Translated Title: প্রধান মন্ত্রী জনুৱারি ২-জনুৱারি ৩, ২০২৪ দা তামিল নাদু, লক্ষদ্বিপ অমসুং কেরলাদা চৎকনি
প্রধান মন্ত্রীনা তামিল নাদুদা লুপা করোর ১৯,৮৫০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি
তামিল নাদুদা রেল, লম্বী, থাউ অমসুং গ্যাস অমসুং সিপ্পিং সেক্তরগা মরী লৈনবা তোঙান-তোঙানবা প্রোজেকশিং মীয়ামদা কৎথোক্কনি
প্রধান মন্ত্রীনা তিরুচিরাপ্পল্লী ইন্তরনেসনেল এয়রপোর্ততা অনৌবা তর্মিনেল বিল্দিং শঙ্গাগনি
আই.জি.সি.এ.আর, কালপাক্কমদা লৈবাক অসিনা মশানা শাজবা দিমোন্সত্রেসন ফাস্ত রিয়েক্তর ফুয়েল রিপ্রোসেসিং প্লান্ত(দি এফ আর পি) প্রধান মন্ত্রীনা মীয়ামদা কৎথোক্কনি
প্রধান মন্ত্রীনা ভারতীদাসন য়ুনিভর্সিতিগী ৩৮শুবা কনভোকেসন্দা ৱা ঙাংগনি
প্রধান মন্ত্রীনা লক্ষদ্বিপতা লুপা করোর ১১৫০ হেনবগী চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি
লক্ষদ্বিপ ইথৎশিংনা তেলিকম্মুনিকেসন, থক্নবা ঈশিং, সোলার পৱার অমসুং হকশেলগা মরী লৈনবা চাউখৎ-থৌরাংগী প্রোজেকশিংগী কান্নবা ফংগনি
নিংতম্বদগী অহানবা ওইনা, সবমেরিন ওপ্তিক ফাইবর কেবলগী খুৎথাংদা লক্ষদ্বিপগা শম্নরগনি
Content:
প্রধান মন্ত্রী শ্রী নরেন্দ্র মোদী জনুৱারি ২-জনুৱারি ৩, ২০২৪ দা তামিল নাদু, লক্ষদ্বিপ অমসুং কেরলাদা চৎকনি।
জনুৱারি ২,২০২৪গী অয়ুক পুং ১০:৩০ রোম তাবদা, প্রধান মন্ত্রী তামিল নাদুগী তিরুচিপ্পল্লীদা থুংগনি। মহাক্না তিরুচিপ্পল্লীদা লৈবা ভারতীদাসন য়ুনিভর্সিতিগী ৩৮শুবা কনভোকেসন থৌরমদা চীফ গেস্ত ওইনা শরুক য়াগনি। নুমিৎ য়ুংবা পুং ১২ রোম তাবদা, তিরুচিপ্পল্লীদা পাংথোক্কদবা মীয়ামগী থৌরম অমদা, এভিএসন, রেল, লম্বী, থাউ অমসুং গ্যাস, সিপ্পিং অমসুং অৱাংবা থাক্কী মহৈ-মশিংগা মরী লৈনবা লুপা করোর ১৯,৮৫০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, উরেপ-উয়ুং তমগনি অমসুং মীয়ামদা কৎথোক্কনি। নুংথিলগী পুং ৩:১৫ রোম তাবদা, প্রধান মন্ত্রী লক্ষদ্বিপগী অগাত্তিদা থুংগনি অমসুং মফম অদুদা মহাক্না মীয়ামগী থৌরম অমদা ৱা ঙাংগনি। জনুৱারি ৩, ২০২৪গী নুমিৎয়ুংবদা প্রধান মন্ত্রী লক্ষদ্বিপগী কাবারাত্তিদা থুংগনি অমসুং মফম অদুদা তেলিকম্মুনিকেসন, থক্নবা ঈশিং, সোলার পৱার অমসুং হকশেলগা মরী লৈনবা চাউখৎ-থৌরাংগা মরী লৈনবা প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি।
তামিল নাদুদা প্রধান মন্ত্রী
তিরুচিপ্পল্লীদা লৈবা ভারতীদাসন য়ুনিভর্সিতিগী ৩৮শুবা কনভোকেসন থৌরমদা, প্রধান মন্ত্রীনা য়ুনিভর্সিতি অসিগী লাইরিক হৈবা মহৈরোয়শিংদা মনাশিং য়েন্থোক্কনি। মহাক্না থৌরম অদুদা ৱা ঙাংগনি।
