প্রধান মন্ত্রী শ্রী নরেন্দ্র মোদী 2025গী ওক্তোবর 29দা মুম্বাইদা চৎকনি। নুমিদাং ৱাইরম পুং 4 তাবা মতমদা মহাক্না মুম্বাইগী নেস্কো একজিবিসন সেন্তরদা পাংথোক্কদৌরিবা ইন্দিয়া মেরিতাইম ৱীক 2025গী মেরিতাইম লিদর্স কনক্লেবতা ৱা ঙাংগনি অমসুং গ্লোবেল মেরিতাইম CEO ফোরমদা ময়াই তাংবল লৌগনি।
গ্লোবেল মেরিতাইম CEO ফোরম, ইন্দিয়া মেরিতাইম ৱীক 2025গী মরুওইবা থৌরম অসিনা গ্লোবেল মেরিতাইম কম্পনীশিংগী CEOশিং, মরুওইবা ইনভেস্তরশিং, পোলিসী মেকরশিং, ইন্নোভেতরশিং অমসুং মালেমগী পার্তনরশিংবু পুনশিন্নদুনা গ্লোবেল মেরিতাইম ইকোসিস্তেমগী তুংলমচৎকী মতাংদা খন্ন-নৈনগনি। ফোরম অসিনা সস্তেনেবল মেরিতাইম গ্রোথ, রেসিলিএন্ত সপ্লাই চেন, গ্রীন শিপ্পিং অমসুং ইনক্লুসিব ব্ল্যু ইকোনোমী স্ত্রেতেজীশিংদা ৱারী শানবগী মরুওইবা প্লেৎফোর্ম অমা ওইনা মথৌ তৌগনি।
প্রধান মন্ত্রীনা শরুক য়াবা অসিনা মেরিতাইম অমৃত কাল ভিজন 2047গা মরী লৈননা অচৌবা, তুংলমচৎতা য়ুম্ফম ওইবা মেরিতাইম ত্রান্সফোর্মেসনগীদমক মহাক্কী অচেৎপা ফিরেপ অদু উৎলি। পোর্ত-লেদ দিবেলপমেন্ত, শিপ্পিং অমসুং শিপ বিল্দিং, অপনবা লৈতবা লোজিস্তিক্স, অমসুং মেরিতাইম স্কিল-বিল্দিং হায়রিবা স্ত্রেতেজিক পিল্লর মরিদা য়ুম্ফম ওইবা লোং-তর্ম ভিজন অসিনা ভারতপু মালেমগী মকোক থোংবা মেরিতাইম পাৱরশিংগী মরক্তা থম্নবা পান্দম থম্লি। ইন্দিয়া মেরিতাইম ৱীক 2025 অসি ভারত সরকারগী মরুওইবা গ্লোবেল প্লেৎফোর্ম অমা ওইদুনা ভিজন অসিবু থবক ওইনা ওন্থোক্নবা হোৎনগনি, মসিনা শিপ্পিং, পোর্তশিং, শিপ বিল্দিং, ক্রুজ তুরিজম অমসুং ব্ল্যু ইকোনোমী ফাইনান্সকী লমদা মকোক থোংবা স্তেকহোল্দরশিং পুনশিন্নগনি।
2025গী ওক্তোবর 27তগী 31 ফাওবা "য়ুনাইতিং ওসিনস, ৱান মেরিতাইম ভিজন" হায়বা থিমগী মখাদা পাংথোক্কদৌরিবা IMW 2025না মালেমগী মেরিতাইম হব অমা অমসুং ব্ল্যু ইকোনোমীদা লুচিংবা অমা ওইনা থোরক্নবা ভারতকী স্ত্রেতেজিক রোদমেপ উৎকনি। IMW 2025দা লৈবাক 85 হেনবনা শরুক য়াগনি, মসিদা দেলিগেৎ 1,00,000, এক্সিবিতর 500 অমসুং ইন্তর্নেস্নেল স্পীকর 350 হেনবনা শরুক য়াগনি।
