য়োর এক্সেলেন্সী,
প্রাইম মিনিস্তর ফিকো,
লৈবাক অনিমক্কী মীথুংশিং,
মেদিয়াগী মরূপশিং,
খুরুমজরি!
“দোব্রী দেন”
ঐহাক্না প্রাইম মিনিস্তর ফিকোগী মফমদা ঐখোয়বু তরাম তরাম ওকপিবগীদমক থম্মোয়নুংদগী থাগৎচবা ফোঙদোকচরি।
মহাক এক্সপিরিএন্স লৈরবা লুচিংবা অমখক্তা নত্তনা ভারতকী অশেঙবা মরূপ অমসুনি। মহাক্কী মরূপ মপাঙ ওইবগী মরী অমদি খোঙফম হন্দবা ফিরেপ্না ইন্দিয়া-স্লোভাকিয়াগী মরীবু অনৌবা থাক্তা পুখৎপদা মশক থোক্না থৌদাং লৌখি। ঙসি মহাক্কা ঐগা উনরিবা অসিগী খুত্থাঙদা ঐখোয়গী নাকল অনিগী ওইবা মরী অসিগী পুৱারী ওইরগদবা মীৎকুপ অমা উবা ফংবগী খুদোংচাবা ফংজবা অসি ঐহাক অপেনবা পোকই।
ঐগী খোঙচৎ অসি ভারতকী প্রাইম মিনিস্তর অমনা স্লোভাকিয়াদা অহানবা ওইনা চৎপা খোঙচৎনি। অসিগুম্বা পুৱারী ওইরবা তানফম অসিদা, ঐখোয়গী মরীবু পুন্না মপুং ফাবা খোঙবুগী থাক্তা পুখৎনবা ঐখোয়না লেপ্নখিবদা ঐহাক নুংঙাইবা ফাওই। মসিনা ঐখোয়গী মান্নবা থাজনবা, মরু ওইবা ৱাফমশিং অমসুং তুংলমচৎপু উৎলি।
মরূপশিং,
ঙসি, প্রাইম মিনিস্তর অমসুং ঐহাক্না ঐখোয়গী তেংবাংনবা অসিদা অনৌবা মায়কৈ অমদা চঙশিন্নবা অমসুং অনৌবা খোঙজেল অমা পীনবা কুপ্না খন্নমিন্নখ্রে। ঐখোয়গী নাকল অনিগী ওইবা লল্লোন-ইতিক অমসুং শেন্মিৎলোনগী তেংবাংনবদা লৈরিবা খোঙজেল অসি ঐখোয়গী ওইনা পেন্নিংঙাই ওই।
অদুম ওইনমক, ঐখোয়গী মতিক-ময়াইশিং অসি য়াম্না চাউই, অমসুং ঐখোয়গী মঙলানশিংনা মসিদগীসু হেন্না চাউই। ওতোমোবাইলস, রেলৱেজ, এদভান্স মেনুফেকচরিং, অমসুং গ্রীন তেক্নোলোজিনীশিং অসি ঐখোয়না মরুওইনা পুক্নিং চঙলিবা লমশিংনি। অসিগুম্বা সেক্তর পুম্নমক অসিদা, লৈবাক অনিমক্কী মীয়ামগী য়াইফনবা ঐখোয়গী পাঙ্গলশিংবু পুনশিন্দুনা ঙসি ঐখোয়না মরু ওইবা ৱারেপ কয়া অমা লৌখ্রে।
ইন্দিয়া-EU FTA অসি অরোইবা মওং শেমগৎপদা স্লোভাকিয়ানা মতেং পাংবিবগীদমক ঐহাক্না প্রাইম মিনিস্তরগী মফমদা অখন্ননা থাগৎপা ফোঙদোকচরি। লৈবাক অনিমক্কী ইন্দস্ত্রীশিং, স্তার্ত-অপশিং, অমসুং লল্লোন-ইতিক তৌবশিংনা মসিদগী খ্বায়দগী হেন্না কান্নবা ফংনবা মসি অসি য়াম্না থুনা থবক ওইনা চৎনহন্নবা ঐখোয়না হোৎনগনি।
মরূপশিং,
ঐখোয়গী তুংগী পার্তনরশিপকীদমক তেক্নোলোজী অসি মরু ওইবা য়ুম্বী অমনি। দিজিতেল তেক্নোলোজীগী মতাংদা ঙসি খুৎয়েক পীনখিবা MoU অসিনা দিজিতেল পব্লিক ইনফ্লাস্ত্রকচরদা তেংবাংনবা অনৌবা লম্বীশিং হাংদোক্কনি।
