প্রধান মন্ত্রীনা দিসেম্বর ১৪ অমসুং ১৫, ২০২৪ দা দিল্লীদা মরিশুবা চীফ সেক্রেতরিশিংগী নেস্নেল কন্ফরেন্স পাঙথোক্কনি। মসিনা কেন্দ্র অমদি স্তেত লৈঙাক্কী মরক্তা পার্ত্নরসিপ মখা তানা হেনগৎহন্নবা অতোপ্পা মরুওইবা খোঙথাং অমা ওইগনি।
চীফ সেক্রেতরীশিংগী কন্ফরেন্স অসি হেন্না য়াঙনা খুমাঙ চাওশিন্বা অমদি চাওখৎপা পুরক্নবা কোওপরেতিব ফেদরেলিজম মপাঙ্গল কনখৎহন্নবা অমদি কেন্দ্র অমদি স্তেতশিংগী মরক্তা হেন্না খুৎশম্ননা চৎমিন্নবা হেনগৎহন্নবা প্রধান মন্ত্রীগী মঙলানগী মখাদা পাঙথোকপনি। কন্ফরেন্স অসি হৌখিবা চহি ৩ সিদা চহি খুদিংগী পাঙথোক্তুনা লাকপনি। অহান্বা চীফ সেক্রেতরীশিংগী কন্ফরেন্স জুন ২০২২ দা ধরমসালাদা পাঙথোকখি, অদুগা অনিশুবা অমসুং অহুমশুবা মীফম্না নই দিল্লীদা মথঙশিৎনা জনুৱারী ২০২৩ অমসুং দিসেম্বর ২০২৩ দা পাঙথোকখি।
দিসেম্বর ১৩ দগী ১৫, ২০২৪ ফাওবা নুমিৎ হুম্নি পাঙথোক্কদবা কন্ফরেন্স অসিনা স্তেতশিংগী পার্ত্নরসিপকী মরমদা হেন্না ফবা থবক পায়খৎনবা কম্মন দিভেলপমেন্ত এজেন্দা অমসুং ব্লুপ্রিন্ত অমা শেম্বা অমসুং পায়খৎপদা মরুওইবা মীৎয়েঙ থমগনি। মসিনা ওন্ত্রপ্রিন্যুরসিপ য়োকখত্তুনা, স্কিল্লিং ইনিসিএতিব ফগৎহন্দুনা অমদি রুরেল অমসুং অর্বান পোপুলেসন অনিমক্কী সস্তেনেবল এমপ্লোইমেন্ত ওপোর্চুনিতী শেমগত্তুনা ভারতকী দিমোগ্রাফিক দিভিদেন্দ মতিং লৈনা শীজিন্ননবা পুন্না থবক পায়খৎমিন্ননবা লম্বী য়াৎকনি।
কেন্দ্রগী মন্ত্রালয়শিং/দিপার্তমেন্তশিং, NITI অয়োগ, স্তেত/য়ু.তি.শিং অমসুং দোমেন এক্সপর্তশিংগা কুপ্না খন্নখিবদা য়ুম্ফম ওইরগা, মরিশুবা নেস্নেল কন্ফরেন্স অসিনা স্তেত/য়ু.তি.শিংনা পায়খৎপা য়াবা খ্বায়দগী ফবা থৌওং অমসুং লাল্লোংশিং কোনশিন্দুনা ‘প্রমোতিং ওন্ত্রপ্রিন্যুরসিপ, এমপ্লোইমেন্ত এন্দ স্কিল্লিং – লেভরেজিং দি দিমোগ্রাফিক দিভিদেন্দ’ হায়রিবা থীম অসিদা মীৎয়েঙ থমগনি।
পান্দম চাউবা থীম অসিগী মখাদা, মেনুফেকচরিং, সর্ভিসেস, রুরেল নন-ফার্ম, অর্বান, রিনিউএবল ইনর্জী, অমসুং সর্কুলর ইকনমী হায়রিবা হীরম তরুকসিদা কুপ্না খন্ননবা মীৎয়েঙ থমগনি।
বিক্সিত ভারতকী ফ্রন্তিয়র তেক্নোলোজী, সহরশিং ইকনমিক গ্রোথ হব ওইনা শেমগৎপা, ইনভেস্তমেন্ত অমসুং গ্রোথকীদমক স্তেতশিংদা ইকনমিক রিফোর্ম তৌবা, অমদি মিসন কর্ময়োগীগী খুত্থাঙদা কেপাসিতী বিল্দিং তৌবনচিংবা হীরমশিংদা অখন্নবা সেসন মরি পাঙথোক্কনি।
মসিগী মথক্তা লৌউ-শিংউদা আত্মনিরভর পুরকপা: চানবা থাউ অমসুং পল্সেস, অহল ওইরবা মীওইশিংগী কেয়র ইকনমী, PM সুর্য়া ঘর: মুফ্ত বিজ্লী য়োজনা পায়খৎপা, অমসুং ভারতিয় জ্ঞান পরম্পরা হায়রিবা হীরমশিংসিদা মীল মতমদা খন্নগনি।
থীম খুদিংদা স্তেত/ য়ু.তি.শিংদগী খ্বায়দগী ফবা থৌওংশিং স্তেতশিংগী মরক্তা ক্রোস লর্নিং তৌনবা কন্ফরেন্সস অসিদা পুথোক্কনি।
স্তেত/য়ুনিয়ন তেরতরীশিংগী চীফ সেক্রেতরীশিং, মকোক থোংবা ওফিসিএলশিং, দোমেন এক্সপর্তশিং লোয়ননা মীওই অতৈশিংসু কন্ফরেন্স অদুদা শরুক য়াগনি।
