প্রধান মন্ত্রী শ্রী নরেন্দ্র মোদীনা চান্দিগরদা দিশেম্বর ৩,২০২৪ গী নুমিৎয়ুংবা পুং ১২ দা মাইপাক্না চৎনরবা অনৌবা ক্রিমিনেল লো অহুম- ভারতিয় ন্যয়া সনহিতা, ভারতিয় নাগরিক সুরক্ষা সনহিতা অমসুং ভারতিয় সক্ষ্যা অধিনিয়ম লৈবাক মীয়ামদা কৎথোক্লগনি।
লোয়লম লৈঙাক মতমগী আইনশিং মখা তানা নিংতম্লবা মতুংদা চৎনবা তোক্নবা প্রধান মন্ত্রীগী পান্দমগী মখাদা অনৌবা লো অহুম অসি শেমখিবনি অমসুং মসিনা চৈরাক পীবগী চৎনবীদগী আচুম্বা ৱায়েল ফংহনবদা মীৎয়েং হোংনবা ৱায়েল-কাংলোনগী থবকশিংদা অওনবা পুরক্নবা হোৎনবনি। থৌরম অসিগী থিম: “অশোই-অঙাম লৈতবা খুন্নাই, চাউখৎলবা ভারত- চৈরাক্তগী অচুম্বা ৱায়েল ফাওবা” হায়বা অসিনি।
ভারতকী আইনগী থবকশিং অসি হেন্না মনুং-মপান ফাওনা উবা ঙম্নবা, মতিক চানবা অমসুং হৌজিক্কী খুন্নাইগী দরকার ওইবশিং ফংহনবা ঙম্নবা অনৌবা ক্রিমিনেল লো অহুম অসি জুলাই ১,২০২৪ দগী লৈবাক শীনবা থুংনা চৎনবা হৌখিবনি। হায়রিবা শিংথানিঙাই ওইবা অওনবশিং অসিনা ভারতকী ক্রিমিনেল ৱায়েনবগী থবকশিংদা পুৱারি ওইনা অহোংবা অমা পুরক্লে অমসুং মসিনা সাইবর ক্রাইম, ওর্গনাইজ ক্রাইমশিংগুম্বা অনৌবা মতমগী খুদোংচাদবশিং থেংন্নবা অনৌবা ঙাক্লৌ অমা পুরক্লে অমসুং তোঙান-তোঙানবা ফত্তবা থবকশিংগী অৱাবা ফংলবশিংদা অচূম্বা ৱায়েল ফংহল্লে।
থৌরম অদুদা হায়রিবা লোশিং অসি শীজিন্নবা উৎকনি, মখোয়না কমদৌনা ৱায়েল-থৌদাগী থবকশিংদা অওনবা পুরকপগে হায়বা উৎকনি। অনৌবা আইনশিং শীজিন্নবা য়াবা ক্রাইম সিন অমা থিজিনবগী থৌদোক অমা শাগৎতুনা লাইভ দেমোন্সত্রেসন অমা উৎকনি।