স্লোভাকিয়াগী য়ুনিভর্সিতী অমদা AI গী ইন্দিয়া চেয়র অমা শেমগৎলকপদা ঐহাক নুংঙাইবা ফাওই। AI অসি মীওইবা খুন্নাইগী থৌগল সেবা অমসুং চাউখৎ-থৌরাংগীদমক মতিক লৈবা খুৎলায় অমা ওইহনগদবনি হায়বসি ঐখোয় পুন্না থাজমিন্নরি। AI গী তুংলমচৎ অসি অনৌবা ৱাখল্লোন খক্তদা নত্তনা থাজবা, থৌদাং লৌবা, অমসুং মীওইবগী ইকাইখুম্নবদা য়ুম্ফম ওইগদবনি হায়না ঐখোয়না থাজৈ।
স্পেস সেক্তরদা ঐখোয়গী তেংবাংনবা অসি পাকথোক চাউথোকহন্নবগী অচৌবা মতিং লৈরি। 2017 তা, স্লোভাকিয়াগী অহানবা সেতলাইত অদু ভারতনা থাগৎখি। ঙসি, ভারতকী স্পেস সেক্তর অসি হান্না উখিদ্রিবা খোঙজেলদা অনৌবা অৱাংবা থাকশিংদা য়ৌরি। ঐহাক্না স্লোভাকিয়াদা লৈবা কম্পেনীশিংবু চাওখৎপগী খোঙচৎ অসিগী শরুক অমা ওইনবা পাউজেল পীজরি।
সিভিল ন্যুক্লিয়র ইনর্জী অসিসু লৈবাক অনিমক্কী মরু ওইবা লম অমনি। ঐখোয়না সেক্তর অসিদা লৈবাক অনিমক্কী ইন্দস্ত্রীশিং অমসুং এক্সপর্তশিংগী মরক্তা তেংবাংনবা হেনগৎহন্নবা ৱাফম থমজরি।
দিফেন্সকী লমদা তেংবাংনবা অসি ঐখোয়গী অনিমক্কী অচেৎপা থাজনবা অমসুং লাল্লোংগী ওইবা মান্নবা ৱাখল্লোন অদু উৎলি। ঙসি ঐখোয়না মরু ওইবা সেক্তর অসিদা লেত্তর ওফ ইন্তেন্ত অমা খুৎয়েক পীনখিবদা ঐহাক নুংঙাইবা ফাওই। মসিনা লৈবাক অনিমক্কী দিফেন্স ইন্দস্ত্রীশিংগী মরক্তা পুন্না শেমগৎপা, পুন্না পুথোকপা, অমসুং তেংবাংনবদা অনৌবা থৌনা অমা পীরগনি।
মরূপশিং,
ভারত অমসুং স্লোভাকিয়ানা মালেমগী থাক্তসু নক্ননা খুৎশম্নদুনা মাঙলোন্দা চংশিল্লি। য়েৎনবা অমসুং মুক্নবা পুম্নমক ইং-তপ্পগী লম্বীদা ৱাতেম্নবগী খুত্থাঙদা লোইশিনগদবনি হায়বদা ঐখোয় অনিমক য়ানৈ। ঐখোয়গী খোঙবু পুম্নমক্কা লোয়ননা, ঐখোয়না লম্বী অসিদা মখা তানা থবক তৌখিগনি।
ঐখোয়না মালেমগী লুপশিংনা কুনমাথোই শুবা চহিচাগী ওইরিবা ফীভমশিং অমসুং শিংনবশিংগা চান্ননা মশাবু অমুক হন্না লেপ্পা মথৌ তাই হায়বা ৱাফমদসু য়ানরি। ঐখোয়না হিরম অসিদা মালেমগী ওইনা হোৎনরিবশিং অসি মপাঙ্গল কনখৎহন্নবা হোৎনগনি।
মরূপশিং,
ঐখোয়গী লৈবাক অনিগী মরক্তা লৈরিবা অচেৎপা নাৎ অমসুং মীগা মীগগী মরক্তা লৈরিবা মরীশিংনা ঐখোয়গী মরী অসিগীদমক অচেৎপা য়ুম্ফম অমা পীরি। ভারতকী অরিবা উপনিষদশিংবু স্লোভাক লোলদা হন্দোকপা অসি ঐখোয়গী নাৎকী নক্নবা মরীবু উৎলিবা নীথিরবা খুদম অমনি।
স্লোভাকিয়াদা লৈরিবা ভারত্তগী হৌখিবা মীওইশিংনা লমদম অসিগী শেন্মিৎলোন অমসুং খুন্নাইদা মরু ওইবা থৌদাং কয়া লৌরি। ঐখোয়গী লৈবাক অনিগী মরক্তা প্রোফেস্নেলশিং অমসুং হৈথোই-শিংথোইরবা শিন্মীশিং চৎথোক-চৎশিন তৌবদা খুদোং চাহন্নবা, ঐখোয়না ঙসি লেবর মাইগ্রেসনগী মতাংদা MoU অমা লাউথোকখ্রে। ঐখোয়না থুনা সোসিএল সিক্যুরিতীগী মতাংদা লৈরিবা MoU অদুসু অরোয়বা মওং অমা পুরক্লগনি।
এক্সেলেন্সী,
