ওক্তোবর 3, 2023দা প্রধান মন্ত্রী, শ্রী নরেন্দ্র মোদীনা ছত্তিসগর অমসুং তেলঙ্গানাদা চৎকনি।
অয়ুক পুং 11রোম তারকপদা বস্তরদা জগদলপুরদা প্রধান মন্ত্রীনা নগরনারদা NMDC স্তীল লিমিতেদকী স্তীল প্লান্ত য়াওনা ছত্তিসগরদা লুপা করোর 26,000 হেনবা তোঙান-তোঙানবা চাউখৎ-থৌরাংগী প্রোজেক্তশিং জাতিদা কত্থোক্কনি অমসুং উরেপ-উয়ুং তমগনি। নুংথিল পুং 3 রোম তারকপদা প্রধান মন্ত্রীনা তেলঙ্গানাগী নিজামাবাদতা থুংগনি, মফম অসিদা মহাক্না পাৱর, রেল অমসুং হেল্থকুম্বা মরু ওইবা সেক্তরশিংদা লুপা করোর 8000 রোমগী তোঙান-তোঙানবা চাউখৎ-থৌরাংগী প্রোজেক্তশিং জাতিদা কত্থোক্কনি অমসুং উরেপ-উয়ুং তমগনি।
ছত্তিসগরদা পি.এম.
আত্মনির্ভর ভারতকী বিজনদা অচৌবা শাহৌ অমা পীনবা খোঙথাংদা প্রধান মন্ত্রীনা বস্তর জিলাদা লৈবা নগরনারদা NMDC স্তীল লিমিতেদকী স্তীল প্লান্ত জাতিদা কত্থোক্কনি। লুপা করোর 23,800 হেন্না চংনা শাখিবা স্তীল প্লান্ত অসি হায় ক্বালিতী স্তীল পুথোক্কদবা গ্রীনফিল্দ প্রোজেক্ত অমনি। নগরনারগী NMDC স্তীল লিমিতেদকী স্তীল প্লান্তনা প্লান্ত অসিদা লোয়ননা এন্সিল্লরী অমসুং দাউনস্ত্রীম ইন্দস্ত্রীশিংদা মীওই লিশিং কয়াদা থবক্কী খুদোংচাবশিং পীরগনি। মসিনা বস্তরপু মালেমগী স্তীল মেপতা য়াওহল্লগনি অমসুং লমদম অসিগী সোসিওইকনোমিক দিবেলপমেন্তদা শাহৌ অমা পীরগনি।
লৈবাক শিনবা থুংবদা রেল ইনফ্রাস্ত্রকচর ফগৎহন্নবা প্রধান মন্ত্রীগী বিজন মখাদা থৌরম অসিদা তোঙান-তোঙানবা রেল প্রোজেক্তশিং উরেপ-উয়ুং তমগনি অমসুং জাতিদা কত্থোক্কনি। প্রধান মন্ত্রীনা অন্তাগর অমসুং তারোকিগী মরক্তা অনৌবা রেল লাইন অমসুং জগদলপুর অমসুং দনতেৱারাগী মরক্তা রেল লাইন দব্লিং প্রোজেক্ত অমা জাতিদা কত্থোক্কনি। মহাক্না অমৃত ভারত স্তেসন স্কিমগী মখাদা বোরীদান্দ – সুরজপুর রেল লাইন দব্লিং প্রোজেক্ত অমসুং জগদলপুর স্তেসন নৌনা শেমগৎপগী উরেপ-উয়ুং তমগনি। প্রধান মন্ত্রীনা তারোকি – রাইপুর DEMU ত্রেন সর্ভিসসু লমথাগি। রেল প্রোজেক্তশিং অসিনা রাজ্য অসিগী ত্রাইবেলগী লমদমশিংদা কন্নেক্তিবিতী হেনগৎহল্লগনি। ফগৎহল্লবা রেল ইনফ্রাস্ত্রকচর অমসুং অনৌবা ত্রেন সর্ভিসনা মফম অসিগী মীয়ামদা কান্নবা পীরগনি অমসুং লমদম অসিগী শেন্মীৎলোন চাউখৎহনবদা মতেং পীরগনি।
প্রধান মন্ত্রীনা নেস্নেল হায়ৱে – 43গী ‘কুনকুরিদগী ছত্তিসগর – ঝারখন্দ বোর্দর সেক্সন’গী রোদ অপগ্রেদেসন প্রোজেক্ত অমা জাতিদা কত্থোক্কনি। অনৌবা লম্বী অসিনা রোদ কন্নেক্তিবিতী ফগৎহল্লগনি অমসুং লমদম অসিগী মীয়ামদা কান্নবা পীরগনি।
তেলঙ্গানাদা পি.এম.
