প্রধান মন্ত্রী জুন ৩০দা ‘উদ্যমী ভারত’ থৌরম শরুক য়াগনি

লাক্লিবা জুন ৩০গী অয়ুক পুং ১০:৩০ রোম তাবদা নিউ দিল্লিদগী বিগ্যান ভাবন্দা পাংথোক্কদবা ‘উদ্যমী ভারত’ থৌরমদা প্রধান মন্ত্রী শ্রী নরেন্দ্র মোদী শরুক য়াগনি। থৌরম অদুদা প্রধান মন্ত্রীনা ‘রাইজিং এন্দ এসেলেরেতিং এম.এস.এম.ই পর্ফোমেন্স’(রাম্প) স্কিম, ‘কেপাসিতি বিল্দিং ওফ ফার্স্ত তাইম এক্সপোর্তরস’(সি বি এফ তি ই) স্কিম অমসুং ‘প্রাইম মিনিস্তরস ইমপ্লোইমেন্ত জেনেরেসন প্রোগ্রাম’(পি এম ই জি পি)গী অনৌবা থবকশিং হৌদোক্কনি। প্রধান মন্ত্রীনা ২০২২-২৩গী পি.এম.ই.জি.পিগী বেনিফিসরিশিংদা দিজিতেল ওইনা মতেং য়েন্থোক্কনি; এম.এস.এম.ই আইদিয়া হেক্কাথোন,২০২২গী ফলশিং লাউথোক্কনি; নেস্নেল এম.এস.এম.ই এৱার্দস,২০২২ য়েন্থোক্কনি অমসুং সেল্ফ রেলিয়েন্ত ইন্দিয়া(এস আর আই) ফন্দগী দিজিতেল ইকুইতি সর্তিফিকেদশিং এম.এস.এম.ই ৭৫দা য়েন্থোক্কনি।

 ‘উদ্যমী ভারত’ অসি সরকার অসিগী অহানবা নুমিত্তগী হৌনা এম.এস.এম.ইশিং য়াইফনবা থবক পায়খৎনবা থাজবা পীখিবা অদুগী মখা তানা থবক পাংথোরকপগী মমিনি। লৈবাক শীনবা থুংনা মীওই কোতি কয়া কান্নবা ফংহল্লিবা এম.এস.এম.ই সেক্তরগী দরকার ওইবশিং পীনবা অমসুং মতম চানা শৌগৎনবা ভারত সরকারনা মতম মতমগী ওইনা থবক কয়া হায়বদি মুদ্রা য়োজনা, ইমর্জেন্সি ক্রেদিৎ লাইন গরেন্তি স্কিম, স্কিম ওফ ফন্দ ফোর রিজেনেরেসন ওফ ত্রেদিসনেল ইন্দস্ত্রিস অসিনচিংবা কয়া হৌদোক্লে।

চাউরাক্না লুপা কোতি ৬০০০ রোমগী শেন্ফম অমা কাইথোক্লবা ‘রাইজিং এন্দ এসেলেরেতিং এম.এস.এম.ই পর্ফোমেন্স’(রাম্প) স্কিম প্রধান মন্ত্রীনা হৌদোক্কনি। স্কিম অসিনা হৌজিক পায়খৎলিবা এম.এস.এম.ই স্কিমশিং ফগৎহন্দুনা রাজ্যশিংদা এম.এস.এম.ইশিং হেন্না পাকথোক চাউথোক্নবা পান্দম থম্লি। স্কিম অসিনা অনৌবা থবকশিং য়োকখৎতুনা, অনৌবা ৱাখল্লোনশিং পুক্নিং থৌগৎতুনা, অনৌবা ললোন-ইতিক্কী থবকশিং য়োকখৎতুনা, কৈথেলগী খুদোংচাবা হেন্না ফংহন্দুনা, তেক্নোলোজিগী তুলশিং শীজিন্নদুনা অমসুং এম.এস.এম.ই অসি চাংদম্নবা অমসুং মশা-মরোমদোম লেপচবা ঙম্নবা ইন্দস্ত্রি ৪.০ শেমগৎতুনা অত্মনির্ভর ভারত অভিয়ানদা মতেং পাংলি।

মালেমগী কৈথেলদা য়োন্নবা মালেম থাক্কী মগুন লৈবা পোৎথোকশিং অমসুং থবকশিং পুথোকপা ঙম্নবা এম.এস.এম.ই সেক্তর পুক্নিং থৌগৎনবা পান্দমদা প্রধান মন্ত্রীনা ‘কেপাসিতি বিল্দিং ওফ ফার্স্ত তাইম এক্সপোর্তরস’(সি বি এফ তি ই) স্কিম হৌদোক্কনি। স্কিম অসিনা ভারতকী এম.এস.এম.ইশিং গ্লোবেল ভেলু চেন্দা শরুক য়াবা হেনগৎহনগনি অমসুং মখোয়গী মপান্দা থাদোকপা ঙম্বগী শক্তি অদু থবক ওইনা পাংথোকপদা মতেং পাংগনি।

প্রধান মন্ত্রীনা ‘প্রাইম মিনিস্তরস ইমপ্লোইমেন্ত জেনেরেসন প্রোগ্রাম’(পি এম ই জি পি)গী অনৌবা থবকশিং হৌদোক্কনি। মসিদা মেনুফেকচরিং সেক্তরগী ওইনা খ্বাইদগী য়াম্বা প্রোজেক কোস্ত লুপা লাখ ৫০(হান্না লাখ ২৫ ওইরম্বদগী)দা হেনগৎলে অমসুং সর্বিস সেক্তরগী ওইনা লুপা লাখ ১০ ওইরম্বদগী হৌজিক লুপা লাখ ২০দা হেনগৎলে অমসুং এস্পিরেসনেল দিস্ত্রিকশিংগী এপ্লিকান্তশিং অমসুং অখন্নবা কাংলুপগী ওইনা ত্রান্সজেন্দরশিং সবসিদি য়াম্না ফংবা য়ারগনি। বেঙ্কগা শম্নহনবা, তেক্নিকেল অমসুং য়োনফমগী মতেং পাংনবা ওন্ত্রেপ্রেনিউয়রশিংগা খুৎশম্নদুনা চৎমিন্নরে।

থৌরম অদুদা প্রধান মন্ত্রীনা এম.এস.এম.ই আইদিয়া হেক্কাথোন,২০২২গী ফলশিং লাউথোক্কনি। ইং ২০২২গী মার্চ ১০দা হৌদোকখিবা হেক্কাথোন অসিনা লনাই মীওইশিংগী হৈথোই-শিংথোইবশিং শৌগৎনবা, খ্বাইদগী নৌবা তেক্নোলোজিশিং শীজিন্নবা পুক্নিং থৌগৎনবা অমসুং এম.এস.এম.ইশিংগী মরক্তা অনৌবা থবক পায়খৎনবা পান্দম থম্লি। খনগৎলবা অনৌবা থবকশিংদা লুপা লাখ ১৫ ফাওবগী মতেং পাংগনি।

প্রধান মন্ত্রীনা নেস্নেল এম.এস.এম.ই এৱার্দস,২০২২শু য়েন্থোক্কনি। মসি ভারতকী এম.এস.এম.ই সেক্তর চাউখৎনবা  এম.এস.এম.ইশিং, রাজ্যশিং/য়ু.তিশিং, এস্পিরেসনেল দিস্ত্রিকশিং অমসুং বেঙ্কশিংনা পাংথোকপা শিংথানিঙাই থবকশিং শকখঙবা উৎনবা মনা অমনি।