প্রধান মন্ত্রী শ্রী নরেন্দ্র মোদীনা জুন ১১, ২০২৩গী অয়ুক পুং ১০:৩০ তাবদা নিউ দিল্লিগী প্রগাতি মৈদান্দা লৈবা ইন্তরনেসনেল একজিবিসন অমসুং কনভেন্সন সেন্তরদা অহানবা নেসনেল ত্রেনিং কনক্লেপ হৌদোক্কনি। থৌরম অদুদা প্রধান মন্ত্রীনা মীয়ামদা ৱা ঙাংগনি।
সিবিল সর্বিসকী কেপাসিতি বিল্দিংগী খুৎথাংদা লৈবাক অসিদা লৈবাক ঙাকপগী থবক অমসুং থৌশিল ফগৎহন্নবা প্রধান মন্ত্রীগী অচেৎপা ফিরেপ অমা লৈরি। মসিগী পান্দম অসিনা লমজিংদুনা, অচূম্বা ৱাখল্লোন, হৈথোই-শিংথোইবা অমসুং লৌশিংগা লোয়ন্না তুংগী সিবিল সর্বিস অমা থৌরাং তৌনবা নেসনেল প্রোগ্রাম ফোর সিবিল সর্বিসেস কেপাসিতি বিল্দিং (এন পি সি এস সি বি)-‘মিসন কর্মায়োগি’ হৌদোক্লে। মসিগী মীফম অসি মাইকৈ অসিদা থাংজিনবা অতোপ্পা খোঙথাং অমনি।
ত্রেনিং ইন্সতিতুৎশিংগী মরক্তা মতেং পীনবা হেনগৎহন্নবা অমসুং লৈবাক শীনবা থুংনা সিবিল সর্ভেন্তশিংগী ত্রেনিং ইনফ্রাস্ত্রকচর ফগৎহন্নবা পান্দমগা লোয়ন্না কেপাসিতি বিল্দিং কম্মিসন্না শীন্দুনা নেসনেল ত্রেনিং কনক্লেপ পাংথোক্কদবনি।
সেন্ত্রেল ত্রেনিং ইন্সতিতুৎশিং, স্তেৎ এদমিনিস্ত্রেতিপ ত্রেনিং ইন্সতিতুৎশিং, রিজনেল অমসুং জোনেল ত্রেনিং ইন্সতিতুৎশিং অমসুং রিছার্স ইন্সতিতুৎশিংগী মীহুৎ ১৫০০ হেন্না মীফম অসিদা শরুক য়াগনি। খন্ন-নৈনবা অসিদা কেন্দ্র সরকারগী বিভাগশিং, রাজ্য সরকারশিং, লোকেল গভর্নমেন্তশিং অমসুং প্রাইভেদ সেক্তরগী অখঙ-অহৈশিং শরুক য়াগনি।
মীফম অসিদা কেপাসিতি বিল্দিংগী লাল্লোংশিং, অনৌবা ৱাখল্লোনশিং পীথোক-পীশিন হেনগৎহনবা, মায়োক্নরিবা অৱাবশিং মশক খঙদোকপা, থবক ওইনা পায়খৎপা য়াবা পাম্বৈশিং পুথোক্নবা খন্নগনি। মীফম অসিদা পেনেল দিস্কসন ৮ লৈগনি, পেনেল অমমম্না সিবিল সর্বিস ত্রেনিং ইন্সতিতুৎশিংগী ফেকলতি ফগৎনবা, ত্রেনিংগী কান্নবা থিজিন্নবা অমসুং মচাকশিং দিজিতাইজেসন তৌনবগী মতাংদা খন্নগনি।
