প্রধান মন্ত্রী শ্রী নরেন্দ্র মোদীনা দিসেম্বর ১৬, ২০২১গী অয়ুক পুং ১০:৩০ তাবা মতমদা নেস্নেল ৱার মেমোরিএলদা পাঙথোক্কদবা স্বর্নিম বিজয় মশালবু ইকাই খুম্নবা উৎপা অমদি তরাম্না ওকপগী থৌরমদা শরুক য়াগনি।
হৌখিবা চহিগী দিসেম্বর ১৬তা ভারতনা ১৯৭১দা লান মাইপাকখিবা অমসুং বাংলাদেশ শেমখিবগী চহি ৫০ শুরকপা পালন তৌবা ওইনা পাঙথোকখিবা স্বর্নিম বিজয় বর্শ থৌরমদা প্রধান মন্ত্রীনা নেস্নেল ৱার মেমোরিএলদা মুৎনাইদ্রবা মৈরাদগী মৈ লৌদুনা স্বর্নিম বিজয় মশাল চুখৎখি। তোঙান-তোঙানবা মাইকৈশিংদা ফাওদুনা চৎখিগদবা মৈরা মরিসু চুখৎখি। মদুদগী হৌনা মৈরা মরি অসিনা সিয়াচিন, কন্যাকুমারী, অন্দমান অমসুং নিকোবর ঈথৎশিং, লোঙ্গেৱালা, রন ওফ কচ্ছ, অগর্তলা অসিনচিংবা য়াওনা লৈবাক অসিগী কাচিন-কোয়া থুংনা ফাওদুনা চৎখি। মৈরাশিং অদু মরু ওইবা লানফমশিংদা পুদুনা চৎখি অমসুং ১৯৭১গী লানগী থৌনা ফবগী মনা ফংখ্রবা অমসুং ভেতরেনশিংগী য়ুমশিংদা পুখি।
২০২১গী দিসেম্বর ১৬তা ইকাই খুম্নবা উৎপগী থৌরমদা মৈরা মরি অসি প্রধান মন্ত্রীনা নেস্নেল ৱার মেমোরিএলদা চাকলিবা মুৎনাইদ্রবা মৈরা অসিগা পুনশিন্নহনগনি।
