প্রধান মন্ত্রী নরেন্দ্র মোদীগী স্কুলগী ওজা, শ্রী সোমভাই পতেলনা ইং কুমজা ২০০৫গী মতুংদা শ্রী মোদীনা গুজরাতকী সি.এম. ওইরবা মতুংদা মহাক্কী ওজাশিংবু করম্না ইকাই খুম্নখিবগে হায়বগী মতাংদা নীংশিংখ্রে। ভিদিও অমদা শ্রী পতেলনা শ্রী মোদীনা মহাক্কী গুরুশিংদা ইকাই খুম্নখিবা অমসুং মখোয়বু নীংজখিবগী মতাংদা পনখি।
শ্রী পতেলনা হায়খি, “ইং কুমজা ২০০৫দা, নরেন্দ্র ভাইনা মহাক্কী স্কুলগী ওজা পুম্নমক্কীদমক গুরু বন্দনা কৌবা অহমদাবাদতা থৌরম অমা শিনখি। মহাক্না ওজা ২৭লোম কৌখি। মহাক্না ওজা খুদিংমক্কী মনাক্তা চংখি অমসুং মখোয়গী মমিং কৌদুনা মখোয়গী মাংদা কোক নোন্না খুরুমখি, মখোয়দা লৈ হুকখি অমসুং ওজা পুম্নমকপু ইকাই খুম্নখি।”
শ্রী সোমনাথ পতেলগী মতুং ইন্না থৌরম অদুদা অথোইবা মীথুংলেন ওইখিবা মতম অদুগী গুজরাতকী রাজ্যপাল পন্দিত নৱল কিশোর শর্মানা হায়খি মদুদি থৌরম অদু ভারত্তা মমাংদা মফম অমত্তদা থোকখিদ্রিবা অখন্নবা থৌরম অমা ওইখি। “রাজ্যপালনা হায়খি মদুদি নরেন্দ্র ভাইনা মহাক্কী ওজাশিংবু ইকাই খুম্নবা উৎনবা থৌরম অসি শিনখি। অসিগুম্বা থৌরম অসি লৈবাক পুম্বদা অমুক্তা উখিদ্রি অমসুং তাখিদ্রি”, হায়না শ্রী সোমনাথ পতেলনা মখা তাখি।
It is humbling to note the respect and affection that Narendra Modi has for his Gurus.
— Modi Story (@themodistory) July 13, 2022
His school teacher Sombhai Patel fondly remembers how Modi honoured his teachers in 2005 after becoming the Gujarat CM!
A #ModiStory on #GuruPurnimahttps://t.co/EdWZ1iSKel @themodistory pic.twitter.com/HyedjugdIN
