Share
 
Comments
পি.এম.না কুনো নেস্নেল পার্কতা ভারত্তগী মুৎখ্রবা লমলক্কী চীতাহ থাদোক্কদৌরি
নামিবিয়াদগী পুরকপা চীতাহশিং, মালেমগী খ্বাইদগী অহানবা ইন্তর-কন্তিনেন্তেল লার্জ ৱাইল্দ কোর্নিবোর ত্রান্সলোকেসন প্রোজেক্ত অমা ওইরিবা প্রোজেক্ত চীতাহগী মখাদা ভারত্তা থাদোক্লি
ভারত্তা চীতাহ অমুক হন্না পুশিল্লকপনা ওপন ফোরেস্ত অমসুং গ্রাসলেন্ত ইকোসিস্তেম হান্নগী ফীভমদা হঞ্জিল্লকপদা মতেং ওইগনি অমদি লোকেল কম্ম্যুনিতীদা হিংনবগী পাম্বৈসু হেনগৎহনগনি
অকোয়বগী ফীভম ঙাক শেনবা অমদি লমলক্কী শা-উচেক য়োকখৎপগী মতাঙদা লৈরিবা প্রধান মন্ত্রীগী ফিরেপকা চুননা পায়খৎপনি
প্রধান মন্ত্রীনা শিওপুরগী কারাহলদা পাঙথোক্কদবা এস.ঐচ.জি. সম্মেলন্দা শরুক য়াগনি
থৌরম অসিদা নুপীএস.ঐচ.জি. মেম্বর/কম্ম্যুনিতী রিসোর্স পর্সন লিশিং কয়ানা শরুক য়াগদৌরি
পি.এম. কৌশল বিকাস য়োজনাগী মখাদা পার্তিকুলর্লী ভল্নরেবল ত্রাইবেল গ্রুপ্স স্কিলিং সেন্তর মরিসু পি.এম.না শঙ্গাগদৌরি

প্রধান মন্ত্রী শ্রী নরেন্দ্র মোদীনা সেপ্তেম্বর ১৭তা মধ্য প্রদেশতা চৎকদৌরি‍। অয়ুক্কী পুং ১০:৪৫ রোম তারকপা মতমদা প্রধান মন্ত্রীনা কুনো নেস্নেল পার্কতা চীতাহশিং থাদোক্কনি‍। মতুংদা, নুমিৎ য়ুংবা পুং ১২ তারকপা মতমদা, শিওপুরগী কারাহলদা নুমী এস.ঐচ.জি. মেম্বরশিং/কম্ম্যুনিতী রিসোর্স পর্সনশিংগা লোয়ননা এস.ঐচ.জি. সম্মেলন্দা শরুক য়াগনি‍।

কুনো নেস্নেল পার্কতা পি.এম.

প্রধান মন্ত্রীনা কুনো নেস্নেল পার্কতা লমলক্কী চীতাহ থাদোক্কদৌরিবসি ভারতকী লমলক্কী শা-উচেকশিং অমসুং মখোয়গী লৈফম চাফম অমুক হিঙ্গৎহন্নবা অমদি মখল মথেল শুনা থম্ননবগী থৌরাংগী শরুক অমনি‍। চীতাহ অসি ভারত্তগী মুৎখ্রে হায়না ১৯৫২দা লাউথোকখ্রবনি‍। থাদোক্কদৌরিবা চীতাহশিং অসি নামিবিয়াদগী চহি অসিগী অঙনবা শরুক্তা খুৎয়েক পীনখিবা এম.ও.য়ু. অমগী মখাদা পুরকপনি‍। ভারত্তা চীতাহ থাদোক্কদৌরিবা অসি মালেমগী ইহান হানবা ইন্তর-কন্তিনেন্তেল লার্জ ৱাইল্দ কার্নিবোর ত্রান্সলোকেসন প্রোজেক্ত অমা ওইরিবা প্রোজেক্ত চীতাহগী মখাদা পাঙথোকপনি‍।

