প্রধান মন্ত্রী শ্রী নরেন্দ্র মোদীনা ওক্তোবর ১৯-২০দা গুজরাত্তা চত্তুনা লুপা করোর ১৫,৬৭০রোমগী ওইগবা প্রোজেক্তশিং মীয়ামদা কত্থোক্কনি অমদি উরেপ উয়ুং তমগনি।
ওক্তোবর ১৯গী অয়ুক পুং ৯:৪৫রোম তারকপদা গান্ধীনগরদা লৈবা মহাত্মা মন্দীর কনভেন্সন এন্দ এগজিবিসন সেন্তরদা প্রধান মন্ত্রীনা দেফএক্সপো২২ হৌদোক্কনি। নুমিৎ য়ুংবা পুং ১২রোম তারকপদা, প্রধান মন্ত্রীনা অদালাজতা মিসন স্কুল্স ওফ এক্সেলেন্স হৌদোক্কনি। নুংথিল পুং ৩:১৫রোম তারকপদা মহাক্না জুনাগরদা তোঙান তোঙানবা চাউখৎ থৌরাংগী প্রোজেক্তশিংগী উরেপ উয়ুং তমগনি। তুংদা নুমিদাংৱাইরম পুং ৬ লোম তারকপা মতমদা মহাক্না ইন্দিয়া অর্বান হাউজিং কনক্লেব ২০২২ হৌদোক্কনি অমদি রাজকোত্তা য়াম্লবা প্রোজেক্তশিং মীয়ামদা কত্থোক্কনি অমদি উরেপ উয়ুং তমগনি। মহাক্না নুমিদাং পুং ৭:২০লোম তারকপা মতমদা রাজকোত্তা ইনোভেতিব কন্সত্রক্সন প্রাক্তিসকী একজিবিসনসু হৌদোক্কনি।
ওক্তোবর ২০গী অয়ুক পুং ৯:৪৫রোম তারকপা মতমদা প্রধান মন্ত্রীনা কেবারিয়াদা মিসন লাইফ হৌদোক্কনি। নুমিৎয়ুংবা পুং ১২রোম তারকপদা প্রধান মন্ত্রীনা কেবারিয়াদা পাঙথোক্লিবা ১০শুবা হেদ্স ওফ মিসন কন্ফরেন্সতা শরুক য়াগনি। তুংদা, নুংথিল পুং ৩:৪৫রোম তারকপদা মহাক্না ব্যারাদা তোঙান তোঙানবা চাউখৎ থৌরাংগী প্রোজেক্তশিং উরেপ উয়ুং তমগনি।
গান্ধীনগরদা পি.এম.
প্রধান মন্ত্রীনা দেফএক্সপো২২ হৌদোক্কনি। ‘পাথ তু প্রাইদ’ হায়বা থিমগী মখাদা পাঙথোক্কদৌরিবা এক্সপো অসি হৌজিক ফাওবগী ওইনা খ্বাইদগী মশিং য়াম্না শরুক য়াগদবা ইন্দিয়ন দিফেন্স এক্সপো ওইগদৌরি। অহানবা ওইনা, ফোরেন ও.ই.এম.শিংগী ইন্দিয়ন সবসিদিয়রীশিং, ভারত্তা রেজিস্তর তৌবা কম্পেনীগী দিভিজন, ভারতকী কম্পেনীগী পুন্না চৎমিন্না একজিবিতর য়াওনা ভারতকী কম্পেনীশিংখক্তগী ওইবা দিফেন্স একজিবিসন অমা য়াওগনি। থৌরম অসিনা ভারতকী দিফেন্স মেনুফেকচরিংগী মতিক পাকথোক চাউথোকপগী মতৌ উৎকনি। এক্পো অসিদা ইন্দিয়া পেভিলিয়ন অমা অমদি স্তেত পেভিলিয়ন তরা য়াওগনি। ইন্দিয়া পেভিলিয়ন্দা প্রধান মন্ত্রীনা হিন্দুস্তান এরোনোতিক্স লিমিতেদ (এম.এ.এল.) না দিজাইন তৌবা লমদমসিদা পুথোকচবা ত্রেনর এয়রক্রাফ্ত ঐচ.তি.তি.-৪০ মায়খুম হাংদোক্কনি। এয়রক্রাফ্ত অসিনা স্তেত ওফ দি আর্ত কন্তেম্পররী সিস্তেম শীজিন্নরি অমদি পাইলোৎ ফ্রেন্দলী ফীচরশিংগা লোয়ননা দিজাইন তৌবনি।
