প্রধান মন্ত্রী শ্রী নরেন্দ্র মোদীনা নই দিল্লীদা লৈবা ইন্দিয়ন এগ্রিকলচরেল রীচর্ছ ইন্সতিত্যুত্তা ওক্তোবর ১১গী অয়ুক পুং ১১:৩০ তাবা মতমদা নুমিৎ নিনিগী চত্থগদবা “পি.এম. কিসান সম্মান সম্মেলন ২০২২” হৌদোক্কদৌরি।
থৌরম অসিদা লৈবাক্কী মফম পুম্নমক্তগী লৌমী ১৩,৫০০ হেনবা অমসুং এগ্রি স্তার্তঅপ ১৫০০ রোম পুল্লগদৌরি। তোঙান তোঙানবা ইন্সতিত্যুৎশিংদগী লৌমী করোর অমা হেনবনা থৌরম অসিদা ভর্চুএল ওইনা শরুক য়াগদৌরি। মীফম অসিদা থিজিল্লোয়, খুজিন থৌরাং য়াৎপা মীওই অমদি অতৈ স্তেকহোল্দরশিংসু শরুক য়াগদৌরি।
প্রধান মন্ত্রীনা কেমিকেল অমসুং ফর্তিলাইজর মন্ত্রালয়গী মখাদা প্রধান মন্ত্রী কিসান সম্রুধী কেন্দ্র (পি.এম.কে.এস.কে.) ৬০০ শঙ্গাগনি। স্কীম অসিগী মখাদা পি.এম.কে.এস.কে.শিংনা লৌমীশিংগী মখল মখেল কয়াগী মথৌ তাবশিং অমদি এগ্রী ইনপুৎশিং (হার, মরূ, মচাক মথুম) ফংহনগনি; লৌমীশিংগী মরক্তা এৱ্যারনেস পীগনি; তোঙান তোঙানবা লৈঙাক্কী স্কীমশিংগী মরমদা ঈ-পাউ ফংহনগনি অমদি ব্লোক/দিস্ত্রিক্ত থাক্কী আউৎলেৎশিংদা লৈরিবা রিতেলরশিংগী কেপাসিতী বিল্দিংগী থৌরম চাং নাইনা পাঙথোক্কনি। হারগী দুকান লাখ ৩.৩ হেনববু পি.এম.কে.এস.কে. ওন্থোক্নবা থৌরাং তৌরি।
থৌরম অদুদা, প্রধান মন্ত্রীনা ভারত জন উর্বারক পরিয়োজনা – ৱন নেসন ৱন ফর্তিলাইজর হৌদোক্কনি। স্কীম অসিগী মখাদা, প্রধান মন্ত্রীনা, কম্পেনীশিংবু “ভারত” হায়বা ব্রান্দ মমিং অমখক্কী মখাদা হার পুথোকপদা মতেং ওইগদবা ভারত য়ুরিয়া বেগ হৌদোক্কনি।
থৌরম অদুদা, লৌমীশিংগী য়াইফনবগীদমক প্রধান মন্ত্রীগী গী হন্বা লৈতবা খোঙফম উত্তুনা, প্রধান মন্ত্রীনা প্রধান মন্ত্রী কিসান সম্মান নিধী (পি.এম.-কিসান)গী মখাদা দাইরেক্ত বেনিফিৎ ত্রান্সফরগী খুত্থাঙদা লুপা করোর ১৬,০০০কী ১২শুবা ইন্সতোলমেন্তকী শেন্ফম থাদোক্কনি। স্কীম অসিগী মখাদা, কান্নবা ফংবা য়ারবা লৌমীগী ইমুংশিংদা চহিদা লুপা ৬০০০কী শেনফম লুপা ২০০০গী মান্নবা ইন্সতোলমেন্ত অহুম থোক্না পীরি। হৌজিক ফাওবদা কান্নবা ফংবা য়ারবা লৌমীগী ইমুংশিংনা পি.এম.-কিসানগী মখাদা লুপা করোর লাখ ২ হেনবগী শেনফম ফংখ্রে।
প্রধান মন্ত্রীনা এগ্রি স্তার্তঅপ কনক্লেব অমসুং এগজিবিসনসু হৌদোক্কনি। স্তার্তঅপ ৩০০লোম্না প্রিসিজন ফার্মিং, লৌরোক মতুং অমসুং ভেল্যু এদ সোলুসন, এলাইদ এগ্রিকলচর, ৱেস্ত তু ৱেল্থ, অপীকপা লৌমীশিং মেকানাইজ তৌবা, সপ্লাই চেন মেনেজমেন্ত, এগ্রি-লোজিস্তিক অমদি অতৈ হীরমশিংগা মরী লৈনবা মখোয় মখোয়গী ইনোভেসনশিং উৎকনি। ফম্পাক অসিনা স্তার্তঅপশিংবু লৌমীশিং, এফ.পি.ও.শিং, এগ্রি-এক্সপর্তশিং, কোর্পোরেৎনচিংবশিংগা ৱারী ৱাতায় শানবগী খুদোংচাবা পীগনি। তেক্নিকেল সেসন্দা স্তার্তঅপশিংনা মখোয়না থেংনরকপশিং পাউদমদুনা অতোপ্পা স্তেকহোল্দরশিংগা ৱারী ৱাতায়শু শান্নগনি।
থৌরম অদুদা, প্রধান মন্ত্রীনা হারগী ই-মেগাজিন অমা ওইরিবা ‘ইন্দিয়ন ইদ্জ’সু ফোঙগনি। মসিনা হারগী মতাঙদা অনৌবা ৱাফমশিং, মমলগী চৎলিবা মওং মতৌ, ফংবা-ফংদবা অমদি শীজিন্নবগী চাং, লৌমীশিংগী মায় পাকপগী ৱারী অমসুং অতৈ কয়া য়াওনা লমদমসিগী অমদি মালেমগী ওইরিবা হারগী ফীভমশিংগী মরমদা ঈ-পাউ ফংহনগনি।
