প্রধান মন্ত্রী শ্রী নরেন্দ্র মোদীনা 2025গী জনুৱারী 8-9দা নুমিৎ নিনিগী খোঙচৎ অমদা অন্ধ্র প্রদেশ অমসুং ওরিশাদা চৎকনি। তুংকোইনা চৎনগদবা চাউখৎ-থৌরাং, ইন্দস্ত্রীএল গ্রোথ অমসুং ইনফ্রাস্ত্রকচর হেনগৎহন্নবা অচৌবা খোঙথাং অমা ওইনা, প্রধান মন্ত্রীনা জনুৱারী 8গী নুংথিল পুং 5.30 তাবদা বিশাখাপত্নমদা লুপা করোর লাখ 2গী প্রোজেক্তশিং জাতিদা কত্থোক্কনি, শঙ্গাগনি অমসুং উরেপ-উয়ুং তমগনি। প্রধান মন্ত্রীনা ভুবনেশ্বরদা জনুৱারী 9গী অয়ুক পুং 10দা 18শুবা প্রভাসি ভারতী দিবস (PBD) কনভেন্সনসু হৌদোক্কনি।
অন্ধ্র প্রদেশতা পি.এম.
গ্রীন ইনর্জী অমসুং তুং কোইনা চৎকদবা তুংলমচৎকীদমক মহাক্কী অচেৎপা ফিরেপকী মায়কৈদা অতোপ্পা মরুওইবা খোঙথাং অমদা, প্রধান মন্ত্রীনা অন্ধ্র প্রদেশকী বিশাখাপত্নমগী মনাক্তা পুদিমাদাকাদা লৈবা স্তেৎ-ওফ-দি-আর্ত NTPC গ্রীন ইনর্জী লিমিতেদ গ্রীন হাইদ্রোজেন হব প্রোজেক্তকী উরেপ উয়ুং তমগনি। প্রোজেক্ত অসিদা চাউরাক্না লুপা করোর 1,85,000গী ইনভেস্তমেন্ত অমা য়াওরি। মসিগী মনুংদা মপুং ওইনা এক্সপোর্ত মার্কেৎতা তার্গেৎ তৌরিবা গ্রীন মিথানোল, গ্রীন য়ুরিয়া অমসুং সস্তেনেবল এভিএসন ফ্যুএল য়াওনা 1500 TPD গ্রীন হাইদ্রোজেন অমসুং 7500 TPD গ্রীন হাইদ্রোজেন দিরাইভেতিবশিংগী পুথোকপা ঙমবগী কেপাসিতী লৈবা রিন্যুএবল ইনর্জী কেপাসিতীগী 20 GWদা তৌবা ইনভেস্তমেন্ত য়াওগনি, মসিনা ভারতকী খ্বাইদগী চাউবা ইন্তিগ্রেতেদ গ্রীন হাইদ্রোজেন প্রদক্সন ফেসিলিতী অমা ওইহল্লগনি। প্রোজেক্ত অসিনা 2030 ফাওবদা ভারতকী নন-ফোসিল ইনর্জী কেপাসিতীগী পান্দম 500 GWগী পান্দম ফংনবা হোৎনবদা চাউনা শরুক তমগনি।
প্রধান মন্ত্রীনা অন্ধ্র প্রদেশতা লুপা করোর 19,500 হেনবগী রেলৱে অমসুং লম্বীগী প্রোজেক্ত কয়া জাতিদা কত্থোক্কনি, শঙ্গাগনি অমসুং উরেপ উয়ুং তমগনি, মসিদা তোঙান তোঙানবা প্রোজেক্তশিংগী মরক্তা বিশাখাপত্নমদা লৈবা সাউথ কোস্ত রেলৱেগী হেদক্বার্তরগী উরেপ উয়ুং তম্বগী থৌরম য়াওরি। প্রোজেক্তশিং অসিনা কঞ্জেসন হন্থহল্লগনি, কন্নেক্তিবিতী ফগৎহল্লগনি অমসুং রিজনেল সোসিএল অমসুং ইকনোমিক গ্রোথ হেনগৎহল্লগনি।
