প্রধান মন্ত্রীনা জর্মনীগী ফেদরেল চাঞ্চেল্ললর ঐচ.ই. মিস্তর ফ্রিদরিচ মর্জ জনুৱারী ১২দা অহমদাবাদতা উনগনি।
প্রধান মন্ত্রী শ্রী নরেন্দ্র মোদীগী কৌবদগী জর্মনীগী ফেদরেল চাঞ্চেল্লর, ঐচ.ই. মিস্তর ফ্রেদরিচ মর্জনা ২০২৬গী জনুৱারী ১২-১৩দা ভারতকী ওফিসিএল খোঙচৎ অমনা লাক্কনি। মসি চাঞ্চেল্লর মর্জকী ভারতকী অহানবা ওফিসিএল খোঙচৎনি।
জনুৱারী ১২গী অয়ুক পুং ৯.৩০ রোম তাবদা লুচিংবা অনিনা সবরমতী আশ্রমদা চৎকনি অমসুং অয়ুক পুং ১০ রোম তাবদা মখোয়না সবরমতী রিভরফ্রন্ততা পাংথোক্কদবা ইন্তর্নেস্নেল কাইৎ ফেস্তিবেলদা শরুক য়াগনি। মসিগী মতুংদা অয়ুক্কী পুং ১১.১৫দগী হৌদুনা গান্ধীনগরগী মহাত্মা মন্দিরদা নাকল অনিগী ওইবা ৱারী শাবগী থবক চৎথগনি।
লুচিংবা অনিমক্না ইন্দিয়া-জর্মনী স্ত্রেতেজিক পার্তনরশিপকী চহি ২৫ মপুং ফারকখিবা অদুগী খন্ন-নৈনগনি। মখোয়গী খন্ন-নৈনবদা ললোন-ইতিক অমসুং ইনভেস্তমেন্ত, তেক্নোলোজী, এজুকেসন, স্কিলিং অমসুং মোবিলিতীদা মতেং পীনবা হেনগৎহনবদা মীৎয়েং থমগনি। মসিগা লোয়ননা দিফেন্স অমসুং সেক্যুরিতী, সাইন্স, ইন্নোবেসন অমসুং রিসর্চ, গ্রীন অমসুং সস্তেনেবল দিবেলপমেন্ত, অমসুং পিপল-তু-পিপলগী মরীগী লমশিংদা মতেং পীনবা হেনগৎহনগনি।
প্রধান মন্ত্রী মোদী অমসুং চেঞ্চেল্লর মর্জনা রিজনেল অমসুং গ্লোবেলগী ওইবা মরুওইবা হিরমশিংগী মতাংদা ৱাখল্লোনশিংসু ফোংদোক্কনি অমসুং লৈবাক অনিগী ললোন-ইতিক অমসুং ইন্দস্ত্রীগী লুচিংবশিংগা ৱারী শানগনি।
