প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা জনুৱারি ৭, ২০২১গী অয়ুক পুং ১১ তাবদা ৱেস্তর্ন দেদিকেতেদ ফ্রেদ কোরিদোরগী কিলোমিতর ৩৬ শাংবা নিউ রেৱারি-নিউ মাদার সেক্সন মীয়ামদা কৎথোক্কনি। থৌরম অদুদা প্রধা মন্ত্রীনা নিউ অতেলিদগী নিউ কিষানগর ফাওবা চেনগদবা ইলেকত্রিক ত্রেক্সন্না চিংবা কিলোমিতর ১.৫ শাংবা মালেমদা অহানবা দবল স্তেক লোং হোল কন্তেন্নর ত্রেনসু লমথাগনি। রাজস্থান অমসুং হরিয়াগী রাজ্যপালশিং অমসুং চীফ মিনিস্তরশিংগা লোয়ন্না য়ুনিয়ন মিনিস্তর শ্রী পিয়ুস গোয়ালসু থৌরম অদুদা শরুক য়াগনি।
ৱেস্তর্ন দেদিকেতেদ ফ্রেদ কোরিদোরগী নিউ রেৱারি-নিউ মাদার সেক্সন
ৱেস্তর্ন দেদিকেতেদ ফ্রেদ কোরিদোরগী নিউ রেৱারি-নিউ মাদার সেক্সন অসি হরিয়ানা(মহেন্দ্রগর অমসুং রেৱারি জিলাশিংদা কিলোমিতর ৭৯ রোম)অমসুং রাজস্থান(জয়পুর,অজমর, সিকার, নাগৌর অমসুং অলৱার জিলাশিংদা কিলোমিতর ২২৭ রোম)দা লৈরি। কোরিদোর অসিদা নৌনা শাবা দি.এফ.সি স্তেসন ৯ লৈরি, মসিনা স্তেসন ৬ হায়বদি নিউ দাব্লা, নিউ বাগেগা, নিউ মাধোপুর, নিউ পাচার মালিকপুর, নিউ সাকুন অমসুং নিউ কিষানগর ফাওদুনা চৎলি অমসুং অতোপ্পা নিউ রেৱারি, নিউ অতেলি অমসুং নিউ ফুলেরা অসি জঙ্কসন স্তেসনশিংনি।
পরিং অসি হাংদোকপদগী রাজস্থান অমসুং হরিয়ানগী রেৱারি, মানেসার, নারনৌল, ফুলেরা অমসুং কিষানগরদা লৈরিবা তোঙান-তোঙানবা ইন্দস্ত্রিশিং কান্নবা ফংলগনি অমসুং কাথুৱাসতা লৈবা কোনকোরগী কন্তেন্নর দিপোতশিং ফজনা শীজিন্নবা ঙমহল্লগনি। মসিগী সেক্সন অসিনা গুজরাতকী কান্দলা, বিপাবাপ, মুনধারা অমসুং দাহেজদা লৈবা নোংচুপ থংবা হিথাংফমশিং শম্নহল্লগনি।
সেক্সন অসি হাংদোকপদগী, ৱেস্তর্ন দেদিকেতেদ ফ্রেদ কোরিদোর অমসুং ইস্তর্ন দেদিকেতেদ ফ্রেদ কোরিদোর অনিগী মরক্তা শম্নহল্লগনি। দিশেম্বর ২৯,২০২০দা প্রধান মন্ত্রীনা মীয়ামদা ইস্তর্ন দেদিকেতেদ ফ্রেদ কোরিদোরগী কিলোমিতর ৩৫১ শাংবা নিউ বাওপুর-নিউ খুরজা সেক্সন শঙ্গাখ্রবনি।
দবল স্তেক লোং হোল কন্তেন্নর ত্রেন ওপরেসন
দবল স্তেক লোং হোল কন্তেন্নর ত্রেন ওপরেসন্না তন ২৫গী একজেল লোদ হেনগৎহনগনি। মসি দি.এফ.সি.সি.আই.এলগীদমক আর.দি.এস.ওগী ৱাগোন দিপার্তমেন্তনা পুথোকপনি। বি.এল.সি.এস-এ অমসুং বি.এল.সি.এস-বি ৱাগোন প্রোতোতাইপশিং চাংয়েং ওইনা চেনখ্রে। ৱেস্তর্ন দেদিকেতেদ ফ্রেদ কোরিদোরগী লোং-হোল দবল স্তেক কন্তেন্নর ত্রেনগী ৱাগোনশিং অসি হৌজিক চেল্লিবা ভারত রেলৱেজগী কন্তেন্নর য়ুনিতশিংগা চাংদম্নবদা শরুক মরি হেন্না পুবা ঙম্মী।
হৌজিক ভারত রেলৱেজগী ত্রেকশিংদা পুং অমদা কিলোমিতর ৭৫ য়াংনা চেল্লিবা অসিগা চাংদম্নবদা দি.এফ.সি.সি.আই.এলনা ফ্রেদ ত্রেনশিং পুং ১দা কিলোমিতর ১০০ য়াংনা চেনগনি। হৌজিক ভারত রেলৱেজগী ফ্রেদ ত্রেনশিংগী অয়াংবা পুং ১দা কিলোমিতর ২৬ লৈরিবা অসি দি.এফ.সিদা পুং ১দা কিলোমিতর ৭০দা হেনগৎহল্লগনি।