থৌরম অদুদা, প্রধান মন্ত্রীনা ইন্দস্ত্রী অমসুং স্তার্তঅপশিংগী খুত্থাঙদা স্পেস দোমেন্দা দিফেন্স ফোর্সক ইনোভেতিব ওইবা সোলুসন শেমগৎনবা মিসন দেফস্পেস হৌদোক্কনি। প্রধান মন্ত্রীনা গুজরাত্তা দীসা এ্ররফীল্দগী উরেপ উয়ুংসু তমগনি। ফোরৱার্দ এয়রফোর্স বেজ অসিনা লৈবাকসিগী সিক্যুরিতী অর্কিতেকচর হেনগৎহল্লগনি।
এক্সো অসিদা ‘ইন্দিয়া-অফ্রিকা: এদোপ্তিং স্ত্রেতেজী ফোর সীনর্জাইতিং দিফেন্স এন্দ সিক্যুরিতী কোওপরেসন’ হায়রিবা থিম অসিগী মখাদা ২শুবা ইন্দিয়া-অফ্রিকা দিফেন্স দাইলোগসু পাঙথোক্কনি। সিক্যুরিতী এন্দ গ্রোথ ফোর ওল ইন দি রীজন (সাগর) হায়রিবা প্রধান মন্ত্রীগী মঙলান অসিগী পরিংদা, ইং-তপ্পা, চাওখৎপা, মরা চেৎপা অমসুং নুংঙাই য়াইফবা পুরক্নবগীদমক আই.ও.আর.+ লৈবাকশিংগী মরক্তা দিফেন্স কোওপরেসন য়োকখৎনবা মপুং ফাবা দাইলোগ অমগী ফম্পাক অমা পীগদবা ২শুবা ইন্দিয়ন ওসীন রীজন+ (আই.ও.আর.+) কনক্লেবসু এক্সপো অসিগী মনুং চন্না পাঙথোক্কনি। এক্সপো অসিদা, অহানবা ইনভেস্তর্স মীত ফোর দিফেন্সসু পাঙথোক্কনি। মসিদা, আইদেক্স (ইনোভেসন ফোর দিফেন্স এক্সেলেন্স)কী দিফেন্স ইনোভেসন থৌরম, মন্থন ২০২২দা স্তার্তঅপ চা কয়ানা মখোয়গী ইনোভেসনশিং উত্থোক্নবগী তাঞ্জা লৌনগনি। থৌরম অসিদা ‘বন্ধন’ থৌরমগী খুত্থাঙদা পার্ত্নরসিপ/লোঞ্চ ৪৫১সু শেমগনি।
প্রধান মন্ত্রীনা অদালাজগী ত্রীমন্দীরদা মিসন স্কুল্স ওফ এক্সেলেন্সসু হৌদোক্কনি। মিসন অসি লুপা করোর ১০,০০০গী অপুনবা শেনফমগা লোয়ননা পায়খৎনবা লেপখিবনি। ত্রীমন্দরীদা পাঙথোক্কদবা থৌরম অসিদা, প্রধান মন্ত্রীনা লুপা করোর ৪২৬০ রোমগী ওইগদবা প্রজেক্তশিং হৌদোক্কনি। মিসন অসিনা অনৌবা ক্লাসরুমশিং, স্মার্ত ক্লাস রুমশিং, কম্প্যুতর লেবশিং শেমগত্তুনা অমদি স্তেত অসিগী স্কুল ইনফ্রাস্ত্রকচরশিংগী ফীভম ফগৎহন্দুনা গুজরাতকী মহৈ মশিংগী ইনফ্রাস্ত্রকচরশিং মপাঙ্গল কনখৎহনগনি।
জুনাগরদা পি.এম.
