মহৈরোয় ১৫,০০০ হেনবনা সেন্তর ৭৫দগী গ্রান্দ ফিনালে অসিদা শরুক য়ারগনি
স্কুল ২৯০০ অমসুং হায়র এজুকেসন ইন্সতিত্যুসন ২২০০ হেনবদগী মহৈরোয়শিংনা ফিনালে অসিদা কেন্দ্রগী মন্ত্রালয় ৫৩দগী প্রোব্লেম স্তেৎমেন্ত ৪৭৬ থেংনগনি
স্মার্ত ইন্দিয়া হেকাথোনশিং অসিনা প্রদক্ত ইনোভেসন, প্রোব্লেম-সোলবিং অমসুং আউত-ওফ-দি-বোক্স থিঙ্কিংগী চৎনবী পোকহনবদা মরু ওইবা থৌদাং অমা লোখি

প্রধান মন্ত্রী শ্রী নরেন্দ্র মোদীনা ওগস্ত ২৫গী নুমিদাং পুং ৮ তাবা মতমদা ভিদিও কনফরেন্সকী থোংদা স্মার্ত ইন্দিয়া হেকাথোন ২০২২গী গ্রান্দ ফিনালেদা ৱা ঙাংলগনি।

লৈবাক অসিদা মরু ওইনা নহারোলশিংগী মরক্তা ইনোভেসনগী ৱাখল্লোন থৌগৎনবগীদমক প্রধান মন্ত্রীনা লেপ্পা লৈতনা হোৎনদুনা লাকখি। বিজন অসিগী মখাদা ইং কুমজা ২০১৭তা স্মার্ত ইন্দিয়া হেকাথোন (এস.আই.ঐচ.) হৌদোকখি। এস.আই.ঐচ. অসি খুন্নাই, ওর্গনাইজেসন অমসুং সরকারগী হেনগৎলক্লিবা সমস্যাশিং অসি কোকহন্নবা মহৈরোয়শিংদা ফম্পাক অমা পীনবা লৈবাক শিনবা থুংবদা চত্থখিবা থৌশিল অমনি। মসিনা মহৈরোয়শিংগী মরক্তা প্রদক্ত ইনোভেসন, প্রোব্লেম-সোলবিং অমসুং আউত-ওফ-দি-বোক্স থিঙ্কিংগী চৎনবী লৈহন্নবা পান্দম থম্মি।

অহানবা ইদিসন্দা ৭৫০০রোম ওইরম্বদগী হৌজিক চত্থরিবা মঙাশুবা ইদিসন অসিদা ২৯,৬০০ রোম ওইদুনা এস.আই.ঐচ.গীদমক রেজিস্তর তৌরকপা তীমশিংগী মশিংদা শরুক মরিগী গ্রোথ লৈবা উবা ফংলিবা অসিনা এস.আই.ঐচ. অসি পাম্নবা হেনগৎলক্লি হায়বা তাক্লি। চহি অসিদা মহৈরোয় অমসুং মেন্তর ১৫,০০০ হেনবনা এস.আই.ঐচ. ২০২২ গ্রান্দ ফিনালেদা শরুক য়ানবগীদমক নোদেল সেন্তর ৭৫দা চৎলি। স্কুল ২৯০০ অমসুং হায়র এজুকেসন ইন্সতিত্যুসন ২২০০গী মহৈরোয়শিংনা লাইশঙদা হক্তুনা ইরিবা ময়েকশিং অমসুং ৱাহন্থোকশিং দেবনাগরী ময়েক্তা ওপতিকেল করেক্তর রিকগনিসন (ও.সি.আর.) তৌবা, পথ-পুমথগনবা অচা-অথক্কী পোৎলমশিংগী কোল্দ সপ্লাই চেনগী আই.ও.তি.-ইনেবল রিস্ক মোনিতরিং সিস্তেম, খুদোংথিবা নংলবা মফমশিংগী লমিৎ-তুমিৎ, ইনফ্রাস্ত্রকচর অমসুং লম্বীগী ফীভমশিংগী হায়-রিজোল্যুসন ৩দি মোদেল শেম্বা য়াওনা ফিনালে অসিদা কেন্দ্রগী মন্ত্রালয় ৫৩গী প্রোব্লেম স্তেৎমেন্ত ৪৭৬ মায়োক্নগনি।

স্কুলগী থাক্তা ইনোভেসনগী চৎনবী লৈহন্নবা অমসুং প্রোব্লেম সোলবিং এতিত্যুদ পোকহন্নবা স্কুলগী মহৈরোয়শিংগী পাইলোৎ ওইনা চহি অসিদা স্মার্ত ইন্দিয়া হেকাথোন – জুনিয়রসু হৌদোকখি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India's first overseas Jan Aushadhi Kendra opens in Mauritius

Media Coverage

India's first overseas Jan Aushadhi Kendra opens in Mauritius
NM on the go

Nm on the go

Always be the first to hear from the PM. Get the App Now!
...
Goa Governor meets PM
July 17, 2024

The Governor of Goa Shri P.S. Sreedharan Pillai met Prime Minister Shri Narendra Modi today.

The Prime Minister's Office (PMO) posted on X:

"Governor of Goa, Shri P.S. Sreedharan Pillai, met Prime Minister @narendramodi today."