প্রধান মন্ত্রী শ্রী নরেন্দ্র মোদীনা নবেম্বর ১১, ২০২০গী নুংথিল পুং ৪:৩০ তাবা মতমদা ভিদিও কনফরেন্সকী থোংদা কত্তক্তা ইনকম তেক্স এপিলেৎ ত্রিব্যুনেল (আই.তি.এ.তি.)গী খ্বাইদগী নৌবা ওফিস-কম-রেলিদেন্সিয়েল কম্প্লেক্স শঙ্গাগনি। কেন্দ্রগী লো মন্ত্রী, কেন্দ্রগী পেত্রোলিয়ম মন্ত্রী, ওরিশাগী মুখ্যমন্ত্রী, ওরিশা হাই কোর্তকী চীফ জস্তিস অমসুং জজশিংসু অতৈ শক্নাইরবশিংগা লোইননা থৌরম অদুদা শরুক য়াগনি। থৌরম অদুদা, আই.তি.এ.তি.গী মতাংদা ই-কোফী তেবল বুক অমসু ফোংগনি।
ইনকম তেক্স এপিলেৎ ত্রিব্যুনেল, আই.তি.এ.তি. হায়রগসু খঙনবা অসি, দাইরেক্ত তেক্সকী লমদা মরুওইবা স্তেতুতরী বোদী অমনি অমসুং অচুম্বা পুথোকপদা মসিগী য়াথংশিং অদুদা অরোইবা ওইনা অয়াবা পী। মসি হৌজিক্কী ওইনা, শ্রী জস্তিস (থবক্তগী পোৎথারবা) পি.পি. ভাত, জারখন্দ হাই কোর্ত অমসুং গুজরাত হাই কোর্তকী হান্নগী জজনা মকোক ওইরি। আই.তি.এ.তি. অসি জনুৱারী ২৫, ১৯৪১দা শেমখিবা অহানবা ত্রিব্যুনেলনি অমসুং মসি ‘মাদর ত্রিব্যুনেল’ হায়রগসু খঙনৈ। কুমজা ১৯৪১দা, দিল্লী, বোম্বে অমসুং কলকত্তাদা, বেঞ্চ অহুমগা লোইননা হৌদোকখিবা অসিনা হৌজিক ভারতকী শহর ৩০দা বেঞ্চ ৬৩ অমসুং সর্ক্যুইৎ বেঞ্চ অনিদা শন্দোকখ্রে।
আই.তি.এ.তি.গী কত্তক বেঞ্চ অসি মে ২৩, ১৯৭০দা লিংখৎখি অমসুং থবক তৌবা হৌখি। কত্তক বেঞ্চকী জুরিদিক্সন অসি ওরিশা পুম্বা শন্দোকই। মসি চহি ৫০ হেন্না অৱাইবা মফম অমদা থবক তৌদুনা লাক্লি। আই.তি.এ.তি., কত্তক্কী নৌনা শাবা ওফিস-কম রেসিদেন্সিয়েল কম্প্লেক্স অসি ওরিশাগী রাজ্য সরকারনা ২০১৫দা মমল লৌদনা পীবা লম একর ১.৬০দা শারি। ওফিস শারিবা অপুনবা লম অসি স্ক্ব্যার কিলোমীতর ১৯৩৮নি, মসিদা ইন্তর আলিয়া, অচৌবা কোর্ত রুম, অল্ত্রা-মোদর্ন রিকোর্দ রুম, বেঞ্চকী মীহুৎশিংগী নীংথিজনা লৈতেংলবা চেম্বরশিং, লাইব্রেরী রুম, নীংথিজনা লৈতেংলবা অনৌবা কনফরেন্স হোল, ৱায়েল চৎথফমগী মরাং কাইরবা মফম, উকিলশিংগী বার রুমশিং, চার্তর একাউন্ততেন্তশিং, অসিনচিংবা য়াওনা মথোল অহুম লোংনা শারি।