প্রধান মন্ত্রীনা লুপা করোর ৩৫৮০ রোমগী ওইগদবা তোঙান তোঙানবা চাউখৎ থৌরাংগী প্রোজেক্তশিং উরেপ উয়ুং তমগনি।
ৱাৎহৌবা লিঙ্কশিং শেমগৎ শাগৎপা য়াওনা সমুদ্র খোঙবাল পরিংগী হায়ৱেশিংগী ফীভম ফগৎহন্নবগী প্রোজেক্ত প্রধান মন্ত্রীনা উরেপ উয়ুং তমগনি। প্রোজেক্ত অসিগী অহানবা তাঙ্কক্তা, দিস্ত্রিক্ত ১৩দা কিলোমিতর ২৭০ শাংবা হায়ৱেগী শরুক কোনশিনগনি।
প্রধান মন্ত্রীনা জুনাগরদা ৱাতর সপ্লাই প্রোজেক্ত অনি অমদি লৌউ-শিংউগী পোত্থোকশিং থম্নবগীদমক গোদাউন কম্প্লেক্স অমা শানবগী প্রোজেক্তশিং উরেপ উয়ুং তমগনি। পোরবন্দরদা, প্রধান মন্ত্রীনা মাধবপুরগী শ্রী কৃষ্ণন রুক্সমনী মন্দীর মপুং ফানা শেমগৎনবগী উরেপ উয়ুং তমগনি। মহাক্না পোরবন্দর ফীসরী হারবরদা সীৱেজ অমসুং ৱাতর সপ্লাই প্রোজেক্তশিং অমসুং মেন্তেনেন্স দ্রেদজিংগী প্রোজেক্তশিংসু উরেপ উয়ুং তমগনি। মাধ্বারদা ঙা ফাফম হিথাংফম অমা শেমগৎপা য়াওনা গীর সোমনাথদা প্রোজেক্ত অনিগী উরেপ উয়ুং মহাক্না তমগনি।
রাজকোত্তা পি.এম.
প্রধান মন্ত্রীনা রাজকোত্তা লুপা করোর ৫৮৬০ রোমগী ওইগদবা প্রোজেক্তশিং মীয়ামদা কত্থোক্কনি অমদি উরেপ উয়ুং তমগনি। মহাক্না প্লানিং, দিজাইন, পোলিস, রিজুলেসন্স, ইম্প্লিমেন্তেসন, সস্তেনেবিলিতী অমসুং ইনক্লুজিভিতী হেন্না পুরকপা অমদি অতৈ কয়া য়াওনা ভারতকী হাউজিংগা মরী লৈনবা তোঙান তোঙানবা ৱাফমশিংগী মরমদা খন্নগদবা ইন্দিয়া অর্বান হাউজিং কনক্লেব ২০২২সু হৌদোক্কনি। মীয়ামগী মীফম অদুগী মতুংদা, প্রধান মন্ত্রীনা ইনোভেতিব কন্সত্রক্সন প্রাক্তিসকী মরমদা একজিবিসন অমসু হৌদোক্কনি।
মীয়ামগী মীফম অসিদা, প্রধান মন্ত্রীনা লাইত হাউস প্রোজেক্তকী মখাদা শাখিবা য়ুম ১১০০ হেনববু কত্থোক্কনি। য়ুমশিং অসিগী শোশিংসু বিনিফিসরীশিংদা খুৎশিন্নগনি। মহাক্না ৱাতর সপ্লাই প্রোজেক্ত; ব্রাহ্মনী-২ দামদগী নর্মদা কেনেল পম্পিং স্তেসন ফাওবগী মোর্বি-বল্ক পাইপলাইন প্রোজেক্ত কত্থোক্কনি। মহাক্না মীয়ামদা কত্থোক্কদবা অতো প্রোজেক্তশিংগী মনুংদা রীজনেল সাইন্স সেন্তর, ফ্লাইওভর ব্রিদ্জ, অমসুং লম্বীগা মরী লৈনবা অতৈ প্রোজেক্তশিং য়াওরি।
প্রধান মন্ত্রীনা গুজরাতকী এন.ঐচ. ২৭গী রাজকোৎ-গোন্দাল-জেৎপুর শরুক হান্না লৈরম্বা লেন মরিদগী লেন তরুক্তা ওনখৎপগী প্রোজেক্ত উরেপ উয়ুং তমগনি। মহাক্না মোর্বি, রাজকোৎ, বোতার, জামনগর অমসুং কছ্চকী তোঙান তোঙানবা মফমশিংদা পায়খৎকদবা লুপা করোর ২৯৫০ রোমগী ওইগদবা জি.আই.দি.সি. ইন্তস্ত্রিএল এস্তেতকী উরেপ উয়ুংসু তমগনি। উরেপ উয়ুং তমগদবা অতৈ প্রোজেক্তশিংগী মনুংদা গাধকাগী অমুল ফেদ দেরি প্লান্ত, রাজকোৎকী ইন্দোর স্পোর্ত্স কম্প্লেক্স শাবা, ৱাতর সপ্লাই প্রোজেক্ত অনি অমসুং লম্বী অমদি রেলৱে সেক্তরগর মরী লৈনবা অতৈ প্রোজেক্তশিং য়াওরি।
কেবারিয়াদা পি.এম.
