মমাংঙৈগী খুৎ-শা হৈবগী থবক তৌরিবশিং মতেং পাংনবা অমসুং হৈ-শিংবা হেনগৎহন্নবা প্রধান মন্ত্রীগী পান্দমদগী স্কিম অসি পায়খৎপনি
লুপা করোর ১৩,০০০গী শেনফম অমা কাইথোক্তুনা ‘পি.এম বিশ্বাকর্মা’ অসি কেন্দ্র সরকারনা মপুংফানা শেন পুথোকপনি
‘পি.এম বিশ্বকর্মা’না ক্রাফ ১৮ কোনশিনগনি
পি.এম বিশ্বকর্মা সর্তিফিকেদ অমসুং আই.দি কার্দ পীদুনা বিশ্বকর্মাশিং শক খঙগনি
বিশ্বকর্মাশিংদা শেন্থং অমসুং ত্রেনিং পীগনি

সেপ্তেম্বর ১৭, ২০২৩গী অয়ুক পুং ১১ রোম তাবদা বিশ্বকর্মা জয়েন্তি থৌরমদা নিউ দিল্লিগী দ্বারকাদা লৈবা ইন্দিয়া ইন্তরনেসনেল কনভেন্সন এন্দ এক্সপোদা “পি.এম বিশ্বকর্মা” কৌবা অনৌবা স্কিম অমা প্রধান মন্ত্রী শ্রী নরেন্দ্র মোদীনা হৌদোক্লগনি।

অরিবা খুৎ-শা হৈবগী থবক তৌরিবা মীওইসিং মতেং পাংবা হায়বসি প্রধান মন্ত্রীগী লেংদ্রবা পান্দম ওইদুনা লাক্লি। মসিনা খুৎহৈবশিং শেন-থুমগী মতেং পাংবা খক নত্তনা লমদম অমগী পোৎথোকশিং, কলা অমসুং ক্রাফকী খুৎথাংদা অরিবা চৎনবীশিং, নাৎ অমসুং মখল কয়াগী হেরিতেচ হিংহনবা ঙমগনি।

লুপা করোর ১৩,০০০গী শেনফম অমা কাইথোক্তুনা ‘পি.এম বিশ্বাকর্মা’ অসি কেন্দ্র সরকারনা মপুংফানা শেন পুথোকপনি। স্কিম অসিগী মখাদা, বাইওমেত্রিক্তা য়ুম্ফম ওইবা পি.এম বিশ্বকর্মা পোর্তলদা কমন সর্বিস সেন্তরশিংগী খুৎথাংদা বিশ্বকর্মাশিং লেম্না রেজিস্তার তৌবা য়াগনি। পি.এম বিশ্বকর্মা সর্তিফিকেদ অমসুং আই.দি কার্দ, অৱাংবা থাক্কী ত্রেনিং, লুপা ১৫,০০গী খুৎলায় লৈনবা মতেং, লুপা লাখ ১(অহানবা তাঙ্কক্কী) ফাওবগী লেম্না ক্রেদিৎ অমসুং দিজিতেল ত্রান্সসেক্সনশিং অমসুং য়োনফমগী মতেং পাংনবা শেন্দোয় চাদা ৫গী চাংদা লুপা লাখ ২(অনিশুবা তাঙ্কক্কী) ফাওবগী শেন্থং পীগনি।

স্কিম অসিনা মখোয়গী খুৎ অমসুং খুৎলায়শিংনা থবক শুরিবা খুৎহৈবশিংগী গুরু-সিস্যা পরম্পরা নত্ত্রগা ইমুং-মনুংগী মীওইশিংনা শুবা থবকশিং ফগৎহন্নবা পান্দম থম্লি। খুৎহৈবশিংগী থবকশিং অমসুং পোৎথোকশিং মগুন হেনগৎহন্নবা অমসুং লৈবাক মনুংগী অমসুং মালেমগী ভেলু চেনশিংদা বিশ্বকর্মাশিং শরুক য়াবা ঙমহনগনি।

স্কিম অসিনা ভারতকী খুঙ্গং অমসুং সহরগী খুৎহৈবশিং মতেং পাংগনি। অহানবা ওইনা প্রধান মন্ত্রী বিশ্বকর্মা স্কিমগী মখাদা, মমাঙঙৈদগী লৈরক্লবা শীনফম ১৮ কোনশিল্লে। হায়রিবা শীনফমশিং অদুদি (১) উ শুবা; (২) হি শাবা; (৩) লালগী খুৎলায় শাবা;(৪) য়োৎ শুবা;(৫) নুংথং অমসুং খুৎলায় শাবা;(৬) শো শাবা;(৭) সনা শাবা;(৮) চফু শাবা;(৯) মুর্তি শাবা;(১০) নুঙ থুগায়বা;(১১) খোঙউপ শাবা;(১২) লাইধি শাবা;(১৩) শম ককপা;(১৪) লৈ পরেং লেংবা;(১৫) ফি শুবা;(১৬) ফি তুবা;(১৭) লাং লোনবা; (১৮) চেক শুবা অসিনি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India on track to become $10 trillion economy, set for 3rd largest slot: WEF President Borge Brende

Media Coverage

India on track to become $10 trillion economy, set for 3rd largest slot: WEF President Borge Brende
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 ফেব্রুৱারি, 2024
February 23, 2024

Vikas Bhi, Virasat Bhi - Era of Development and Progress under leadership of PM Modi