প্রধান মন্ত্রী শ্রী নরেন্দ্র মোদীনা ঙসি সি.বি.সি.গী ফাউন্দেসন দেগী থৌরমদা ভিদিওগী খুত্থাংদা কর্ময়োগী সাধনা সাপ্তাদা ৱা ঙাংখ্রে।
প্রধান মন্ত্রী শ্রী নরেন্দ্র মোদীনা ঙসি ভিদিওগী খুত্থাংদা কর্ময়োগী সাধনা সপ্তদা ৱা ঙাংখ্রে। থৌরম অসিদা শরুক য়ারিবা পুম্নমক্তা মহাক্না য়াইফ পাউজেল পীখি। থৌরম অসি কেপাসিতী বিল্দিং কম্মিসন (সি.বি.সি.) গী ফাউন্দেসন দেগা ইরোইননা পাঙথোকখিবনি।
য়াম্না থুনা অহোংবা লাক্লিবা মালেম অসিদা পব্লিক সর্বিসকী মথৌ তারিবশিং পল্লদুনা প্রধান মন্ত্রীনা হায়খি মদুদি ভারত অসি য়াম্না থুনা অহোংবা লাক্লিবা মালেমগী পথাপশিংগী মরক্তা য়াম্না থুনা খুমাং চাউশিল্লি অমসুং মসিগী গবর্নান্স মেকানিজম অসি লেপ্তনা অপদেত তৌগদবনি। শ্রী মোদীনা হায়খি, "করমযোগী সাধনা সাপ্তহ অসি ২১শুবা চহিচাদা ঐখোয়গী পব্লিক সর্বিস অসি মরী লৈনবা অমসুং রেস্পোন্সিব ওইহন্নবা হোৎনরিবা অসিদা মরুওইবা লিঙ্ক অমনি।"
গবর্নান্সকী লমজিং-লমতাক্লিবা ফিলোসোফীগী মতাংদা পল্লদুনা, প্রধান মন্ত্রীনা হায়খি মদুদি এদমিনিস্ত্রেসন অসিগী মরুওইবা মন্ত্রদি "নাগরিক দেবো ভাব" অসিনি। মহাক্না হায়খি মদুদি পব্লিক সর্ভিস অসি হেন্না তৌবা ঙম্বা অমসুং নাগরিকশিংগীদমক্তা হেন্না সেন্সিতিব ওইনবা অমুক হন্না ওরিএন্তেত তৌরি। প্রধান মন্ত্রীনা হায়খি, "গবর্নান্স অসি তশেংনা সিতিজন-সেন্ত্রিক ওইহন্দুনা অনৌবা মশক অমা পীরি।"
কেপাসিতী বিল্দিং কম্মিসনগী হৌরকপদা পল্লদুনা প্রধান মন্ত্রীনা হায়খি মদুদি ইন্দিপেন্দেন্স ফংলবা মতুংদগী ইন্সতিত্যুসন কয়ানা তোঙান তোঙানবা ফোকসতা থবক তৌরকপগা লোয়ননা গবর্নমেন্তকী ইমপ্লোয়ি খুদিংমক্কী কেপাসিতী হেঙ্গৎহন্নবা পান্দম থমদুনা দেদিকেতেদ বোদী অমা মথৌ তাই। মহাক্না হায়খি, "মসিগী ৱাখল্লোন অসিনা সিস্তেম অসিদা লৈরিবা কর্ময়োগী খুদিংমকপু মপাঙ্গল কনখৎহনবদা মীৎয়েং থম্লিবা কেপাসিতী বিল্দিং কম্মিসনবু পোকহনখি।" সি.বি.সি.গী ফাউন্দেসন নুমিৎতা নুংঙাইবা ফোংদোক্লদুনা অমসুং আই.জি.ও.তি. মিসন কর্ময়োগীগী মায় পাকপা থৌদাং অদু শকখঙলদুনা, শ্রী মোদীনা থাজবা থমখি মদুদি মসিগী হোৎনরিবশিং অসিনা মোদর্ন, কেপেবল, দেদিকেতেদ অমসুং সেন্সিতিব কর্ময়োগীগী তীম অমা শেমগৎলগনি।
