প্রধান মন্ত্রী, নরেন্দ্র মোদীনা ঙসি ভিদিও মেসেকী থিংগী জি২০গী মপাল থৌরম মন্ত্রীশিংগী মীফমদা ৱা ঙাংখ্রে।
থৌরম অদুদা ৱা ঙাংলদুনা প্রধান মন্ত্রীনা ভারতনা মাগী জি২০ প্রসিদেন্সীগীদমক ‘ৱান আর্থ, ৱান ফেমিলি, ৱান ফ্যুচর’ অসি করিগীদমক থিম ওইনা খনখ্রিবনো ফোঙদোকখি। মহাক্না হায় মসিনা য়ুনিতী ওফ পর্পস লোয়নন য়ুনিতী ওফ এক্সনগী মথৌ তাবা অদু তাক্লি। ঙসিগী মীফম অসিনা অপুনবা অমসুং অচৌবা পান্দমশিং থুংহন্নবগীদমক পুনশিন্নবগী ৱাখল্লোনগী মমি তাগনি হায়বগী থাজবা থম্মি হায়না মহাক্না ফোঙদোকখি।
ঙসিগী মালেমদা মলতিলেতরেলিজম অসি খুদোংথিবা ফীভম অমদা লৈরে হায়না ফোঙদোক্লদুনা প্রধান মন্ত্রীনা অনিশুবা লাঞ্জাওগী মতুংদা শেমখিবা গ্লোবেল গভর্নান্সকী আর্কিতেকচরনা তৌগদবা মপুং ওইবা মথৌদাং অনিগী মতাংদা থমখি। মহাক্না হায়খি অহানবদা মসিনা কম্পিতিং ইন্তরেস্তশিং বেলেন্স তৌদুনা তুংলমচৎতা লানশিং থোকপদগী ঙাকথোকপা অমসুং অনিশুবদা অপুনবগী হীরমশিংদা থোকপা সমস্যাশিংদা ইন্তর্নেস্নেল কোওপরেসন লৈহনবা হায়বা অসিনি। হৌখিবা চহি খরা অসিগী ফাইনান্সিএল ক্রাইসিস, ক্লাইমেৎ চেঞ্জ, লাইচৎ, তেরোরিজম অমসুং লানশিং অসি য়েংলগা প্রধান মন্ত্রীনা গ্লোবেল গভর্নান্সকী মেন্দেৎ অনিমক থুংহনবা ঙমদ্রে হায়না ফোঙদোকখি। মহাক্না মখা তারদুনা হায় মসিগী অশোইবা অসিগী লাইবক থীবা ফলশিংনা চাউখৎলক্লিবা লৈবাক পুম্নমক্তা অয়াম্বনা চৈথেং পীরি অমসুং মালেম্না চহি কয়া খুমাং চাউশিল্লক্লবা মতুংদা সস্তেনেবল দিবেলপমেন্তদা তুংহনবগী অকিবা ফীভমদা লৈরি। প্রধান মন্ত্রীনা চাউখৎলক্লিবা লৈবাক কয়ানা মখোয়গী মীয়ামগীদমক ফুদ অমসুং ইনর্জী সেক্যুরিতী পীনবা হোৎনবগা লোয়ননা অনসস্তেনেবল দেবকী চৈথেং নংলি। মহাক্না হায় মদুদি শেল পাইবা লৈবাকশিংনা থোকহনবা গ্লোবেল ৱার্কমিংনা চাউখৎলক্লিবা লৈবাকশিংদা খ্বাইদগী চাউনা চৈথেং পীখি। গ্রুপ অমত্তনা মখোয়গী ৱারেপশিংনা খ্বাইদগী শোকহল্লিবশিংগী ৱাকৎ তাদনা গ্লোবেল লীদরশিপকী থৌদাং লৌবা ঙমলোই”।
প্রধান মন্ত্রীনা হায়খি ঙসিগী মীফম অসি অচৌবা গ্লোবেল দিবিজনশিং লাক্লিবা তানফমদা পাঙথোক্লি অমসুং শেল-থুম মন্ত্রীশিং ওইনা খন্ন-নৈনবসিং অসিদা ঙসিগী জিও-পোলিতিকেল তেন্সনশিংনা শোকহনবা হায়বা অসি মহৌশানি। প্রধান মন্ত্রীনা হায়, “তেন্সনশিং অসি করম্না ৱারোইশিন পুরক্কদগে হায়বগী মতাংদা ঐখোয়গী পোজিসন অমসুং ঐখোয়গী প্রর্সপেক্তিবশিং লৈ”। মহাক্না হায় মালেমগী মাংজিল থারিবা ইকনোমীশিং ওইনা কা অসিদা ঐখোয়গী ইরক্তা য়াওদবশিংগী থৌদাংসু ঐখোয়না লৌফম থোকই। জি২০দা লম পুম্নমক্তা অমত্তা ওইনা য়ানবা পুরক্নবা অমসুং অফবা ফলশিং পুরক্নবা মতিক ময়াই