১৬, এন.ঐচ.-১৯, এন.ঐচ.-১৪ অমসুং এন.ঐচ.-১২ য়াওনা মরুওইবা নেস্নেল হায়ৱেশিংগসু ইন্তিগ্রেৎ তৌগনি, মসিনা মল্তি-কোরিদোর কনেক্তিবিতি মপাঙ্গল কনখৎহনগনি। প্রধান মন্ত্রীনা এন.ঐচ.-১৪ দা কিলোমীতর ৫.৬ শাংবা ফোর-লেন দুব্রাজপুর বাইপাস অমা শানবগী উরেপ-উয়ুং তম্লগনি, মসিনা দুব্রাজপুর তাওনগী য়াম্না চাওনা শেমগৎলবা মফমশিংদা মী তিনবা হন্থহনবদা মতেং পাংগনি অমসুং চত্থোক-চৎশিনগী মতম চাওরাক্না পুং অমা হন্থহনগনি। মহাক্না এন.ঐচ.-১৪দা কংসাবতি অমসুং সিলাবতি তুরেলশিংগী মথক্তা অহেনবা লেন মরিগী অচৌবা থোঙশিং শানবগী উরেপ-উয়ুংসু তমগনি।
খোঙচৎ অসিগী মনুংদা প্রধান মন্ত্রীনা সিপিং অমসুং হীথাংফমগা মরি লৈনবা প্রোজেক্ত কয়াগী উরেপ-উয়ুংসু তমগনি। মহাক্না হলদিয়া দোক কমপ্লেক্সতা বর্থ নম্বর ২গী মেকানাইজেসন প্রোজেক্ত হৌদোক্কনি, মসিনা ইফিসিয়েন্ত ওইনা, য়াম্না থুনা অমসুং অকোয়বগী ফিবম শোকহন্দবা কার্গো হেন্দল তৌবা ঙমহনগনি। প্রোজেক্ত অসিনা কার্গো হেন্দল তৌবগী কেপাসিতি হেঙ্গৎহল্লগনি, ইফিসিয়েন্ত ওইবা ফুল-রেক রেল লোদিং সিস্তেমশিং লাইথোকহল্লগনি, মরুওইবা পরফোমেন্স ইন্দিকেতরশিং ফগৎহনগনি, খুদোংথিনিংঙাই ওইবা ওপরেসনশিংদা মীওইবনা এক্সপোজর হন্থহনদুনা সেফতি হেনগৎহনগনি অমসুং থবক ফংহনগনি। প্রধান মন্ত্রীনা খিদ্দরপোর দোকশিং (দোক ১ – নোংচুপ)দা নৌনা শেমগৎপগী প্রোজেক্ত অসিসু শঙ্গাগনি।
প্রধান মন্ত্রীনা রাজ্য অসিদা মশিং য়াম্লবা হীথাংফমগী ইনফ্রাস্ত্রকচর প্রোজেক্তশিংগী উরেপ-উয়ুংসু তমগনি। মসিদা স্যামা প্রসাদ মুকর্জী হীথাংফমগী হলদিয়া দোক কমপ্লেক্সতা লৈবা বর্থ নম্বর ৫গী মেকানাইজেসন য়াওরি। অতোপ্পা প্রোজেক্তশিংগী মনুংদা কোলকাতা দোক সিস্তেমদা লৈবা বেস্ক্যুল থোঙ শেমজিনবা; কিদরপোর দোক-I (নোংপোক) অমসুং দোক-II (নোংপোক)দা দ্রেনেজ সিস্তেমশিং য়াওনা য়ার্দ দিবেলপমেন্ত; হাওরা থোঙগী পায়লোন্দগী হৌরগা নিমতালা ঘাৎ ফাওবা কোলকাতা তুরেলগী নাকলদা তোর্বান ঙাক-শেনবগী থবকশিং; অমসুং কোলকাতা দোক সিস্তেমদা লৈবা ইনদেঞ্চর মেমোরিয়েল কমপ্লেক্সকি মনাক্তা লৈবা তুরেলগী ক্রুইজ তর্মিনেল অমসুং তুরেলগী তুরিজম ফেসিলিতিগীদমক তর্মিনেল বিল্দিং অমা শাবা য়াওরি।
রেলৱে সেক্তরদা প্রধান মন্ত্রীনা পুরুলিয়া-অনন্দ বিহার তর্মিনেল (দিল্লী) এক্সপ্রেসকি ফ্লেগ ওফ তৌগনি, মসিনা নোংচুপ বেঙ্গল, উত্তর প্রদেশ, বিহার, ঝারখন্দ অমসুং জাতিগী কোনুংগী রিজনগী মরক্তা রেল কনেক্তিবিতি মপাঙ্গল কনখৎহনগনি।
অমৃত স্তেসন স্কীমগী মখাদা অমুক হন্না দিবেলপ তৌরবা রেলৱে স্তেসন ৬সু প্রধান মন্ত্রীনা শঙ্গাগনি। হায়রিবা স্তেসনশিং অসিগী মনুংদা কামাখ্যগুরি, অনারা, তামলুক, হালদিয়া, বরাভুম অমসুং সিউরি য়াওরি।
প্রধান মন্ত্রীনা জাতিগী মফমদা রেলৱে প্রোজেক্ত অনিসু কত্থোক্কনি: বেল্দা অমসুং দান্তনগী মরক্তা কিলোমীতর ১৬ শাংবা তরেৎসুবা রেল লাইন, অমসুং কলাইকুন্দা অমসুং কানিমোহুলিগী মরক্তা ওতোমেতিক ব্লোক সিগনেলিং সিস্তেম। প্রোজেক্তশিং অসিনা ত্রেনগী সেফতি অমসুং মতম চানা চৎপদা অহোঙবা পুরক্কনি, মী য়াম্না চিনবা হন্থহনগনি অমসুং লমদম অসিদা পেসেঞ্জরশিংগী অপুনবা চত্থোক-চৎশিন তৌবদা লাইবা হেনগৎহনগনি।
খোঙথাংশিং অসিনা নোংচুপ বেঙ্গল অমসুং নোংপোক ভারত্তা ইনফ্রাস্ত্রকচর মপাঙ্গল কনখৎহনবা, কনেক্তিবিতি হেঙ্গৎহনবা অমসুং শেন্মীৎলোনগী চাওখৎপা খোঙজেল য়াংশিলহন্নবা সরকারনা মখা তানা ৱাশক লৌরিবা অদু উৎলি।
