প্রধান মন্ত্রী শ্রী নরেন্দ্র মোদী মে ১২দা গুজরাত্তা চৎকনি। অয়ুক্কী পুং ১০:৩০ রোম ভাবদা প্রধান মন্ত্রীনা গান্ধীনগরদা অখিল ভারতিয়া সিক্ষা সংঘ অধিভেসনদা শরুক য়াগনি। তুংদা মহাক্না নুমিৎ য়ুংবা পুং ১২দা গান্ধীনগরদা লুপা করোর ৪৪০০ রোমগী প্রোজেকশিং শঙ্গাগনি অমসুং উরেপ-উয়ুং তমগনি। নুংথিল পুং ৩ তাবদা, প্রধান মন্ত্রী গিফ সিতিদা চৎকনি।
চাউখৎ-থৌরাংগী প্রোজেকশিং শঙ্গাবা অমসুং উরেপ-উয়ুং তম্বা
গান্ধীনগরদা পাংথোকপা থৌরম মনুংদা, লুপা করোর ২৪৫০ হেনবগী চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। হায়রিবা প্রোজেকশিং অদুগী মনুংদা অর্বান দিবলপমেন্ত দিপার্তমেন্ত, ৱাতর সপ্লাই দিপার্তমেন্ত, রোদ অমসুং ত্রান্সপোর্ত দিপার্তমেন্ত অমসুং মাইন্স অমসুং মিনরেল দিপার্তমেন্তগী প্রোজেকশিং য়াওরি।
শঙ্গাগদৌরিবা প্রোজেকশিংগী মনুংদা বনাসকান্থা জিলাদা খুঙ্গংগী ঈশিং পীনবা স্কিমশিং ফগৎহনবা, অহমেদবাত্তা তুরেল মথক্তা থোঙ, নারোদা জি.আই.দি.সিদা দ্রেনেজ কল্লেক্সন নেতৱার্ক, মেহসানা অমসুং অহমেদবাত্তা সিৱেজ ত্রিৎমেন্ত প্লান্তশিং অমসুং দাহেগ্রামদা ওদিওতোরিয়ম য়াওরি। উরেপ-উয়ুং তমগদবা প্রোজেকশিংগী মনুংদা জুনাগাধ জিলাদা ব্লক পাইপলাইন প্রোজেক, গান্ধীনগর জিলাদা ঈশিং পীনবা স্কিমশিং ফগৎহনবা, লৈকংথোঙশিং শাবা, অনৌবা ঈশিং পীনবা স্তেসন অমসুং তোঙান-তোঙানবা লম্বীশিং য়াওরি।
প্রধান মন্ত্রীনা পি.এম.এ.ৱাই(খুঙ্গং অমসুং সহর)গী প্রোজেকশিং শঙ্গাগনি অমসুং উরেপ-উয়ুং তমগনি লোয়ন্না পি.এম.এ.ৱাইগী মখাদা মখা শাবা য়ুমশিং বেনিফিসরি ১৯,০০০ রোম শীন্নগনি। মহাক্না স্কিম অসিগী বেনিফিসরিশিংদা য়ুমগী শোশিং শীন্নগনি। হায়রিবা প্রোজেকশিং অসিগী অপুনবা শেনফম্না লুপা করোর ১৯৫০নি।
গিফ সিতিদা প্রধান মন্ত্রীনা ‘গুজরাত ইন্তরনেসনেল ফাইনান্স তেক-সিতি(গিফ-সিতি)দা চৎকনি। মহাক্না সিতি অদুদা পায়খৎলিবা তোঙান-তোঙানবা প্রোজেকশিংগী ফিবম য়েংশিনগনি। গিফ আই.এফ.এস.সিগী লুপশিংগা উনগনি অমসুং গিফ সিতিগী তুংগী থৌরাংশিংগী মতাংদা খন্নগনি। প্রধান মন্ত্রীগী সহরগী মরুওইবা ইনফ্রাস্ত্রকচরশিং হায়বদি ‘অন্দরগ্রাউন্দ য়ুতিলিতি তন্নেল’ অমসুং ‘ওতোমেতেদ ৱেস্ত কল্লেক্সন সেগ্রেগেসন প্লান্ত’সু য়েংগনি।
অখিল ভারতিয়া সিক্ষা সংঘ অধিভেসন
প্রধান মন্ত্রীনা ওল ইন্দিয়া প্রাইমারি তিচর্স ফেদেরেসনগী ২৯শুবা বাইনিয়েল কনফরেন্স, অখিল ভারতিয়া সিক্ষা সংঘ অধিভেসন শরুক য়াগনি। মীফম অসিগী থিমদি ‘লাইরিক-লাইশুগী লমদা অওনবা পুরকপদা ওজাশিং’ হায়বনি।
