প্রধান মন্ত্রী শ্রী নরেন্দ্র মোদীনা মার্চ ৬,২০২৬ গী অয়ুক পুং ১১:১৫ রোম তাবদা ভিদিও কনফরেন্সিংগী খুৎথাংদা “লৌউ-শিংউ অমসুং খুঙ্গংগী অওনবা পুরকপা” থিমদা বজেত মতুংগী ৱেবিনারদা ৱা ঙাংগনি
থিম অসিগী মখাদা, মরুওইবা হিরম মরি: লৌউ-শিংউ, শা-ষন লোইবা অমসুং শঙ্গোম পুথোকপা, ঙা য়োকপা অমসুং খুঙ্গংগী হিংনবা লম্বীশিংদা তোঙান তোঙানবা ৱেবিনারদা ৮ পাংথোক্কনি।
কাজু, য়ুবী, সেন্দলৱুদ, অগরৱুদ, অলমোন্দ, ৱালনত অমসুং পাইন নতগুম্বা মহৈ-মরোংশিংগী কান্নবশিং লৌদুনা শেন য়াম্না তানবা য়াবা লৌউ-শিংউগী থবক পুক্নিং থৌগৎনবা বজেত মতুংগী ৱেবিনারনা মীৎয়েং চঙগনি। বজেত মতুংগী ৱেবিনারদা লৌউ-শিংউগীদমক এ.আই শীজিন্নরবা দিজিতেল পব্লিক ইনফ্রাষ্ট্রকচর- ভারত ভিষ্টারনা পীরিবা খুদোংচাবশিং বজেত মতুংগী ৱেবিনারদা খন্নগনি। শা-ষন লোইবগী ভেলু চেন্দা লনাই কাংবু শেন থাদবা অমসুং ওন্ত্রেপ্রেন্যুরশিপ, ঙা য়োক্নবা ঈশিং লৈবা মফমশিং অমসুং অমৃত সরোভরশিং ঙাক-শেনবা, সমুদ্র মপানগী ঙাক য়োকপগী ভেলু চেনশিং ফগৎহনবা অমসুং সেল্ফ-হেল্প ওন্ত্রেপ্রেন্যুরস-মার্কেতিং এভেন্যুস ফোর রুরেল ত্রান্সফোর্মেসন (সি-মার্তস) গী খুৎথাংদা খুঙ্গংগী নুপী ওন্ত্রেপ্রেন্যুরশিংনা শাবা পোৎথোকশিংগী য়োনফম পাকথোক-চাউথোক্নবা সেসনশিংদা খন্ন-নৈনগনি।