তিরুচিপ্পল্লীদা পাংথোক্কদবা মীয়ামগী থৌরম অমদা, প্রধান মন্ত্রীনা তিরুচিরাপ্পল্লী ইন্তরনেসনেল এয়রপোর্ততা অনৌবা তর্মিনেল বিল্দিং শঙ্গাগনি। লুপা করোর ১১০০ হেন্না চঙনা শেমগৎপা লেবল অনিগী অনৌবা ইন্তরনেসনেল তর্মিনেল অসিদা চহি অমদা পেসেঞ্জর লাখ ৪৪ হেন্না সেবা তৌবা ঙমগনি অমসুং মী য়াম্না চিনবা মতমদা পেসেঞ্জর ৩৫০০ রোম সেবা তৌবা ঙমগনি। অনৌবা তর্মিনেল অসিদা মতমগা চুনরবা খুদোংচাবশিং অমসুং পেসেঞ্জরশিংগী খুদোংচাবশিং য়াওরি।
প্রধান মন্ত্রীনা তোঙান-তোঙানবা রেলৱে প্রোজেকশিং মীয়ামদা কৎথোক্কনি। প্রোজেকশিংগী মনুংদা কিমি ৪১.৪ শাংবা সালেম-মেগ্নেসাইত জঙ্কসন-ওমালুর-মেত্তুর দাম সেক্সন দবল ওনখৎপা; মদুরাই-তুতিকোরিনগী কিমি ১৬০গী রেল লাইন সেক্সন দবল ওনখৎপা; তুরিচিপ্পল্লী-মনামদুরাই-বিরুধুনাগর; বিরুধুনাগর-তেনকাসি জঙ্কসন; সেঙ্গোত্তাই-তেনকাসি জঙ্কসন-তিরুনেলভেলি-তিরুচেন্দুর রেল লাইন ইলেক্ত্রিক পীনবা প্রোজেক অহুম য়াওরি। রেল প্রোজেকশিং অসিনা রেলনা পোৎ-চৈ অমসুং পেসেঞ্জরশিং পুবা ঙম্বা হেনগৎহনগনি অমসুং তামিল নাদুদা শেন-থুম চাউখৎপা অমসুং থবক ফংবদা মতেং পাংগনি।
প্রধান মন্ত্রীনা লম্বীগী প্রোজেক ৫ মীয়ামদা কৎথোক্কনি। প্রোজেকশিংগী মনুংদা এন.ঐচ-৯১গী ত্রিচি-কাল্লাগাম সেক্সনগী কিমি ৩৯গী লেন মরীগী লম্বী; এন.ঐচ-৮১গী কাল্লাগম-মীনসুরুত্তি সেক্সনগী কিমি ৬০ শাংবা ৪/২-লেন শেমগৎপা; এন.ঐচ-৭৮৫গী চেত্তিকুলাম-নাথাম সেক্সনগী কিমি ২৯গী লেন ৪গী লম্বী; এন.ঐচ-৫৩৬গী কারাইকুদি-রমানথাপুরম সেক্সনগী কিমি ৮০ গী লম্বী পেব সোলচরগা লোয়ননা লেন অনি ওইহনবা; অমসুং এন.ঐচ-১৭৯এগী সালেম-তিরুপাথর-বানিয়ামবাদি লম্বীগী কিমি ৪৪ শাংবা শরুক লেন মরি ওনখৎপা য়াওরি। লম্বীগী প্রোজেকশিং অসিনা লমদম অসিগী মীয়াম য়াংনা চৎথোক-চৎশিন তৌবা ঙমহল্লগনি অমসুং ত্রিচি, শ্রীরাঙ্গম, চিদাম্বরম, রামেশ্বরম, ধানুসকোদি, উতিরাকোসামঙ্গাই, দেবীপত্তিনম, ইরৱাদি, মদুরাইগুম্বা উদোগ অমসুং ললোন-ইতিক্কী মফশিংগী চৎথোক-চৎশিনগী খুদোংচাবা হেনগৎহল্লগনি।
থৌরম মনুংদা, প্রধান মন্ত্রীনা মরুওইবা লম্বীগী চাউখৎ-থৌরাংগী প্রোজেকশিং উরেপ-উয়ুং তমগনি। হায়রিবা প্রোজেকশিংগী মনুংদা এন.ঐচ-৩৩২এগী মুগাইয়ুরদগী মারাক্কানম ফাওবগী কিমি ৩১ শাংবা লেন মরিগী লম্বী শেমগৎপা য়াওরি। লম্বী অসিনা তামিল নাদুগী সমুদ্র খোঙবাদা হিথাংফমশিং শম্নহনগনি, ৱার্ল্দ হেরিতেচ সাইত- মমাল্লাপুরম য়ৌবা লম্বী ফগৎহনগনি অমসুং কালপাক্কাম এতোমিক পৱার প্লান্ত য়ৌবা লম্বী হেন্না নুংঙাইহনগনি।
