“মসি লৈবাক অসিগী সংসদকী খোঙচৎতা সনাগী তাঙ্কক অমনি”
“মসিনা মাত্রুশক্তিগী ৱাখল্লোন হোংহনগনি অমসুং মসিনা ওইহনবা থাজবা অসিনা লৈবাক অসি অনৌবা থাকশিংদা পুখৎপদা অকনবা থৌনা অমা ওইরগনি”
লোক সভাদা দি কন্সিতুসন(১২৮ এমেন্দমেন্ত ) বিল,২০২৩ গী মতাংদা খন্নখিবা অমসুং শৌগৎপগীদমক অমসুং খন্নখিবগীদমক প্রধান মন্ত্রী শ্রী নরেন্দ্র মোদী অমসুং হাওসকী লিদরনা রাজনিতি দল খুদিংমক থাগৎপা ফোঙদোকখ্রে। অনৌবা সংসদ শঙলেন্দা পুথোকখিবা অহানবা বিল অসি খন্ন-নৈনখি অমসুং ঙরাং লোক সভাদা পাস তৌখ্রে।
ঙসি মীফম হৌবদা প্রধান মন্ত্রীনা ঙরাং য়ানখিবা অদু “লৈবাক অসিগী সংসদকী খোঙচৎতা সনাগী তাঙ্কক অমনি” হায়না ফোঙদোকখি অমসুং মাইপাকপা অসিগীদমক মেম্বরশিং, দলশিং অমসুং মখোয়গী লুচিংবশিং থাগৎপা ফোঙদোকখি। মহাক্না হায়খি ঙরাংগী ৱারেপ অমসুং রাজ্য সভাদা লৌগদৌরিবা ৱারেপ অসিনা মাত্রুশক্তিগী ৱাখল্লোন হোংহনগনি অমসুং মসিনা ওইহনবা থাজবা অসিনা লৈবাক অসি অনৌবা থাকশিংদা পুখৎপদা অকনবা থৌনা অমা ওইরগনি। মসিগী অফবা থবক অসি পাংথোক্নবা, ঐনা হাওসকী লুচিংবা ওইনা, ঐগী থম্মোয়দগী অদোমগী শৌগৎপা অমসুং খন্ন-নৈনবগীদমক তৌবীমল খঙবা উৎচরি”।
