প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা জুন ১৮গী অয়ুক পুং ১১ তাবা মতমদা ‘কোবিদ ১৯গী ফ্রন্তলাইন ৱর্করশিংগীদমক্তা কস্তমাইজ ক্রাশ কোর্স প্রোগ্রাম’ লোঞ্চ তৌগদৌরি। লোঞ্চ তৌগদবা অসিনা রাজ্য ১৬তা লৈরিবা ত্রেনিং সেন্তর ১১১দা প্রোগ্রাম হৌহল্লগনি। লোঞ্চ তৌরবা মতুংদা প্রধান মন্ত্রীনা ৱারোল পীগনি। থৌরম অসিদা কেন্দ্রগী স্কিল দিবেলপমেন্ত অমসুং এন্তপ্রিনোরশিপকী মন্ত্রীসু শরুক য়াগনি।
প্রোগ্রাম অসিনা লৈবাক শিনবা থুংবদা লৈরিবা কোবিদ ৱারিয়র লাখ অমা হেনবদা স্কিল লৈহন্নবা অমসুং অপস্কিল তৌনবা পান্দম থম্লি। কোবিদ ৱারিয়রশিংদা কস্তমাইজ তৌরবা থবক তরুক মমিং ওইনা পল্লবদা হোম কিয়র সপ্পোর্ত, বেসিক কিয়র সপ্পোর্ত, এদভান্স কিয়র সপ্পোর্ত, ইমর্জেন্সী কিয়র সপ্পোর্ত, সেম্পল কল্লেক্সন সপ্পোর্ত অমসুং মেদিকেল ইক্বিপমেন্ত সপ্পোর্ততা ত্রেনিং অসি পীগনি।
প্রোগ্রাম অসি অপুনবা ফাইনান্সিএল আউৎলে লুপা করোর ২৭৬কা লোইননা প্রধান মন্ত্রী কৌশল বিকাস য়োজনা ৩.০গী কেন্ত্রেল কম্পোনেন্তগী মখাদা অখন্নবা প্রোগ্রাম অমা ওইনা দিজাইন তৌখিবনি। প্রোগ্রাম অসিনা হেল্থ সেক্তরদা হৌজিক অমসুং তুংলমচৎতা মথৌ তারক্কদবা মেনপাৱর অদু মেনশিন্ননবা নন-মেদিকেল হেক্থকিয়র ৱর্করশিং স্কিল লৈহনগনি।