প্রধান মন্ত্রীনা কমারাজার হিথাংফমগী জেনেরেল কার্গো বার্থ-২(ওতোমোবাইল এক্সপোর্ত/ইমপোর্ত তর্মিনেল-২ অমসুং কেপিতেল দ্রেদজিং ফেজ-৫) মীয়ামদা কৎথোক্কনি। জেনেরেল কার্গো বার্থ-২ শঙ্গাবা অসি লৈবাক অসিগী শেন-থুম চাউখৎনবা অমসুং থবক ফংবা হেনগৎহন্নবা মাইকৈদা থাংজিনবা খোঙথাং অমনি।
থৌরম মনুংদা, প্রধান মন্ত্রীনা মীয়ামদা লুপা করোর ৯০০০ হেনবগী পেত্রোলিয়ম অমসুং নেচরেল গ্যাস প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি। মীয়ামদা কৎথোক্কদবা প্রোজেক অনিগী মনুংদা ইন্দিয়ান ওইল কোওপরেসন লিমিতেদগী কিমি ৪৮৮ শাংবা নেচরেল গ্যাস পাইপলাইনগী ইন্নোর-তিরুবাল্লুর-বেঙ্গালুরু-পুদুচেরি-নাগাপত্তিনম-মদুরাই-তুতিকোরিন পাইপলাইনগী আই.পি ১০১(চেঙ্গালপাত) দগী আই.পি ১০৫(সায়ালকুদি) সেক্সন অমসুং হিন্দস্থান পেত্রোলিয়ম কোওপরেসন লিমিতেদকী কিমি ৬৯৭ শাংবা বিজয়াৱাদা-ধর্মপুরি মল্তিপ্রদক(পি ও এল) পেত্রোলিয়ম পাইপলাইন(ভি দি পি এল) য়াওরি।
মখা তানা, উরেপ-উয়ুং তমগদবা প্রোজেকশিংগী মনুংদা গ্যাস ওথোরিতি ওফ ইন্দিয়া লিমিতেদ(গেল)গী কোচি-কোত্তানাদ-বেঙ্গালুরু-মঙ্গালোর গ্যাস পাইপলাইন ২(কে কে বি এম পি এল ২)গী কৃষ্ণগিরিদগী কোয়ম্বতুর সেক্সনগী কিমি ৩২৩ শাংবা নেচরেল গ্যাস পাইপলাইন শেমগৎপা অমসুং চেন্নাইগী বাল্লুরদা শেমগৎকদৌরিবা গ্রাস রুত তর্মিনেলগীদমক কম্মন কোরিদোরা পি.ও.এল পাইপলাইনশিং ফুম্বা য়াওরি। পেত্রোলিয়ম অমসুং নেচরেল গ্যাসকী প্রোজেকশিং অসিনা লমদম অসিগী উদোগ, ইমুং-মনুং অমসুং ললোন-ইতিক্কী দরকার ওইবা ইনর্জি ফংহন্নবা মাইকৈদা থাংজিনবা খোঙথাং অমনি। প্রোজেকশিং অসিনা লমদম অসিদা থবক ফংবা হেনগৎহনগনি।
প্রধান মন্ত্রীনা ইন্দিরা গান্ধী সেন্তর ফোর এতোমিক রিছার্স(আই জি সি এ আর), কালপাক্কমদা দিমোন্সত্রেসন ফাস্ত রিয়েক্তর ফুয়েল রিপ্রোসেসিং প্লান্ত( দি এফ আর পি) মীয়ামদা কৎথোক্কনি। লুপা করোর ৪০০ চঙনা শেমগৎপা দিমোন্সত্রেসন ফাস্ত রিয়েক্তর ফুয়েল রিপ্রোসেসিং প্লান্ত অসি মালেমদা অমতা ঙাইরবা দিজাইন অমনি অমসুং ফাস্ত রিয়েক্তরশিংদগী থাদোরকপা কার্বাইদ অমসুং ওক্সাইদ ফুয়েল অনিমক রিপ্রোসেস তৌবা ঙম্মী। মসি ভারতকী সাইন্তিস্তশিংনা দিজাইন তৌবনি অমসুং শেন্দোং তান্নবা ফাস্ত রিয়েক্তর ফুয়েল রিপ্রোসেসিং প্লান্তশিং শানবা মাইকৈদা থাংজিনবা মরুওইবা খোঙথাং অমনি।
অতোপ্পা প্রোজেকশিংগী মনুংদা, প্রধান মন্ত্রীনা নেসনেল ইন্সতিতুৎ ওফ তেক্নোলোজি(এন আই তি)-তিরুচিপ্পলীগী ফমুং ৫০০ লৈবা নুপীমচাশিংগী হোস্তেল ‘অমেথিস্ত’ শঙ্গাগনি।