প্রধান মন্ত্রীগী লৈবাক অসিদা ইনর্জী ইফিসিএন্সী হেনগৎহনবগা লোয়ননা পাৱর জেনরেসন তৌবা হেনগৎহন্নবা বিজনগী মখাদা NTPCগী তেলঙ্গানা সুপর থর্মেল পাৱর প্রোজেক্তকী ফেস 1গী অহানবা 800 MW য়ুনিৎ জাতিদা কত্থোক্কনি। মসিনা তেলঙ্গানাদা অহোংবা মমলদা মৈ ফংহনগনি অমসুং রাজ্যগী শেন্মীৎলোন চাউখৎহনবদা শাহৌ অমা পীরগনি। মসি লৈবাক অসিগী খ্বাইদগী এনভাইর্নমেন্তেল্লী কমপ্লায়েন্ত ওইবা পাৱর স্তেসনশিংগী মরক্তা অমা ওইরগনি।
প্রধান মন্ত্রীনা মনোহরাবাদ অমসুং সিদ্দিপেৎ শম্নহল্লিবা অনৌবা রেলৱে লাইন; অমসুং ধর্মাবাদ – মনোহরাবাদ অমসুং মহাবুবনগর –কুর্নুল ফাওবগী ইলেক্ত্রিফিকেসন প্রোজেক্ত য়াওনা রেল প্রোজেক্তশিং জাতিদা কত্থোকপনা তেলঙ্গানাগী রেল ইনফ্রাস্ত্রকচর অসি শাহৌ পীরগনি। 76 km শাংবা মনোহরাবাদ-সিদ্দিপেৎ রেল লাইন অসিনা লমদম অসিগী মরু ওইনা মেদক অমসুং সিদ্দিপেৎকী জিলাশিংদা সমাজিক অমদি শেন্মীৎলোন চাউখৎহনবদা শাহৌ পীরগনি। ধর্মাবাদ – মনোহরাবাদ অমসুং মহাবুবনগর –কুর্নুল ফাওবগী ইলেক্ত্রিফিকেসন প্রোজেক্তনা ত্রেনশিংগী খোঙজেলগী চাংচৎ হেনগৎহনবদা মতেং পাংলগনি অমসুং লমদম অসিদা এনভাইর্নমেন্ত-ফ্রেন্দলী রেল ত্রান্সপোর্ত তৌবা ঙমহল্লগনি। প্রধান মন্ত্রীনা লমদম অসিগী লোকেল ত্রেনদা চৎথোক চৎশিন তৌরিবশিংদা কান্নবা পীরগদবা সিদ্দিপেৎ - সিকন্দরাবাদ – সিদ্দিপেৎ ত্রেন সর্ভিসসু লমথাগনি।
তেলঙ্গানাদা হেল্থ ইনফ্রাস্ত্রকচর হেনগৎহন্নবা খোঙথাং অমদা প্রধান মন্ত্রীনা প্রধান মন্ত্রী – আয়ুশ্মান ভারত হেল্থ ইনফ্রাস্ত্রকচর মিসনগী মখাদা রাজ্য শিনবা থুংবদা ক্রিতিকেল কিয়র ব্লোক (CCB) 20গী উরেপ-উয়ুং তমগনি। CCBশিং অসি অদিলাবাদ, ভাদ্রাদ্রি কোথাগুদেম, জয়শঙ্কর ভুপালপল্লি, জোগুলামবা গরৱাল, হাইদরাবাদ, খম্মম, কুমুরম ভিম অসিফাবাদ, মঞ্চেরিয়ল মহাবুবনগর (বরেপল্লি), মুলুগু, নগরকুর্নুল, নালগোন্দা, নরায়নপেৎ, নির্মল, রাজন্না সিরসিলা, রঙ্গারেদ্দী (মহেশ্বরম), সুর্য়াপেৎ, পেদ্দাপল্লি, বিকারাবাদ অমসুং ৱারঙ্গল (নারসমপেৎ) জিলাশিং অসিদা শাগনি। CCBশিংনা তেলঙ্গানা শিনবা থুংবদা দিস্ত্রিক্ত লেবেল ক্রিতিকেল কিয়র ইনফ্রাস্ত্রকচর হেনগৎহন্দুনা রাজ্যগী মীয়মদা কান্নবা পীরগনি।
