প্রধান মন্ত্রী শ্রী নরেন্দ্র মোদীনা ঙসি পার্লিয়ামেন্ত মনুংদা 2025গী নীংথম মীফম হৌদ্রিঙৈ মমাংদা পাউমীশিংদা ৱা ঙাংখ্রে। প্রধান মন্ত্রীনা হায়খি মদুদি মীফম অসি শুপ্নগী থৌরম অমা খক্তা নত্তে অদুবু লৈবাক অসিনা খোঙজেল য়াংনা খুমাং চাউশিন্নবগী মাইকৈদা হৌজিক চংশিল্লিবা খোঙচৎ অসিগী অনৌবা শক্তিগী মরু ওইবা হৌরকফম অমনি। “ঐহাক্না চেৎনা থাজৈ মদুদি মীফম অসিনা লৈবাক অসিগী চাউখৎ খোঙজেল অসিবু শাহৌ পীনবা ঐখোয়গী হৌজিক পাইখৎলিবা খোঙথাংশিংদা অনৌবা শক্তি হাপকনি”, হায়না শ্রী মোদীনা মখা তাখি।
প্রধান মন্ত্রীনা হায়খি মদুদি ভারতনা মাগী দেমোক্রেতিক ত্রেদিসনশিংগী ফজবা অমসুং ৱাখল্লোন অদুবু লেপ্পা লৈতনা উৎখি। বিহারগী মীখলগী মতাংদা পল্লদুনা মহাক্না রেকোর্দ ওইনা ভোতরনা থোরকখিবা অসি লৈবাক অসিগী দেমোক্রেতিক্কী পাঙ্গলগী শক্তি লৈরবা খুদম অমনি হায়না থাগৎখি। মহাক্না নুপী ভোতরনা শরুক য়াবা হেনগৎলক্লিবা অসি শীংথানীংঙাই ওইরবা অমসুং পুক্নিং থৌগৎনীংঙাই ওইরবা ত্রেন্দনি মসিনা দেমোক্রেতিক প্রোসেস্তা অনৌবা আশা অমসুং অনৌবা থাজবা পীরি হায়খি। মহাক্না ভারতকী দেমোক্রেতিক ইন্সতিত্যুসনশিংনা হেন্না মপাঙ্গল কনখৎলক্লি, মালেমনা মসিগী দেমোক্রেতিক ফ্রেমৱার্ক অসিনা লৈবাক অসিগী শেন্মীৎলোনগী তৌবা ঙম্বশিং করম্না হেনগৎহনবগে হায়বা অসি কুপ্না য়েংলি। “ভারতনা দেমোক্রেসী দেলিভর তৌবা ঙম্মি উৎখ্রে,” হায়না প্রধান মন্ত্রীনা ফোংদোকখি। “ভারতকী শেন্মিৎলোনগী ফীভমশিংনা অনৌবা পনখৈশিং য়ৌরক্লিবা খোঙচৎ অসিনা চাউখৎপা ভারত অমগী পান্দমগী মাইকৈদা ঐখোয়না চংশিল্লিবা অসিদা থাজবা অমসুং অনৌবা শক্তি পীরি”, হায়না শ্রী মোদীনা ফোংদোকখি।
প্রধান মন্ত্রীনা পোলিতিকেল পার্তী পুম্নমক্তা মীফম অসিদা নেস্নেল ইন্তরেস্ত, কান্নগদবা দিবেৎ অমসুং পোলিসী-দ্রিভন আউৎকমশিংদা মীৎয়েং থম্নবা হায়খি। মহাক্না হায় মদুদি পার্লিয়ামেন্ত অসিনা মতম চপ্পদা লৈবাক অসিগীদমক খরি খনগনি অমসুং মদু দেলিভর তৌনবগীদমক করি তৌগনি হায়বদা মীৎয়েং থমগদবনি। ওপোজিসনদা মখোয়গী দেমোক্রেতিক রেস্পোন্সিবিলিতী অদু থুংহন্নবা হায়রদুনা প্রধান মন্ত্রীনা মখোয়দা কান্নবা অমসুং সবস্তেন্তিব ইস্যুশিং পুখৎনবা পুক্নিং থৌগৎখি। মহাক্না পার্তীশিংদা পার্লিয়ামেন্তরী প্রোসীদিংশিংবু মীখলদা মাইথিবগী খোইশাওনবনা ওভরশেদো তৌদনবা হায়খি। মীফম অসিদা মীখলগী মাইপাকপশীংদগী লাকপা অচাও-অরেন কাবা অদু উৎলোইদবনি হায়না ফোংদোক্লদুনা শ্রী মোদীনা হায়খি, “নীংথম মীফম অসিনা মীয়ামগী মীহুৎশিংদগী বেলেন্সম রেস্পোন্সিবিলিতী অমসুং দিগনিতী অদু উৎকদবনি”।
প্রধান মন্ত্রীনা ইনফোর্ম দিবেৎকী মরু ওইবা অদু থম্লদুনা মেম্বরশিংদা তৌরিবা অদু ফগৎহন্নবা অমসুং কন্ত্রক্তিব ওইহন্নবা, মথৌ তাবদা এক্যুরেৎ ক্রিতিক পীনবা, প্রজাশিংবু হেন্না ইনফোর্ম ওইহন্নবা হায়খি। “মসিগী থবক অসি দিমান্দিং ওই অদুবু লৈবাক অসিগীদমক তঙাই ফদে”, হায়না মহাক্না ফোংদোকখি।