লক্ষদ্বিপতা প্রধান মন্ত্রী
মহাক্কী লক্ষদ্বিপ খোঙচত্তা, প্রধান মন্ত্রীনা লুপা করোর ১১৫০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কন অমসুং উরেপ-উয়ুং তমগনি।
অওনবা খোঙথাং অমদা, কোচি-লক্ষদ্বিপ আইলেন্দস সবমেরিন ওপ্তিকেল ফাইবর কন্নেক্সন(কে এল আই-এস ও এফ সি) প্রোজেক পায়খৎতুনা লক্ষদ্বিপ ইথৎশিংনা ইন্তরনেত য়াম্না শোন্না ফংলিবা অসি কোকহন্নবা প্রধান মন্ত্রীনা থাজবা পীখি অমসুং প্রোজেক অসি ওগস্ত ২০২০ দা লাল কিলাদা নিংতম্বা নুমিৎকী ৱারোলদা প্রধান মন্ত্রীনা লাউথোকখি।
হৌজিক প্রোজেক অসি লোইশিল্লে অমসুং প্রধান মন্ত্রীনা শঙ্গারগনি। মসিনা ইন্তরনেতকী খোঙজেল শরুক ১০০( ১.৭ জি বি পি এসতগী ২০০ জি বি পি এসতা) হেনগৎলগনি। নিংতম্বদগী অহানবা ওইনা, সবমেরিন ওপ্তিক ফাইবর কেবলগী খুৎথাংদা লক্ষদ্বিপগা শম্নরগনি। সবমেরিন ও.এফ.সি অসিনা লক্ষদ্বিপ ইথৎশিংগী কম্মুনিকেসন ইনফ্রাস্ত্রকচরদা অচৌবা অহোংবা অমা পুরক্লগনি অমসুং হেন্না য়াংবা অমসুং মতিক চাবা ইন্তরনেতকী খুদোংচাবশিং, তেলিমেদিসিন, ই-গভর্নান্স, লাইরিক-লাইশুগী থবকশিং দিজিতেল বেঙ্কিং, দিজিতেল করেন্সি অমসুং দিজিতেল লাইব্রেরিগী খুদোংচাবশিং ফংহল্লগনি।
প্রধান মন্ত্রীনা কাদমাত্তা লো তেম্পেরেচর থর্মেল দিসেলিনেসন(এল তি তি দি) প্লান্ত মীয়ামদা কৎথোক্কনি। মসিনা নোংমদা থক্নবা ঈশিং লিতর লাখ ১.৫ পুথোক্কনি। প্রধান মন্ত্রীনা অগাত্তি অমসুং মিনিকোই ইথৎশিংগী য়ুমথোঙশিংদা ফঙ্কসনেল হাওসহোল্দ তেপ কন্নেক্সনস( এফ ঐচ তি সি) মীয়ামদা কৎথোক্কনি। কোরেল ইথৎ অমা ওইবনা, লক্ষদ্বিপ ইথৎশিংদা অফবা থক্নবা ঈশিং ফংবা হায়বসি অচৌবা শিংনবা অমা ওইরি, লমদম অসিদা লৈনুংগী ঈশিং মরাং কাইনা ফংদে। থক্নবা ঈশিং পীনবা প্রোজেকশিং অসিনা ইথৎশিংগী তুরিজমগী খুদোংচাবশিং হেনগৎহনবদা মতেং পাংগনি অমসুং মসিনা লমদম অসিগী মীয়াম থবক ফংবা হেনগৎহনগনি।
মীয়ামদা কৎথোক্কদবা অতোপ্পা প্রোজেকশিংগী মনুংদা কবারাত্তিদা সোলার পৱার প্লান্ত য়াওরি, মসি লক্ষদ্বিপী অহানবা বেত্তরি বেক সোলার পৱার প্রোজেক্নি। মসিনা দিজলদা য়ুম্ফম ওইবা পৱার জেনেরেসন প্লান্তগী মখা পোনবা হন্থহনগনি অমসুং প্রোজেকশিংগী মনুংদা অনৌবা এদমিনিস্ত্রেতিপ ব্লোক অমসুং কবারাত্তিদা ইন্দিয়ান রিজার্ব বত্তালিয়ন কমপ্লেক্সতা মীওই ৮০গী বেরেক য়াওরি।
প্রধান মন্ত্রীনা কালপেনিদা প্রাইমারি হেল্থ কিয়ার নৌনা শেমগৎনবা উরেপ-উয়ুং তমগনি অমসুং অন্দ্রোথ, চেতলাত, কাদমাত, অগাত্তি অমসুং মিনিকোই ইথৎ মঙাদা মোদেল অঙ্গানৱাদি সেন্তর(নান্দ ঘরশিং) শানবা উরেপ-উয়ুং তমগনি।
