ঙসি প্রধান মন্ত্রী শ্রী নরেন্দ্র মোদীনা য়ু.কেগী প্রধান মন্ত্রী রিসি সুনাক্কা তেলিফোন্দা ৱারি শানখ্রে।
মহাক্না ওফিস পায়রকপা চহি অমা মপুংফারকপদা প্রধান মন্ত্রীনা মোদীনা প্রধান মন্ত্রী সুনাক থাগৎপা ফোঙদোকখি।
ললোন-ইতিক, ইনভেস্তমেন্ত, অনৌবা তেক্নোলোজি, দিফেন্স, সেকুরিতি, হেল্থ অমসুং অতোপ্পশিং য়াওনা লৈবাক অনিগী অচেৎপা মরুপ-মপাং ওইবা মরী চেৎশিনহন্নবা লুচিংবশিংনা অমুক হন্না থাজবা পীনখি। নাকল অনিমক কান্নবা ফংগদবা ফ্রি ত্রেদ এগ্রিমেন্ত অমা অথুবা মতমদা য়ানবা পুরক্নবা পায়খৎলিবা থবকশিং মখোয়না তরাম্না ওকখি।
ৱেস্ত এসিয়াগী ওইরক্লিবা ফিবম অমসুং ইজরেল অমসুং হামাসগী মরক্তা মুক্নরিবা অসিগী মতাংদা লুচিংবশিংনা মখোয়গী ওইবা ৱাখল্লোনশিং ফোঙদোক্নখি। তেরোরিজম, সেকুরিতিগী ফিবম ফৎজিল্লক্তবা অমসুং মীচমশিংগী পুন্সি মাঙবগী মতাংদা লুচিংবা অনিমক্না নুংনাংবা ফোঙদোকখি। লমদম অসিদা শান্তি, সেকুরিতি, তুংদু-লৈতাবা পুরকপা অমসুং মখা তানা মতেং পীবগী মতাংদা মখোয়না য়ানবা পুরকখি।
মখা তানা পাউ ফাওনবা হায়না লুচিংবা অনিমক্না য়ানখি অমসুং দিপাবালি কুহ্মৈ লাকপদা য়াইফ-পাউজেল পীনখি।
