প্রধান মন্ত্রী শ্রী নরেন্দ্র মোদীনা ২০২৬গী মার্চ ২৮দা উত্তর প্রদেশতা চৎকনি। অয়ুক্কী পুং ১১.৩০ রোম তাবদা, মহাক্না গৌতম বুদ্ধ নগরগী জেৱারদা লৈবা নোইদা ইন্তরনেস্নেল এয়রপোর্তকী তর্মিনেল বিল্দিংদা চৎকনি। মসিগী মতুংদা, নুংথিল পুং ১২ রোম তাবদা, প্রধান মন্ত্রীনা নোইদা ইন্তর্নেস্নেল এয়রপোর্তকী ফেজ I শঙ্গাগনি অমসুং থৌরম অদুদা মীয়াম তিনবা মীফম অমদা ৱা ঙাংগনি।
নোইদা ইন্তরনেস্নেল এয়রপোর্ত শঙ্গাবনা মালেমগী এভিএসন হব অমা ওইরক্নবা ভারতকী খোঙচৎতা মরুওইবা মাইলস্তোন অমা ওইরে। নেস্নেল কেপিতেল রিজন (এন.সি.আর.) গী মরুওইবা ইন্তর্নেস্নেল গেৎৱে অমা ওইনা পানরিবা এয়রপোর্ত অসিনা লৈবাক অসিগী এয়রপোর্ত ইনফ্রাস্ত্রকচর মপাঙ্গল কনখৎহন্নবা অমসুং রিজনেল অমসুং ইন্তর্নেস্নেল কনেক্তিবিতী হেঙ্গৎহন্নবা মরুওইবা খোংথাং অমনি। নোইদা ইন্তরনেস্নেল এয়রপোর্ত অসি ইন্দিরা গান্ধী ইন্তরনেস্নেল এয়রপোর্তকী মথক্তা দিল্লী এন.সি.আর.গী অনিশুবা ইন্তরনেস্নেল এয়রপোর্ত ওইনা শেমগৎখ্রে। পুন্না, এয়রপোর্ত অনি অসি ইন্তিগ্রেতেদ এয়রপোর্ত সিস্তেম অমা ওইনা মথৌ তৌগনি। মসিনা মী চিনবা হন্থহল্লগনি, পেসেঞ্জর কেপাসিতী হেঙ্গৎহল্লগনি অমসুং দিল্লী এন.সি.আর.বু মালেমগী মরুওইবা এয়রপোর্তশিংগী মরক্তা থম্লগনি।
নোইদা ইন্তরনেস্নেল এয়রপোর্ত অসি ভারতকী খ্বাইদগী চাউবা গ্রীনফিল্দ এয়রপোর্ত প্রোজেক্তশিংগী মনুংদা অমনি। নোইদা ইন্তর্নেস্নেল এয়রপোর্তকী ফেজ I অসি পব্লিক-প্রাইবেৎ পার্তনরশিপ (পি.পি.পি.) মোদেল অমগী মখাদা চাউরাক্না লুপা করোর ১১,২০০গী অপুনবা শেনফমদা শেমগৎখ্রে। এয়রপোর্ত অসি অহানবা চহিদা পেসেঞ্জর মিলিয়ন ১২ (এম.পি.পি.এ.) গী হেন্দলিং কেপাসিতী লৈগনি, মপুং ফানা দিবেলপ তৌরবা মতুংদা ৭০ এম.পি.পি.এ. ফাওবা স্কেল তৌবা য়াগনি। মসিদা ইন্সত্রুমেন্ত লেন্দিং সিস্তেম (আই.এল.এস.) অমসুং এয়রফিল্দ লাইতিং য়াওনা মোদর্ন নেভিগেসন সিস্তেমশিংগা লোইননা ইফিসেন্ত, ৱেদর পুম্নমক্তা, অয়ুক-নুমিদাং চুপ্পা ওপরেসনশিং সপোর্ত তৌনবা মিতর ৩৯০০ শাংবা রনৱে অমা য়াওরি।
এয়রপোর্ত অসিদা ইন্তিগ্রেতেদ কার্গো তর্মিনেল অমসুং লোজিস্তিক জোনশিং য়াওবা মল্তি-মোদেল কার্গো হব য়াওনা মপাঙ্গল কনবা কার্গো ইকোসিস্তেম অমা য়াওরি। কার্গো ফেসিলিতী অসি চহিগী ওইনা মেত্রিক তন লাখ ২.৫ হেনবা হেন্দল তৌবা ঙম্নবা দিজাইন তৌখ্রে। মসি চাউরাক্না মেত্রিক তন লাখ ১৮ ফাওবা পাকথোক চাউথোকপা য়াগনি। মসিগী মনুংদা একর ৪০ রোমগী মেনতেন্সন, মেরামত অমসুং ওভরহোল (এম.আর.ও.) ফেসিলিতী অমা য়াওরি।
তুং কোইনা চৎনগদবা ইনফ্রাস্ত্রকচর প্রোজেক্ত অমা ওইনা দিজাইন তৌখিবা, নোইদা ইন্তরনেস্নেল এয়রপোর্ত অসি ইনর্জী কন্নবা সিস্তেমশিং অমসুং অকোইবগী ফিভমদা শোকহন্দবা থবকশিং পুনশিন্দুনা, নেৎ-জেরো ইমিসন ফেসিলিতী অমা ওইনা মথৌ তৌনবা পান্দম থম্লি। মসিগী আর্কিতেকচরেল দিজাইন অসি ভারতকী হেরিতেজদগী ইথিল লৌদুনা চৎনবীগী ওইবা ঘাটশিং অমসুং হাভেলিশিংবু নিংশিংহল্লিবা ইলিমেন্তশিং য়াওরি। মসিনা কলচরেল এস্থেতিক্সপু মোদর্ন ইনফ্রাস্ত্রকচরগা পুনশিন্নহল্লি।
য়মুনা এক্সপ্রেসৱেগী মনুং চন্না লৈবা নোইদা ইন্তরনেস্নেল এয়রপোর্ত অসি লম্বী, রেল, মেত্রো অমসুং রিজনেল ত্রান্সিৎ সিস্তেমশিংগা খুৎশম্নদুনা মল্তি-মোদেল ত্রান্সপোর্ত হব অমা ওইনবা থৌরাং তৌরি। মসিনা পেসেঞ্জরশিং অমসুং কার্গোগীদমক কান্নবা কনেক্তিবিতী অমা লৈহল্লগনি।
Tomorrow, 28th March is a day of immense importance for the people of Uttar Pradesh and the NCR. Phase I of Noida International Airport will be inaugurated. This will boost commerce and connectivity. It will ease congestion at the IGI Airport in Delhi.
— Narendra Modi (@narendramodi) March 27, 2026
The Noida airport is… pic.twitter.com/oZZAs6tUk6
