প্রধান মন্ত্রী শ্রী নরেন্দ্র মোদীনা ২০২০গী মার্চ ৭তা ভিদিও কনফরেন্সকী থোংদা নই দিল্লীদগী জন ঔশধী দিবস থৌরমদা শরুক য়াগনি। শ্রী মোদীনা প্রধান মন্ত্রী ভারতীয় জনঔশধী পরিয়োজনা কেন্দ্র ৭কা ৱারী শানগনি। স্কিম অসিগী এচিবমেন্তশিং সেলেব্রেৎ তৌনবগীদমক ভারত পুম্বদা মার্চ ৭তা জন ঔশধী দিবস পাংথোকই। প্রধান মন্ত্রীনা খনগৎলবা স্তোরশিংদা স্তোর মপু অমসুং বেনিফিসরীশিংগা ৱারী শানগনি। জন ঔশধী অউতলেৎ পুম্নমক দুরদর্শনগী থোংদা প্রধান মন্ত্রীগী পাউজেল তেলিকাস্ত তৌগনি। খনগৎলবা স্তোরশিংদা জন ঔশধী কেন্দ্রশিংগী হিদাক-লাংথকশিংগী মতাংদা দোক্তরশিং, মীদিয়াগী মীওইশিং, ফার্মাসিস্তশিং অমদি বেনিফিসরীশিংগা খন্ন-নৈনবা পাংথোক্কনি।
কেমিকেলস অমসুং ফর্তিলাইজরগী কেন্দ্র মন্ত্রী শ্রী দি.ভি. সদানন্দা গৌরানা উত্তর প্রদেশকী বরানসীদা প্রধান মন্ত্রী ভারতীয় জন ঔশধী পরিয়োজনা কেন্দ্রদা শরুক য়াগনি। শিপ্পিংগী কেন্দ্রগী রাজ্য মন্ত্রী অমসুং কেমিকেলস অমসুং ফর্তিলাইজরগী কেন্দ্রগী রাজ্য মন্ত্রী শ্রী মানসুখ লক্ষমনভাই মানদাবিয়ানা জম্মু অমসুং কশ্মীরগী পুলৱামাদা প্রধান মন্ত্রী ভারতীয় জন ঔশধী পরিয়োজনা কেন্দ্রদা শরুক য়াগনি।
জন ঔশধী কেন্দ্র অসি জিলা ৭০০তা অউতলেৎ চাউরাক্না ৬২০০গা লোয়ননা মালেমগী খ্বাইদগী চাউবা রিতেল ফার্মা চেন ওইনা লৌনৈ। শেনবা চহী ২০১৯-২০দা অপুনবা য়োনখিবা অসি লুপা কোতি ৩৯০ হেনখি অমসুং মসিনা মীচম প্রজাশিংগী চাউরাক্না লুপা কোতি ২২০০ সেবিং তৌখি। স্কিম অসিনা লেংদবা অমসুং চাং নাইবা শেন্থোক্কা লোয়ননা সেল্ফ এম্প্লোইমেন্তকী অফবা সোর্স অমসু ফংহল্লি।