লৈ হায়না ফোঙদোক্লদুনা প্রধান মন্ত্রীনা হায়খি “মালেমনা জি২০বু গ্রোথকী শীংনবশিং কোকহন্নবা, দিবেলপমেন্ত পুরক্নবা, ইকনোমিক রেজিলিএন্স লৈহন্নবা, দিজাস্তর রেজিলিএন্স ওইহন্নবা, ফাইনান্সিএল স্তেবিলিতী লৈহন্নবা, ত্রান্সনেস্নেল ক্রাইম কোকহন্নবা, শেঞ্জা-থুমজা, তেরোরিজম লৈহনদনবা, অমসুং ফুদ অমদি ইনর্জী সেক্যুরিতী লৈহন্নবা থাজবা থম্লি”। মহাক্না হায়খি মদুদি ঐখোয়না কোকহনবা ঙম্বা সমস্যাশিংগী লম্বেলদা ঐখোয়না পুন্না কোকহনবা ঙমলোইদবা সমস্যাশিং লাকহল্লোইদবনি। গান্ধী অমসুং বুদ্ধগী লমদমদা মীফম অসি পাঙথোক্লি হায়রদুনা প্রধান মন্ত্রীনা এক্সিলেন্সীশিংদা ঐখোয়বু তোখাই-তোখাই তাহল্লিবশিংদা মীৎয়েং থম্বগী মহুৎ ঐখোয়বু পুনশিল্লিবদা মীৎয়েং থম্বগী ভারতকী সভ্যতাগী চৎনবী অসিদদগী ইথিল লৌনবা হায়খি।
মহৌশাগী খুদোংথিবশিং অমসুং মালেম্না মায়োক্নখিবা তমথিরবা লাইচৎনা মরম ওইদুনা মীওই কয়াগী পুন্সি মাংখিবগী মতাংদা পল্লদুনা প্রধান মন্ত্রীনা গ্লোবেল সপ্লাই চেনশিংনা অৱাবা অমদি খুদোংথিবা মতমদা করম্না তৎখিবগে হায়না ফোঙদোকখি। স্তেবল ওইবা ইকনোমীশিং অসি খঙহৌদনা শেন্দোন অমসুং ফাইনান্সিএল ক্রাইসিস নংখিবা অসিগী মতাংদা প্রধান মন্ত্রীনা ঐখোয়গী খুন্নাইশিং, ইকনোমীশিং, হেল্থকিয়র সিস্তেমশিং অমসুং ইনফ্রাস্ত্রকচরদা রেজিলিএন্স ওইহনবা মথৌ তাই হায়খি। প্রধান মন্ত্রীনা হায়, “জি২০না নাকল অমদা গ্রোথ অমসুং ইফিসিএন্সী অমদি অমরোমদা রেজিলিএন্সকী মরক্তা অফবা বেলেন্স অমা পুরক্নবা হোৎনবদা অচৌবা থৌদাং লৈ”। মহাক্না মসিগী বেলেন্স অসি পুন্না থবক তৌরবা মতমদা হেন্না লাইনা ফংবা ঙমগনি হায়খি। ৱারোল পীবা লোইশিনবদা প্রধান মন্ত্রীনা অপুনবা লৌশিল অমসুং তৌবা ঙম্বদা থাজবা থমখি অমসুং ঙসিগী মীফম অসিনা কান্নবা, ইনক্লুসি অমসুং এক্সন-ওরিয়েন্তেদ ওইরক্কনি অমসুং খেন্নবশিং অদু তুংওইনরম্লগা ফিরেপশিং লৌবা ঙমগনি হায়না আশা তৌখি।
India's theme of ‘One Earth, One Family, One Future’ for its G20 Presidency, signals the need for unity of purpose and unity of action. pic.twitter.com/ZfaRaqAUtH
— PMO India (@PMOIndia) March 2, 2023
We must all acknowledge that multilateralism is in crisis today. pic.twitter.com/5PZooUANTY
— PMO India (@PMOIndia) March 2, 2023
India’s G20 Presidency has tried to give a voice to the Global South. pic.twitter.com/lDg6gjvgxX
— PMO India (@PMOIndia) March 2, 2023
G20 has capacity to build consensus and deliver concrete results. pic.twitter.com/gKJdpvb0kF
— PMO India (@PMOIndia) March 2, 2023