খুদোংচাবা ফংবা অমসুং মমল হোংবা হেল্থকেয়রগী মহাক্কী মঙলান অদু খুমাং চাউশিলহল্লদুনা, প্রধান মন্ত্রীনা অনাকাপল্লী জিলাগী নাক্কাপল্লীদা বাল্ক দ্রগ পার্ক্কী উরেপ উয়ুং তমগনি। বুল্ক দ্রগ পার্ক অসিনা বিশাখাপত্নম-চেন্নাই ইন্দস্ত্রীএল কোরিদোর (VCIC) অমসুং বিশাখাপত্নম-কাকিনাদা পেত্রোলিয়ম, কেমিকেল অমসুং পেত্রোকেমিকেল ইনভেস্তমেন্ত রিজনগা নক্না লৈবনা মরম ওইদুনা শেন্মিৎলোন চাউখৎহনবদা মতেং পাংগনি।
প্রধান মন্ত্রীনা অন্ধ্র প্রদেশকী তিরুপাতি জিলাগী চেন্নাই বেঙ্গালুরু ইন্দস্ত্রীএল কোরিদোরগী মখাদা কৃষ্ণাপত্নম ইন্দস্ত্রীএল এরিয়া (KRIS সিতি)সু উরেপ উয়ুং তমগনি। নেস্নেল ইন্দস্ত্রীএল কোরিদোর দিবেলপমেন্ত প্রোগ্রামগী মখাদা ফ্লেগশিপ প্রোজেক্ত অমা ওইরিবা কৃষ্ণাপত্নম ইন্দস্ত্রীএল এরিয়া (KRIS সিতী) অসি গ্রীনফিল্দ ইন্দস্ত্রীএল স্মার্ত সিতী অমা ওইনা পান্দম থম্লি। প্রোজেক্ত অসিনা চাউরাক্না লুপা করোর 10,500গী মেনুফেকচরিং ইনভেস্তমেন্তশিং লাকহল্লগনি অমসুং মসিনা হকথেংননা অমসুং নাকোইননা থবক লাখ 1গী খুদোংচাবা ফংহল্লগনি, মসিনা পুন্সি মহিং হেনগৎহল্লগনি অমসুং লমদম অসিদা চাউখৎপা পুরক্কনি।
ওরিশাদা পি.এম.
প্রধান মন্ত্রীনা ওরিশাদা 18শুবা প্রভাসি ভারতী দিবস কনভেন্সন হৌদোক্কনি। প্রভাসি ভারতী দিবস (PBD) কনভেন্সন অসি ভারত সরকারগী মরুওইবা থৌরম অমনি, মসিনা ভারতকী প্রভাসিশিংগা শম্ননবা অমসুং ইন্তরেক্ত তৌনবা মরুওইবা প্লেৎফোর্ম অমা পীরি। 18শুবা প্রভাসি ভারতী দিবস কনভেন্সন অসি ওরিশা রাজ্য সরকারগা খুৎশম্নদুনা 2025গী জনুৱারী 8-10 ফাওবদা ভুবনেশ্বরদা পাংথোক্কনি। মসিগী PBD কনভেন্সন অসিগী থিমদি "দাইস্পোরাস কন্ত্রিব্যুসন তু এ ভিকসিৎ ভারত"নি। তোঙান তোঙানবা লৈবাক 50 হেনবদগী ইন্দিয়ন দাইস্পোরা মেম্বর কয়া অমা PBD কনভেন্সন্দা শরুক য়ানবা রেজিস্তর তৌখ্রে।
প্রধান মন্ত্রীনা প্রভাসি ভারতীগী অখন্নবা তুরিস্ত ত্রেন, প্রভাসি ভারতী এক্সপ্রেস লমথাগনি, ত্রেন অসি দিল্লীগী নিজামুদ্দিন রেলৱে স্তেসনদগী চৎকনি অমসুং চয়োল অহুম তুরিজম অমসুং ধর্মগী ওইবা মরুওইবা মফম কয়াদা চৎকনি। প্রভাসি ভারতী এক্সপ্রেস অসি প্রভাসি তীর্থ দর্শন য়োজনাগী মখাদা পাংথোক্কনি।
