প্রধান মন্ত্রী শ্রী নরেন্দ্র মোদীনা দিসেম্বর 9দা রাজস্থান অমসুং হরিয়ানাদা চৎকনি। মহাক্না জয়পুরদা চৎকনি অমসুং অয়ুক পুং 10:30 রোম তাবদা মহাক্না জয়পুর একজিবিসন এন্দ কনভেন্সন সেন্তর (JECC)দা রাইজিং রাজস্থান গ্লোবেল ইনভেস্তমেন্ত সম্মিৎ 2024 হৌদোক্কনি। মসিগী মতুংদা, প্রধান মন্ত্রীনা পানীপৎতা চৎকনি অমসুং নুংথিল পুং 2 রোম তাবদা মহাক্না LICগী বীমা সখী য়োজনা হৌদোক্কনি অমসুং মহারানা প্রতাপ হোর্তিকলচরেল য়ুনিভর্সিতীগী মেন কেম্পসকী উরেপ উয়ুং তমগনি।
রাজস্থানদা পি.এম.
প্রধান মন্ত্রীনা জয়পুর একজিবিসন এন্দ কনভেন্সন সেন্তর (JECC) দা রাইসিং রাজস্থান গ্লোবেল ইনভেস্তমেন্ত সম্মিৎ 2024 অমসুং রাজস্থান গ্লোবেল বিজিনেস এক্সপো হৌদোক্কনি। থৌরম অসিদা মহাক্না মীয়ামদা ৱা ঙাংগনি।
চহি অসিগী দিসেম্বর 9দগী 11 ফাওবা পাংথোক্কদৌরিবা ইনভেস্তমেন্ত সম্মিৎ অসিগী থিমদি "রিপ্লেৎ, রেস্পোন্সিবল, রেদী"নি। সম্মিৎ অসিদা ৱাতর সেক্যুরিতী, সস্তেনেবল মাইনিং, সস্তেনেবল ফাইনান্স, ইনক্লুসিব তুরিজম, এগ্রী-বিজিনেস ইন্নোবেসন অমসুং নুপীশিংনা লুচিংবা স্তার্তঅপশিং য়াওনা অতোপ্পা হিরমশিংদা সেক্তরগী ওইবা সেসন 12 পাংথোক্কনি। সম্মিৎ অসিগী মনুংদা শরুক য়ারিবা লৈবাকশিংগা লোয়ননা "ৱাতর মেনেজমেন্ত ফোর লিভেবল সিতিজ", "ভর্সেতাইলিতী ওফ ইন্দস্ত্রীস-মেন্যুফেকচরিং এন্দ বিয়োন্দ" অমসুং "ত্রেদ এন্দ তুরিজম" অসিনচিংবা হিরমশিংদা লৈবাকশিংগী ওইবা সেসন 8 পাংথোক্কনি।
প্রভাসী রাজস্থানী কনক্লেব অমসুং MSME কনক্লেবসু নুমিৎ হুমনি পাংথোক্কনি। রাজস্থান গ্লোবেল বিজিনেস এক্সপো অসিদা রাজস্থান পেভিলিয়ন, কন্ত্রী পেভিলিয়ন, স্তার্তঅপ্স পেভিলিয়ন অসিনচিংবা থিমেতিক পেভিলিয়নশিং য়াওগনি। লৈবাক 32 হেনবনা, পার্তনর লৈবাক 16 অমসুং ইন্তর্নেস্নেল ওর্গনাইজেসন 20 য়াওনা সম্মিৎ অসিদা শরুক য়াগনি।
হরিয়ানাদা পি.এম.
নুপীশিংদা শক্তি পীনবা অমসুং শেল-থুমগী লমদা য়াওহন্নবা মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা পানীপৎতা 'বীমা সখী য়োজনা' হৌদোক্কনি। লাইফ ইন্সুরেন্স কোর্পোরেসন ওফ ইন্দিয়া (LIC) গী খোঙথাং অসিনা ক্লাস X পাস তৌবা চহি 18-70গী নুপীশিংদা শক্তি পীনবা পান্দম থম্লি। মখোয়না ফাইনান্সিএল লিতরেসি অমসুং ইন্সুরেন্সকী মতাংদা এৱেরনেস পীনবা অহানবা চহি অহুমগী ওইনা স্পেসিএলাইজ ত্রেনিং অমসুং স্তাইপেন্দ ফংলগনি। ত্রেনিং ফংলবা মতুংদা, মখোয়না LICগী এজেন্ত ওইনা থবক তৌবা য়াই অমসুং গ্রেজুএৎ বীমা সখীনা LICদা দিবেলপমেন্ত ওফিসরগী থৌদাং লৌনবগীদমক ক্বালিফাই ওইবগী খুদোংচাবা ফংগনি। প্রধান মন্ত্রীনা বীমা সখী ওইগদৌরিবা মীওইশিংদা এপোইন্তমেন্ত সর্তিফিকেৎশিংসু য়েন্থোক্কনি।
থৌরম অদুগী মনুংদা, প্রধান মন্ত্রীনা করনালগী মহারানা প্রতাপ হোর্তিকলচরেল য়ুনিভর্সিতীগী মেন কেম্পসকী উরেপ উয়ুংসু তমগনি। মেন কেম্পস অমসুং রিজনেল রিসর্চ স্তেসন তরুক, একর 495দা পাক চাউগনি, মসিদা লুপা করোর 700 হেন্না চংগনি। য়ুনিভর্সিতী অসিদা গ্রেজুএৎ অমসুং পোস্ত-গ্রেজুএৎ স্তদিজগীদমক হোর্তিকলচরগী কোলেজ অমা অমসুং হোর্তিকলচরগী দিসিপ্লিন 10 কোনশিনবা স্কুল মঙা লৈগনি। মসিনা ক্রোপ দাইভর্সিফিকেসন অমসুং হোর্তিকলচরগী তেক্নোলোজীশিং শেমগৎনবা মালেমগী থাক্কী রিসর্চ তৌবদা মতেং পাংগনি।