প্রধান মন্ত্রীনা য়ু.এন. সেক্রেতরী জেনেরেল, ঐচ.ই. মিস্তর এন্তোনিও গুতেরেসকা নাকল অনিগী ওইবা মীফম অমসু পাঙথোক্কনি। তুংদা, প্রধান মন্ত্রীনা, কেবারিয়াগী এক্তা নগরদা লৈবা স্তেচু ওফ য়ুনিতীদা য়ু.এন. সেক্রেতরী জেনেরেল য়াওবা থৌরম অমদা মিসন লাইফ হৌদোক্কনি। প্রধান মন্ত্রীনা মঙখিবা মঙলানগুম, মিসন অসি লনাই অমসুং অপুনগী থৌওংবু অকোয়বগী ফীভম ঙাক শেন্নবা অমদি য়োকখৎকদবা ভারতনা লমচিংবা মালেমগী ওইবা মীয়ামগী ইহৌ অমা ওইরক্কনি হায়না থাজনরি।
মিসন লাইফনা সস্তেনেবিলিতীগী মায়কৈদা ঐখোয়গী অপুনবা খোঙফমদা অহোংবা পুরক্নবগীদমক মমায় অহুম লোঙবা লাল্লোং অমা ইন্দুনা চৎনবা পান্দম থম্লি। অহানবা অসিনা মীয়ামবু মখোয়গী নুংতিগী পুন্সিদা ইচম চম্বা অদুগা কান্নগদবা অকোয়বগী ফীভমগা চুনবা থৌওংশিং পাঙথোকহন্নবা ইথিল পীবা (দিমান্দ); অনিসুবদা হোংলক্লিবা দিমান্দগী মতুং ইন্না ইন্তস্ত্রীশিং অমসুং কৈথেলশিংবু খোঙলৈ থুনা থবক পায়খৎপা ঙমহনবা (সপ্লাই) অমদি; অহুমসুবদা সস্তেনেবল কঞ্জুম্পসন অমসুং প্রদক্সন অনিমক্তা চৈঙাক পীননবা লৈঙাক অমদি ইন্দস্ত্রিএল পোলিসীদা ইথিল পীবা (পোলিসী) অসিনি।
প্রধান মন্ত্রীনা মপান থৌরম মন্ত্রালয়না কেবারিয়াদা ওক্তোবর ২০দগী ২২ ফাওবা পাঙথোক্কদৌরিবা ১০শুবা হেদ্স ওফ মিসন্স কন্ফরেন্সতসু শরুক য়াগনি। কন্ফরেন্স অসিনা মালেম পুম্বদগী ইন্দিয়ন মিসনশিংগী মকোক (এম্বেসেদর অমসুং হায় কম্মিস্নসর) ১১৮বু মফম অমত্তদা পুনশিনগনি। নুমিৎ হুম্নি চুপ্না সেসন ২৩ থোক্না পাঙথোক্কদবা কন্ফরেন্স অসিনা মতমসিগী জিও-পোলিতিকেল অমসুং জিও-ইকনমিক এনভাইরনমেন্ত, কন্নেক্তিভিতী, ভারতকী ফোরেন পোলিসী প্রাইওরিতীনচিংবা হীরমশিংদা মচা খায়না খন্ননবা তাঞ্জা অমা পীরগনি। হেদ ওফ মিসনশিং অসি এস্পিরেস্নেল দিস্ত্রিক্ত, ৱন দিস্ত্রিক্ত ৱন প্রদক্ত, অমৃৎ সরোবর মিসন অমদি অতৈ ভারতকী ফ্লেকসিপ মিসনশিংগী মরমদা হেন্না মমুৎ তানা খঙননবগীদমক হৌজিক হৌজিক মখোয় মখোয়গী স্তেতশিংদা চৎনখি।
ব্যারাদা পি.এম.
প্রধান মন্ত্রীনা তাপিগী ব্যারাদা লুপা করোর ১৯৭০ হেনবগী তোঙান তোঙানবা চাউখৎ থৌরাংগী প্রোজেক্তশিংগী উরেপ উয়ুং তমগনি। মহাক্না ৱাৎহৌরিবা লিঙ্কশিং শেমগৎপগা লোয়ননা সাপুতারাদগী স্তেচু ওফ য়ুনিতী ফাওবগী লম্বীগী ফীভম ফগৎহন্নবগী প্রোজেক্ত উরেপ উয়ুং তমগনি। উরেপ উয়ুং তমগদবা অতৈ প্রোজেক্তশিংগী মনুংদা তাপি অমসুং নর্মদা দিস্ত্রিক্তা পায়খৎকদবা লুপা করোর ৩০০ হেনবগী ৱাতর সপ্লাই প্রোজেক্তশিং য়াওরি।