খোঙথাং অসি বিক্সিত ভারতকী চাউখৎপা মিৎয়েংগা মরী লৈনহন্দুনা, প্রধান মন্ত্রীনা সেবা তীরথ হৌদোকপগী থৌরমদা মহাক্না ৱা ঙাংখিবা অদু নীংশিংখি অমসুং খোঙজেল য়াংনা ইকোনোমিক গ্রোথ, মোদর্ন ইনফ্রাস্ত্রকচর, তেক্নোলোজী শিজিন্নবা অমসুং স্কিল লৈবা শিন্মী মশিং য়াম্না মথৌ তাই হায়না অমুক হন্না ফোংদোকখি। পান্দমশিং অসি ফংনবা হোৎনবদা পব্লিক ইন্সতিত্যুসনশিং অমসুং পব্লিক সর্ভেন্তশিংনা মরু ওইবা থৌদাং অমা লৌরি হায়না মহাক্না ফোংদোকখি। "ঙসিগী ভারত অসি য়াম্না এস্পিরেস্নেল ওইরে, নাগরিক খুদিংমক্কী মঙলান অমসুং পান্দমশিং লৈরি, অমসুং মখোয়শিং অসি মপুং ফাহন্নবগীদমক খ্বাইদগী হেন্না মতেং পাংনবা ঐখোয় পুম্নমক্কী থৌদাং লৈরি।" হায়না শ্রী মোদীনা ফোংদোকখি।
গবর্নান্স অসি নাগরিকশিংগী পুন্সি মহিং অমসুং শেন্মিৎলোন ফগৎহন্নবা বেঞ্চমার্ক ওইগদবনি হায়না পল্লদুনা প্রধান মন্ত্রীনা পব্লিক সর্বেন্তশিংদা নুমিৎ খুদিংগী অনৌবা খরা তম্বীনবা অমসুং কর্ময়োগীগী অশেংবা ৱাখল্লোন্দা মশানা মশাবু শেমগৎপীনবা তকশিনখি। শ্রী মোদীনা হায়খি, "ঐখোয়গী লৈঙাক্না নাগরিকশিংগী পুন্সি মহিং নোংম-নোংমগী ফগৎহন্নবা হোৎনগদবনি। মসি ঐখোয়গী অশেংবা বেঞ্চমার্কনি।"
এদমিনিস্ত্রেতিব কলচরদা তঙাইফদবা অহোংবা অমা পুরক্নবা হায়রদুনা প্রধান মন্ত্রীনা হায়খি মদুদি হান্নগী সিস্তেম অসিনা 'ওফিসর' ওইবদা অহেনবা মিৎয়েং থম্লি, অদুগা লৈবাক অসিনা ঙসিদি মথৌগী ৱাখল্লোনদা মিৎয়েং থম্লি। মহাক্না নিংশিংখি মদুদি সংবিধান্না মশাগী মথৌশিং পাংথোক্তুনা হকশিং পীরি। ৱারেপ খুদিংমক লৌদ্রিঙৈ মমাংদা, অদোমগী মথৌনা করিনো হায়বদু খল্লবা মতমদা, অদোমগী ৱারেপশিংগী ইম্পেক্ত অসি মশা মথন্তনা শরুক কয়া হেনগৎলগনি।" হায়না প্রধান মন্ত্রীনা হায়খি।
মহাক্না পব্লিক সর্ভেন্তশিংদা মখোয়গী হৌজিক্কী থবকশিং অসি তুংলমচৎকী হেন্না চাউবা কন্সতা য়েংনবা তকশিনখি। মহাক্না মখোয়দা মখোয়গী ইন্দিভিজুএল দিসিজনশিংনা করম্না মীওই মিল্লিয়ন কয়াগী পুন্সিদা অহোংবা পুরক্কদগে অমসুং ইন্দিভিজুএল ত্রান্সফোর্মেশননা ইন্সতিত্যুস্নেল ত্রান্সফোর্মেশনদা করম্না পুরক্কদগে হায়বদু লেপ্পা লৈতনা য়েংনবা হায়খি। মশাগী এক্সপরিয়েন্সতা য়ুম্ফম ওইদুনা, প্রধান মন্ত্রীনা হায়খি মদুদি অসিগুম্বা ত্রান্সফোর্মেতিব ওইবা থবকশিং অসি য়াম্না চাউবা ইনর্জী মথৌ তাই। মহাক্না হায়খি, "মসিগুম্বা ইনর্জী অসি শুপ্নতগী নিংথৌরেলগী সেবাগী ৱাখল্লোনদগী লাকপা ঙম্মি।"
