প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুত্থাংদা আসামদা ২০২১গী ফেব্রুৱারী ১৮গী নুমিৎয়ুংবা ১২ তাবা মতমদা ‘মহাবহু-ব্রহ্মপুত্র’ হৌদোক্কদৌরি অমসুং ধুব্রি ফুলবারি থোংগী উরেপ উয়ুং তমগদৌরি অমসুং মাজুলি থোং শান্নবা ভুমী পুজান পাংথোক্কনি। রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর; পোর্তস, শিপ্পিং অমসুং ৱাতরৱেজগী মিনিস্তর ওফ স্তেত (আই./সি.) অমসুং আসামগী চীফ মিনিস্তরনা থৌরম অসিদা শরুক য়াগনি।
মহাবহু-ব্রহ্মপুত্র
মহাবহু-ব্রহ্মপুত্র হৌদোকপা অসিনা নীমাতি-মাজুলি ইথৎ, অৱাংথংবা গুৱাহাতি-খা থংবা গুৱাহাতি অমসুং ধুব্রি-হাতসিঙিমারিগী রো-পেক্স অসিগী থবক হৌদোকপগী, জোগিঘোপাদা লৈবা ইন্দলেন্দ ৱাতর ত্রান্সপোর্ত (আই.দবল্যু.তি.) তর্মিনেলগী শিলান্যাস অমসুং ব্রহ্মপুত্র তুলেলগী মখল কয়াগী তুরিস্ত জেত্তিস্ত অমসুং ইজ-ওফ-দুইং-ব্যুজিনেসকী দিজিতেলগী পাম্বৈশিং অসি ময়েং শেংনা উৎকনি। থৌরমশিং অসিনা ইন্দিয়াগী নোংপোকথংবা মফমশিং অসি অয়েৎপা লৈতনা শম্ননবা পাম্দম থম্লি অমসুং ব্রহ্মপুত্র তুরেল অমসুং বারাক তুরেলশিং অসিদা লৈরিবা মীওইশিংদা মখল কয়াগী চাওখৎ থৌরাং পীরগনি।
রো-পেক্সকী থবক অসিনা তুরেল মপালশিং অসি শম্নহন্দুনা মফম অমা য়ৌহনবদা মতেং পাংলগনি। নীমাতি অমসুং মাজুলী মরক্কী রো-পেক্স অসিনা কিলোমিতর ৪২০ শাংবা গারীগী লম্বী অসি শুপ্নতগী কিলোমিতর ১২দা হন্থরগনি, অমদি অপিকপা ইন্দস্ত্রীশিং অসিদা লেঙদবা শাফু অমা পীরগনি। ইরমদমগী ওইবা রো-পেক্স অনি মমিং ওইনা পল্লবদা এম.ভি. রানি গাইদিনলিয়ু অমসুং এম.ভি. সচিন দেব বর্ম্মন অসিনা শিজিন্নগনি। অৱাং অমসুং খা গুৱাহাতিগী মরক্তা হৌদোক্লিবা রো-পেক্স বেসেল এম.ভি. জে.এফ.আর. জাকোব অসিনা কিলোমিতর ৪০মুক শাংবা লম্বী অসি শুপ্নতগী কিলোমিতর ৩দা হন্থরগনি। ধুব্রি অমসুং হাতসিগিমারিগী মরক্তা চেল্লিবা এম.ভি. বোব খাথিং অসিনা অরাপ্পা কিলোমিতর ২২০ অসিনা কিলোমিতর ২৮দা হন্থরগনি, মসিনা মরম ওইদুনা য়াম্না চাওনা মফম অমসুং মতম কল্লগনি।
থৌরম অসিদা মফম মরিদা তুরিস্ত জেত্তিস্ত শান্নবগী শিলান্যাস য়াওরি, মিং ওইনা হায়রবদা, নীমাতি, বিশ্বানাথ ঘাত, পান্দু অমসুং জোগীঘোপা অসিনি হায়রিবা অসি শেল ওইনা লুপা কোরোর ৯.৪১অমা তুরিজম মিনিস্ত্রীনা পীরি। মসিগী জেত্তিস্তশিং অসিনা তুরেলগী ক্রইজ তুরিজমদা হেন্না ইনোৎ পীরগনি, মফম অসিগী থবক-ইখাং হেনগৎলগনি অমসুং মফম অসিগী ওইবা ব্যুজিনেস চাওখৎলগনি।