ঙসিগী য়াম্না মরু ওইনা খন্নমিন্নখিবশিং অমসুং ভারতকী মতাংদা অদোমগী অফবা ৱাখল্লোন লৈবগীদমক ঐহাক্না অমুক হন্না থমোয়নুংদগী থাগৎপা ফোঙদোকচরি।
ঐহাক্না ভারত মচা বিলিয়ন 1.4 গী মহুৎ শীন্দুনা অদোম্বু ভারত্তা লাকপিনবা পাউজেল পীজরি। অদোম্নসু পাউজেল অসিবু য়াবিখিবগীদমক ঐহাক নুংঙাইবা ফাওই। ঐখোয়না অদোম্বু তরাম্না ওক্নবা মীৎয়েঙ থমজরি।
ঐহাক্না থাজবা থম্মি মদুদি ঐখোয়গী কমপ্রিহেন্সিব পার্তনরসিপ অসিনা লাক্কদবা চহিশিংদা ঐখোয়গী মীয়ামগীদমক অনৌবা খুদোংচাবশিং, পুন্না চাওখৎমিন্নবা অমসুং হেন্না মশেক মঙাল নাইবা তুংলমচৎ অমগী য়ুম্ফম ওইরগনি।
ময়ামবু থাগৎচবা ফোঙদোকচরি। খুরুমজরি।
मेरी यह यात्रा किसी भी भारतीय प्रधानमंत्री की स्लोवाकिया की पहली यात्रा है।
— PMO India (@PMOIndia) June 15, 2026
मुझे खुशी है कि इस ऐतिहासिक अवसर पर हमने अपने संबंधों को Comprehensive Partnership का दर्जा देने का निर्णय लिया है।
यह हमारे साझा विश्वास, साझा प्राथमिकताओं और साझा भविष्य का प्रतीक है: PM @narendramodi
India-EU FTA को अंतिम रूप देने में स्लोवाकिया से मिले सहयोग के लिए मैं प्रधानमंत्री जी का विशेष आभार व्यक्त करता हूँ।
— PMO India (@PMOIndia) June 15, 2026
हम इसके जल्द से जल्द implementation के लिए काम करेंगे ताकि दोनों देशों के उद्योग, स्टार्टअप्स और traders इसका अधिकतम लाभ उठा सकें: PM @narendramodi
मुझे खुशी है कि स्लोवाकिया की एक यूनिवर्सिटी में AI के विषय पर India Chair स्थापित की जा रही है।
— PMO India (@PMOIndia) June 15, 2026
AI मानवता की सेवा और प्रगति का सशक्त माध्यम बने, यही हमारी साझा सोच है।
हमारा मानना है कि AI का भविष्य केवल innovation से नहीं, बल्कि trust, responsibility और human dignity पर…
रक्षा सहयोग हमारे गहरे आपसी विश्वास और strategic convergence का प्रमाण है।
— PMO India (@PMOIndia) June 15, 2026
मुझे खुशी है कि इस महत्वपूर्ण क्षेत्र में आज हमने Letter of Intent sign किया।
इससे joint development, joint production और defence industries के बीच सहयोग को नई गति मिलेगी: PM @narendramodi
दोनों देशों के बीच गहरे सांस्कृतिक और people-to-people ties हमारे संबंधों को मज़बूत आधार प्रदान करते हैं।
— PMO India (@PMOIndia) June 15, 2026
भारत के प्राचीन उपनिषदों का “स्लोवाक” भाषा में अनुवाद किया जाना हमारी सांस्कृतिक निकटता का उत्कृष्ट उदाहरण है।
स्लोवाकिया में रह रहे भारतीय मूल के लोग यहाँ की economy और…
