প্রধান মন্ত্রী শ্রী নরেন্দ্র মোদীনা ২০২০গী ফেব্রুৱারী ২৯দা চিত্রকুত্তা বুন্দেলখন্দ এক্সপ্রেসৱেগীদমক ফরেপ উয়ুং তমগনি।
এক্সপ্রেসৱে অসিনা ২০১৮গী ফেব্রুৱারীদা ভারত সরকারনা লাউথোকখিবা উত্তর প্রদেশ দিফেন্স ইন্দস্ত্রীয়েল কোরিদোরগী মতাংশিং মেন্সিল্লগনি।
উত্তর প্রদেশ সরকারনা চিত্রকুত, বান্দা, হমিরপুর অমসুং জালৌন জিলাশিং ফাউদুনা চৎকদবা বুন্দেলখন্দ এক্সপ্রেসৱে শেমগৎলি। এক্সপ্রেসৱে অসিনা বুন্দেলখন্দ লমদমশিংবু আগ্রা–লখনৌ এক্সপ্রেসৱে অমসুং য়মুনা এক্সপ্রেসৱেগী থোংদা লৈবাক্কী কোনুং দিল্লীগা শম্নদুনা বুন্দেলখন্দ লমদমগী দিবেলপমেন্তদা অচৌবা থৌদাং অমা লৌরগনি।
কিলোমীতর ২৯৬ শাংবা এক্সপ্রেসৱে অসিনা চিত্রকুত, বান্দা, মাহোবা, হমিরপুর, জালৌন, ওরাইয়া অমসুং ইতাৱা জিলাশিংদা কানবা ফংহল্লগনি।
ভারতনা কংফালগী সিস্তেমশিং, জহাশিং অমসুং সবমেরিনদগী হৌরগা ফাইতর এয়ারক্রাফশিং, হেলিকোপতরশিং, খুৎশু–খুৎলাইশিং অমসুং সেন্সরশিংগুম্বা দিফেন্স ইক্বিপমেন্তশিং য়াম্না চাউনা দরকার ওইরি। দরকার ওইরিবা অসি ২০২৫ ফাওবদা য়ু.এস.দোলর বিলিয়ন ২৫০গী মমল ওইগনি।
মসিগী দরকার ওইরিবশিং অসি মেন্সিন্নবা সরকারনা ২০১৮গী ফেব্রুৱারী ২১দা লখনৌদা পাংথোকখিবা ইনবেস্তর সম্মিত মনুংদা উত্তর প্রদেশতা দিফেন্স ইন্দস্ত্রীয়েল কোরিদোর লিংখৎনবা লাউথোকখি।
কেন্দ্র সরকারনা হৌরকপদা মতাং তরুক মশক খংদোকপগা লোয়ননা কোরিদোর লিংখৎলে। মখোয়শিং অদুদি লখনৌ, ঝান্সি, চিত্রকুত, অলিগর, কানপুর, আগ্রানি, মদুগী মনুংদা মতাং অনিদি বুন্দেলখন্দ লমদমদা ঝান্সি অমসুং চিত্রকুত্তা শেমগৎলি। তশেংবদি ঝান্সিগী শাগদৌরিবা ক্লস্তর অসিনা খ্বাইদগী চাউবা ওইগনি।
ঝান্সি অমসুং চিত্রকুত অনিমক্তা লৌ উনদবা লম লৈশিল্লে। মসিদগী লমদম অসিগী লাইরবা লৌমীশিংনা কানবা ফংলে।
ফার্মর প্রোদ্যুসর ওর্গনাইজেসন্স (এফ.পি.ও.এস.) হৌদোকপা
নুমিৎ অদুদা প্রধান মন্ত্রী নরেন্দ্র মোদীনা চিত্রকুত্তা লৈবাক্কী মফম পুম্নমক্তা ফার্মর প্রোদ্যুসর ওর্গনাইজেসন্স (এফ.পি.ও.এস.) ১০,০০০সু হৌদোক্লগনি।
লৈবাক অসিদা চাংচৎতা লেন্দ হোল্দিং অসি হেক্তর ১.১দগী তাথবগা লোয়ননা চাউরাক্না লৌমী চাদা ৮৬দি লৌমী মচা অমসুং শোত্থরবশিংনি। মশিগী লৌমী মচা, শোত্থরবা অমসুং লৌ লৈজদবা লৌমীশিং অসিনা তেক্নোলোজী, ক্বালিতী সীদ, ফর্তিলাইজরশিং অমসুং দরকার ওইবা ফাইনান্সশিং য়াওনা পেস্তিসাইদশিং ফংবা অসিনচিংবা এগ্রিকলচর প্রদক্সন ফেজকী মতম মনুংদা য়াম্না চাউনা শিংনরকপা কয়া মায়োক্নরি। মখোয়না ইকোনোমিগী ওইনা পাঙ্গল ৱাৎপনা মরম ওইদুনা মখোয়গী পোত্থোকশিং য়োনবদসু য়াম্না চাউনা শিংনরকপা কয়া মায়োক্নরি।
এফ.পি.ও.এস.না অসিগুম্লবা লৌমী মচা, শোত্থরবা অমসুং লৌ লৈজদবা লৌমীশিংগী কলেক্তিবিজেসন্দা মতেং পাংলি মদুনা অসিগুম্লবা ইশুশিংগা লোয়ননা থেংননবা মখোয়দা থৌনা পীরি। এফ.পি.ও.গী মীহুৎশিংনা মখোয়গী চাগা খোংজেল য়াংনা হেঙ্গৎলক্নবগীদমক তেক্নোলোজী, ইনপুৎ, ফাইনান্স অমসুং মার্কেৎ ফাওবা হেন্না ফবা এক্সেস ফংনবগীদমক ওর্গনাইজেসন্দা মখোয় অমত্তা ওইনা এক্তিবিতীশিং শিল লাংগনি।
লৌমীশিংগী চাগা শরুক অনি ওইহন্নবগী হোৎনরিবশিংগী মায়কৈদা ‘দবলিং ওফ ফার্মর্স ইনকম’ (দি.এফ.আই.)গী রিপোর্তকী থোংদা ২০২২ ফাওবদা এফ.পি.ও.এস. ৭০০০ শেম্নবা রিকমেন্দ তৌরি। কেন্দ্র সরকারনা মথংগী চহী মঙাদা লৌমীশিংগীদমক অনৌবা এফ.পি.ও.এস. ১০০০০ শেম্নবা লাউথোকখি।
২০২০–২১গী কেন্দ্রগী বজেততা সরকারনা ভেল্যু এদিসন, মার্কেতিং অমসুং এক্সপোর্ত থৌগৎনবগীদমক “ৱান দিস্ত্রিক্ত ৱান প্রদক্ত”কী লাল্লোংগী থোংদা হোর্তিকলচর পোত্থোক্কীদমক ক্লস্তর এপ্রোচ অমা চৎনহন্নবসু হায়জখি।
নরেন্দ্র মোদী সরকারনা “ফোর্মেসন এন্দ প্রমোসন ওফ ফার্মর প্রোদ্যুস ওর্গনাইজেসন্স (এফ.পি.ও.শিং)” হায়না মমিং থোনবা অনৌবা কত্থোক্লবা সেন্ত্রেল সেক্তর স্কিম অমা হৌদোক্লে, মদুদা অনৌবা এফ.পি.ও. ১০,০০০ শেম্নবা অমসুং থৌগৎনবগীদমক ময়েক শেংলবা লাল্লোং য়াওরি।