অহানবা ওইরকপা অমসুং নহা ওইরিবা এম.পি.শিংগী মতাংদা নুংনাংবা ফোংদোক্লদধনা মহাক্না হায়, পার্তী লাইনশিং য়েংদনা মখোয়না মখোয়গী কেন্দ্রবু রিপ্রজেন্ত তৌনবা নত্ত্রগা লৈবাক অসিগী চাউখৎ-থৌরাংগী খন্ন-নৈনবদা শরুক য়ানবগী খুদোংচাবশিং মতিক চানা ফংদ্রি। মহাক্না পার্তীশিংদা এম.পি.শিংবু মখোয়গী ফংফম থোকপা প্লেৎফোর্ম পীনবা হায়খি। “হাউস অসি অমসুং লৈবাক অসিনা অনৌবা মীরোলগী লৌশিং অমসুং শক্তিদগী কান্নবা ফংগদবনি” হায়না মহাক্না ফোংদোকখি।
প্রধান মন্ত্রীনা হায় পার্লিয়ামেন্ত অসি পোলিসী অমসুং দেলিভরীগীদমক মফম অমনি, দ্রামা নত্ত্রগা স্লোগান লাউনবা মফম নত্তে। “থিএত্রিক্স নত্ত্রগা স্লোগানশিংগীদমক অতোপ্পদা মফমগী অৱাৎপা লৈতে। পার্লিয়ামেন্তদা ঐখোয়না পোলিসীদা মীৎয়েং থমগদবনি, অমসুং ঐখোয়গী ৱাখল্লোন ময়েক শেংগদবনি”, হায়না মহাক্না ফোংদোকখি।
প্রধান মন্ত্রীনা হায় মীফম অসিগী অখন্নবা মরু ওইবা অসি অপ্পর হাউসকী অনৌবা ইকাই খুম্নরবা চিয়রমেনগী লমজিং মখাদা হৌবা অসিনা ওইরি। মহাক্না নুংঙাইবা ফোংদোক্লদুনা থাজবা ফোংদোকখি মদুদি চিয়রমেনগী লুচিং মখাদা পার্লিয়ামেন্তগী মথৌ তৌবগী মওং অসি হেন্না মপাঙ্গল কনখৎহল্লগনি।
প্রধান মন্ত্রীনা হায়খি GST রিফোর্মশিংনা প্রজাশিংগী মরক্তা থাবগী মপাঙ্গল কনবা এতমোস্ফিয়র অমা শেমদুনা মখোয়বু নেক্স-জেনরেসন রিফোর্মশিং তৌহনখি। মহাক্না হায় নীংথম মীফম অসিনা মাইকৈ অসিদা য়াম্না মরু ওইবা থৌশিলশীং খুমাং চাউশিনহনগনি।
অনৌবা পার্লিয়ামেন্তরী ত্রেন্দশিং অসিদা নুংনাংবা ফোংদোক্লদুনা শ্রী মোদীনা হায়খি মদুদি হন্দক্তা ঐখোয়গী পার্লিয়ামেন্ত অসি মীখলশীংগীদমক ৱার্ম-অপ গ্রাউন্দ নত্ত্রগা মীখলদা মাইথিবা নংলবা মতুংদা অশাওবা ফোংদোক্নবা মফম ওইনা শীজিন্নরি। “লৈবাক অসিনা থৌওংশিং অসি য়াবা ঙমলোই। মসি মখোয়গী এপ্রোচ অমসুং লালোং হোংনবগী মতম ওইরে। ঐহাক্না হেন্না নীংথিনা করম্না পরফোর্ম তৌগনি হায়বগী মখোয়দা তিপ্স পীমনবা শেম শাদুনা লৈ”, হায়না শ্রী মোদীনা মখা তাখি।
“ঐখোয়না থৌদাংশিং অসিগা লোয়ননা মাংদা চংশিন্নবা ঐখোয়না আশা তৌরি। অমসুং ঐহাক্না লৈবাক অসিদা থাজবা পীজরি মদুদি লৈবাক অসিনা চাউখৎপগী লম্বীদা চংশিল্লি” হায়না শ্রী মোদীনা অমুক হন্না ফোংদোকখি। লৈবাক অসিনা চাউখৎপগী মাইকৈদা চংশিন্নবা অচেৎপা ফিরেপ অদু ফোংদোক্লদুনা মহাক্না হায়, “লৈবাক অসিনা অনৌবা পনখৈশিংগী মাইকৈদা চংশিল্লি অমসুং হাউস অসিনা খোঙচৎ অসিদা অনৌবা শক্তি অমসুং পাঙ্গল হাপচিনবদা মরু ওইবা থৌদাং অমা লৌগনি”।
ৱা ঙাংখিবগী মপুংফাবা ৱারোল পানবা মসিদা নম্বীয়ু
No matter which party it is, we should ensure that the new generation of MPs and first-time parliamentarians are given meaningful opportunities: PM @narendramodi
— PMO India (@PMOIndia) December 1, 2025
India has proven that democracy can deliver: PM @narendramodi
— PMO India (@PMOIndia) December 1, 2025
This Winter Session will infuse new energy into our efforts to take the nation forward at an even faster pace: PM @narendramodi
— PMO India (@PMOIndia) December 1, 2025