তেক্নোলোজীগী মরুওইবগী মতাংদা পল্লদুনা, প্রধান মন্ত্রীনা হৌখিবা চহি ১১ অসিদা গবর্নমেন্ত, সর্বিস দেলিভরী অমসুং শেন্মিৎলোনগী থবকশিংদা তেক্নোলোজীবু মপুং ফানা পুনশিনবগী মতাংদা পনখি। আর্তিফিসিএল ইন্তেলিজেন্স লাকপগা লোয়ননা, অহোংবশিং অসি হেন্না খুমাং চাউশিল্লগনি হায়না মহাক্না ফোংদোকখি। হেন্না ফবা এদমিনিস্ত্রেতর অমা, হেন্না ফবা পব্লিক সর্বেন্ত অমা ওইবসি তেক্নোলোজী অমসুং দেতাগী মতাংদা মপাঙ্গল কন্না খঙবা মীওই অমা ওইগনি। মসিনা ৱারেপ লৌবগী য়ুম্ফম ওইগনি।" মহাক্না আশা তৌখি মদুদি কেপাসিতি বিল্দিং অমসুং এ.আই.দা লেপ্পা লৈতনা তম্নবা অসি সদনা সাপ্তাগী মনুংদা মরুওইবা মীৎয়েং থমগদবা লম অমা ওইরগনি।
ভারতকী ফেদরেল স্ত্রকচরগী মতাংদা পল্লদুনা প্রধান মন্ত্রীনা হায়খি মদুদি লৈবাক অসিগী মায় পাকপা অসি রাজ্য পুম্নমক্কী অপুনবা মায় পাকপনি। মহাক্না ফোংদোকখি মদুদি দিকেদ কয়াগী মমাংদগী লৈরক্লবা কাংলুপ খায়দোকপা, মাংলোমদা চংশিল্লবা রাজ্যশিং, মাংলোমদা চংশিল্লবা রাজ্যশিং, বিমারু রাজ্যশিং অসি মুত্থৎলি, অমসুং রাজ্যশিংগী মরক্তা লৈরিবা অৱাৎপা অসি মওং মান্ননা হোৎনবগী মতুং ইন্না কোকহনগদবনি। প্রধান মন্ত্রীনা হায়খি, "ঐখোয়না সিলোশিং থুগাইদুনা হেন্না ফবা কোওর্দিনেসন, শেয়র তৌরবা ৱাখল্লোন অমসুং সরকার পুম্নমক্কী ওইবা থৌওংগা লোয়ননা মাংলোমদা চংশিনবা তাই। মদুগী মতুংদা খক্তনি মিসন খুদিংমক মায় পাক্কদৌরিবসি।"
মহাক্কী অরোইবা ৱারোলদা, প্রধান মন্ত্রীনা পব্লিক সর্ভেন্তশিংদা থাগৎখি মদুদি মীচম প্রজাগীদমক্তা, লোকেল গবর্নমেন্ত ওফিস অসি সরকার পুম্নমক্কী মমি ওই। মহাক্না হায়খি মদুদি ওফিসিএলশিংগী থবক তৌবগী মওং অমসুং লমচৎ-শাজৎনা গনতন্ত্র অমসুং কন্সতিত্যুস্নেল ইন্সতিত্যুসনশিংদা মীয়াম্না থাজবা থম্বা অদু হকথেংননা শেম্মি। "ঐখোয়না করি তৌবগে, থাক অমহেক্তদা তৌবগে, ঐখোয়না থাজবা অদু ঙাক্না চৎকদবনি, মসি ঐখোয়গী দেমোক্রেসীগী য়ুম্ফমনি" হায়না শ্রী মোদীনা হায়খি। মহাক্না অমুক্কা হন্না কেপাসিতী বিল্ দিং কম্মিসনবু থাগৎপা ফোংদোকখি। মহাক্না থাজবা ফোংদোকখি মদুদি কর্ময়োগী সাধনা সাপ্তহ অসি ভারতনা বিক্সিত ভারত ওইবগী মায়কৈদা চংশিল্লিবা খোঙচৎ অসিদা মরুওইবা চেপ্তর অমা ওইরগনি।