চীতাহনা ভারতকী ওপন ফোরেস্ত অমসুং গ্রাসলেন্ত ইকোসিস্তেম অমুক হঞ্জিলহনবদা মতেং ওইগনি‍। মসিনা বাইওদাইভর্সিতী য়োকখৎপদা অমদি ঈশিংগী মরাং কায়হনবা, কার্বোন সিক্বেস্ত্রেসন অমসুং লৈহাউগী ইনিল ঙাক্তুনা থম্বনচিংবা ইকোসিস্তেম সর্ভিসশিং ফগৎহনবদা মতেং পাংদুনা খুন্নাইদা চাউনা কান্নহনগনি‍। থৌরাং অসি অকোয়বগী ফীভম ঙাকথোকপা অমদি লমলক্কী শা-উচেকশিং য়োকখৎপা হায়রিবা প্রধান মন্ত্রীগী ফিরেপগী পরিংদা পায়খৎপনি অমদি ইকো-দেভেলপমেন্ত অমসুং ইকোতুরিজম থৌওংশিংগী খুত্থাঙদা লোকেল কম্ম্যুনিতীদা হিংনবগী পাম্বৈগী খুদোংচাবা হেন্না ফগৎহনগনি‍।

এস.ঐচ.জি. সম্মেলন্দা পি.এম.

প্রধান মন্ত্রীনা শিওপুরগী কারাহলদা পাঙথোক্কদৌরিবা এস.ঐচ.জি. সম্মেলন্দা শরুক য়াগনি‍। থৌরম অসিদা দীনদয়াল অন্ত্যোদয়া য়োজনা-নেস্নেল রুরেল লাইবলিহুদ মিসন (দি.এম.ৱাই-এন.আর.এল.এম.)গী মখাদা য়োকখৎলিবা নুপী সেল্ফ হেল্প গ্রুক (এস.ঐচ.জি.) মেম্বরশিং/কম্ম্যুনিতী রিসোর্স পর্সন লিশিং কয়াসু শরুক য়াগদৌরি‍।

থৌরম অসিদা, প্রধান মন্ত্রীনা পি.এম. কৌশাল বিকাস য়োজনাগী মখাদা লিংখৎপা পার্তিকুলর্লী ভল্নরেবর ত্রাইবেল গ্রুপ্স (পি.ভি.তি.জি.) স্কিলিং সেন্তর মরিসু শঙ্গারমগদৌরি‍।

দি.এ.ৱাই.-এন.আর.এল.এম.না তাঙ্কক নাইনা খুঙ্গঙগী লায়রবা য়ুমথোঙশিংবু এস.ঐচ.জি.দা পুশিল্লক্নবা অমদি মখোয়গী পুন্সি হিংনবগী মখল মথেলগী পাম্বৈশিং পীবদা অমদি মখোয়গী শেন্থোক অমসুং পুন্সি মহিং ফগৎহনবদা ঙাক্লৌ পীরি‍। মিসন অসিনা ইমুং মনুংদা ওৎ নৈবা, নুপীদা মহৈ মশিং তমহনবা অমসুং ন্যুত্রিসন, সেনিতেসন, হকশেলনচিংবা জেন্দরগা মরী লৈনবা হীরমশিংদা পাক শন্না খঙহনবা অমসুং লমচৎ হোংহন্নবগী পাউ ফাওদোক ফাওজিন তৌদুনা নুপী এস.ঐচ.জি. মেম্বরশিংবু মপাঙ্গল কলহন্নবা থবকসু পায়খৎলি‍।

 

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Budget 2023: Perfect balance between short and long term

Media Coverage

Budget 2023: Perfect balance between short and long term
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 2 ফেব্রুৱারি, 2023
February 02, 2023
Share
 
Comments

Citizens Celebrate India's Dynamic Growth With PM Modi's Visionary Leadership