থৌরম অসিগী মখাদা মতম চুপ্পগী ওইবা ইন্দলেন্দ ৱাতর ত্রান্সপোর্ত তর্মিনেল অমা জোগীঘোপাদশু শাগৎলি, হায়রিবা অসিনা মল্তি লোজিস্তিক পার্ক অমসু শম্নরগনি। মসিগী তর্মিনেল অসিনা সিলিগুরি কোরিদোরদগী কোলকাতা অমসুং হালদিয়াগী ত্রাফিক হন্থবদা মতেং পাংলগনি। মসিনা অৱাং-নোংপোক্কী স্তেতশিংদা মদুদি মেঘালায়া অমসুং ত্রিপুরা অমসুং ভুতান বঙ্গলাদেশকী মফমশিংদা কারগোনা চৎথোক তৌবদা ইচাও থোকপা মতম ফাওবদা অয়েৎপা লৈররোই।
প্রধান মন্ত্রীনা ইজ ওফ দুইং ব্যুজিনেসকী মখা তানা ই-পোর্তেল অনি লিংখৎখ্রে। কার-দি. (কার্গো দেতা) পোর্তেল অসিনা কার্গো অমসুং ক্রুইস দেতা অনিগী অশেংবা মতম অমা পীগনি। পি.এ.এন.আই. (পোর্তেল ফোর এসেত এন্দ নেবিগেসন এন্দ ইনফোর্মেসন) অসিনা তুরেলগী নেবিগেসন অমসুং ইনফ্রাস্ত্রকচর ই -পাউগা পাম্বৈ ওইগনি।
ধুব্রি ফুলবারি থোং
প্রধান মন্ত্রীনা ব্রহ্মপুত্র মথক্তা ধুব্রি (অৱাং থংবা তুরেল মপাল) অমসুং ফুলবারি (খা থংবা তুরেল মপাল)গী মরক্তা মরম মরিগী থোং অমা শান্নবা উরেপ উয়ুং তমগদৌরি। হায়রিবা থোং অসি এন.ঐচ.১২৭ বি.দা লৈগনি, শ্রীরাম্পুরগী এন.ঐচ.২৭ (নোংপোক-নোংচুপ কোরিদোর) দগী হৌরগা মেঘালায়া স্তেতকী এন. ঐচ. ১০৬কী নোঙোস্তোন্দা লোইশিনগনি। মসিনা আসামগী ধুব্রিদগীনা মেঘালায়াগী ফুলবারী, তুরা, রোঙ্রাম অমসুং রোংঝেংগা শম্নগনি।
থোং অসিনা চাওরাক্না পুন্না লুপা করোর ৪৯৯৭ চংনা শাগদৌরিবা অসিনা আসাম অমসুং মেঘালায়াদা লৈরিবা ফেরীদা তাংদুনা তুরেল লাল্লিবশিংগী অপাম্বা থুংলগনি। মসি কিলোমিতর ২০৫ শাংবা লম্বী অসিদগী কিলোমিতর ১৯ মদুদি থোং অসিগী অশাংবা অসিদা হন্থরগনি।
মাজুলি থোং
প্রধান মন্ত্রীনা ব্রহ্মপুত্র মথক্তা মাজুলি (অৱাং থংবা তুরেল মপাল) অমসুং জোহরাত (খা থংবা তুরেল মপাল)গী মরক্তা মরম অনিগী থোং অমা ভুমী পুজান পাংথোক্কদৌরি।
হায়রিবা থোং অসি এন.ঐচ.৭১৫ কে.দা লৈগনি অমসুং নামাতিঘাত (জোহরাতকী নাকন্দা) অমসুং কমলাবারি (মাজুলিগী নাকন) অনি অসি শম্নগনি। শাগদৌরিবা থোং অসি মাজুলিগী মীয়াম্না মতম কুইনদগী পামজরকপা অমনি হায়রিবা অসি মখোয়না মতম শাংনা ফেরীগী মতেংনা আসাম ফাওনরিবনি।
