২০২১গী দিসেম্বর ১৬কী অয়ুক পুং ১১ তাবা মতমদা প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা গুজরাতকী অনন্দদা পাংথোক্কদৌরিবা এগ্রো অমসুং ফুদ প্রোসেসিংগী নেস্নেল সম্মিত লোইশিল্লকপগী তাংকক্তা লৌমীশিংদা ৱা ঙাংলগনি৷ সম্মিত অসিনা নেচরেল ফার্মিংদা মীৎয়েং থম্লগনি৷ নেচরেল ফার্মিং মেথর্দশিং শিজিন্নবগী কান্নবশিংগী অকুপ্পা মরোলশিং অদু লৌমীশিংদা ফংহল্লগনি৷
লৌমীগী য়াইফনবগীদমক প্রধান মন্ত্রীনা মংলিবা মংলান অদুনা সরকার অসিবু পুখ্রে৷ লৌমীশিংনা মখোয়গী এগ্রী-পোতেন্সিয়েল অদু খ্বাইদগী ৱাংবা চাংদা লৈহনবা ঙম্নবগীদমক পোত্থোক হেন্না পুথোক্নবা হোৎনখ্রে৷ লৌমী-শিংউবা অসিবু ত্রান্সফোর্ম তৌনবা অমদি লৌমীশিংগী ইনকম অসিবু হেনগৎহন্নবা সরকারনা খোংথাং কয়া অমা লৌখৎখ্রে৷ সিস্তেম অসিগী সস্তেনেবিলিতী লৈহন্নবা, কোস্ত হন্থনবা, মার্কেৎ য়ৌহন্নবা অমদি লৌমীশিংদা হেন্না ফবা ভেল্যু খঙহনগদৌরিবা ইনিসিয়েতিবশিং য়োকখৎনবা অমদি সপোর্ত তৌনবা হোৎনরি৷
লৌমীশিংনা অরৈবা ইনপ্যুতশিংদা মখা পোন্দুনা লৈরিবা অসি হন্থহন্নবা অমদি লৈহাউ ফবা হেনগৎহল্লিবা ত্রেদিস্নেল ফিল্দ বেজ তেক্নোলোজীশিংদা মকা-পোন্দুনা লৌউ-শিংউবদা চংলিবা চাদিং অসি হন্থহন্নবা জিরো বদজেৎ নেচরেল ফার্মিং অসি তুংগী অশা লৈবা তুল অমনি৷ লৈবাক অসিদা ফংজবা ষন, মদুগী ষনথি অমদি ময়ুংনা য়াম্না মরু ওইবা থৌদাং অমা লৌদুনা ফার্মদা ইনপ্যুত কয়ামরোম শেম্লি অমদি লৈবাক্তা কান্নবা ন্যুত্রিন্তশিং ফংহল্লি৷ ইশিং য়াম্না তাংনা ফংবা ফিভমশিং ফাওবদা, চহি চুপ্পা লৈবাক অদুবু অশংবা মনা-মশিংনা কুপ্তুনা থম্বা নত্রগা লৈবাক অদুবু বাইওমাসকা য়ানশিন্নবা অসিগুম্বা অতোপ্পা ত্রেদিস্নেল প্রেক্তিসশিং অসি শিজিন্নবগী অহানবা চহি অদুদগী হৌদুনা মফম অদুনা পোত্থোক মরাং-কাইনা থোকহল্লি৷
অসিগুম্লবা লাল্লোংশিং অসিদা মীৎয়েং চংনবা অমদি লৈবাক অসিদা লৈরিবা লৌমীশিংদা মেসেজ অসি ফংহন্নবা, নেচরেল ফার্মিংদা মীৎয়েং থমদুনা গুজরাত সরকারনা এগ্রো অমসুং ফুদ প্রোসেসিংগী নেস্নেল সম্মিত শিল্লি৷ নুমিৎ হুম্নিগী সম্মিত অসি ২০২১গী দিসেম্বর ১৪দগী ১৬ ফাওবা শিল্লিবনি৷ আই.সি.এ.আর.গী সেন্ত্রেল ইন্সতিত্যুতশিং, ক্রিশি বিগ্যান কেন্দ্রাস অমসুং রাজ্যশিংদা লৈরিবা এ.তি.এম.এ.(এগ্রীকল্তচরেল তেক্নোলোজী মেনেজমেন্ত এজেন্সী) নেতৱার্ক্কী খুৎথাংদা লৌমীশিংনা লাইবতা শরুক য়ারিবা অসিদগী হেন্দোক্তুনা সম্মিত অসিদা লৌমী ৫০০০ হেনবনা শরুক য়ারি৷
