"অদোম্না থাজবা, খাঙবা কনবা অমদি হান্নগী ফীভমদা হঙ্গৎলকপগী খুদম্নি"
"অদোমগী প্রোফেস্নেলিজম্না ঐবু পুক্নিং থৌগৎলি"
"খুদোংচাদ্রবশিংবু শৌগৎপিনবা ৱাখল্লোন অমদি চাং হন্থদনা, লেপ্পা লৈতনা অমদি অচেৎপা খোঙফমদা চঙশিল্লকপনা লৈঙাক্লোন্দসু পুশিল্লকই"
"লৈঙাক্না নেস্নেল কম্মিসন ফোর এলাইদ এন্দ হেল্থকেয়র প্রোফেস্নেল্স বিল পুথোরকপগা লোয়ননা ফীজিওথেরাপিস্তশিংনা মতম কুইনা ঙাইদুনা লৈরকপা শিনফম অমা ওইনা শকখঙবিবগী ফীভম ফংলে"
"অচুম্বা ফিদুপ, অচুম্বা হৈনবী, অচুম্বা শাজেলগী মরমদা মীয়ামদা তাকপি তম্বিয়ু"
"য়োগগী হৈশিংবগা ফীজিওথেরাপিস্তকী হৈশিংবগা পুনশিল্লকপা মতমদা, মসিগী মতিক শরুক কয়া থোক্না হেনগৎলকই‍।
"তর্কিয়েগী য়ুহা হাবনচিংবা ফীভমদা ফীজিওথেরাপিস্তশিংগা ভিদিও কন্সল্তেসন তৌবা কান্নগনি"
"ভারতনা মশা মউ ফনা অমদি খ্বায়দগী ফবা মওংদা লৈগনি হায়না ঐনা চপ চানা থাজৈ"

প্রধান মন্ত্রী, শ্রী নরেন্দ্র মোদীনা ঙসি ইন্দিয়ন এসোসিএসন ওফ ফীজিওথেরাপিস্ত (আই.এ.পি.)গী ৬০শুবা নেস্নেল কন্ফরেন্সতা ভিদিও পাউজেলগী খুত্থাঙদা ৱা ঙাঙখ্রে‍।

থৌরমদুদা ৱা ঙাঙলদুনা, প্রধান মন্ত্রীনা পুক্নিং ফাথবিবা, থাজবা, খাঙবা কনবা অমদি হান্নগী ফীভমদা হঙ্গৎলকপগী খুদম ওইবদা ফীজিওথেরাপিস্তশিংগী মরুওইববু শিংথাখি‍। ফীজিওথেরাপিস্ত অমনা হকচাঙদা শোকপা পনববু লায়েংবতা নত্তনা অনাবা মীওইদুদা ৱাখলদা শিংনবগা লোয়ননা থেংননবা থৌনাসু হাপ্লি হায়না মহাক্না হায়খি‍।

প্রধান মন্ত্রীনা ফীজিওথেরাপিস্ত শিন্ফমগী প্রোফেস্নেলিজমবু থাগৎখি অমদি মথৌ তারকপা মতমদা ঙাক্লৌ পীবগী অদুগুম্বা ৱাখল্লোন অদুনা লৈঙাক্লোন্দসু কমদৌনা মরা তারকপগে হায়বা ৱাফম শন্দোক্না থমখি‍। বেঙ্ক একাউন্ত, তোইলেৎ, তোতী ঈশিং, লেম্না লায়েংবিবা অমদি সোসিএল সিক্যুরিতী নেৎ শেমগৎপনচিংবা তঙায় ফদনা চঙদ্রবা য়াদ্রবা হীরমশিংদা ঙাক্লৌ পীবগা লোয়ননা, লৈবাকসিগী লায়রবা অমদি মিদ্দল ক্লাসকী মীওইশিংনা মঙ মঙনবগী থৌনা ফংলি‍। “মখোয়গী মতিংগা লোয়ননা মখোয়না অনৌবা পন্দোলশিং লোম্বা ঙমগনি হায়বা ঐখোয়না মালেমগী মফমদা উৎলে”, হায়না প্রধান মন্ত্রীনা মখা তাখি‍।

মতৌ অসুম্না, অনাবশিংদা মরোমদোম লেপচবগী থৌনা হাপ্লিবা শিনফম অসিগী মতিক ময়াইশিং পল্লদুনা, ভারতসু আত্মনিরভরতাগী মায়কৈদা চঙশিল্লি হায়না মহাক্না হায়খি‍। অনাবা অমদি দোক্তর অনিমক্না পুন্না হোৎনমিন্নবা চঙবনা মরম ওইরগা শিনফম অসিনা ‘সবকা প্রয়াস’কী থৌওংবুসু তাক্লি অমদি মসিমক স্বচ্ছ ভারত অমদি বেতী বচাওনচিংবা মীয়ামগী ঈহৌ ওইরিবা স্কীম কয়াদা মমি তারি হায়না প্রধান মন্ত্রীনা ফোঙদোকখি‍।

প্রধান মন্ত্রীনা লৈঙাক্লোনগী খুজিল থৌরাংশিংদসু য়াম্নমক মরুওইরিবা চাং কায়হন্দনা থম্বা, লেপ্পা নাইদনা হোৎনবা অমদি অচেৎপা ফীরেপকী মরুওইবা পাউজেলশিং পুরিবা ফীজিওথেরাপীগী ৱাখল্লোনবুসু শিংথাখি‍।

প্রধান মন্ত্রীনা, অজাদী কা অমৃৎ মহোৎসব অসিদা, লৈবাকসিগী হেল্থকেয়র সিস্তেমদা ফীজিওথেরাপিস্তশিংনা লৌরিবা থৌদাংবু শকখঙলিবা নেস্নেল কম্মিসন ফোর এলাইদ এন্দ হেল্থকেয়র প্রোফেস্নেল্স বিল লৈঙাক্না পুথোরকপসিনা ফীজিওথেরাপিস্তশিংনা মতম কুইনা ঙাইদুনা লৈরক্লবা মখোয়গী শিনফমবু শকখঙবিবগী ফীভম অদু ফংলে হায়খি‍। “মসিনা ময়াম পুম্নমকপু ভারত্তা অমদি মপান লৈবাকশিংদা থবক তৌবদা হেন্না লায়হল্লে‍। লৈঙাক্না ফীজিওথেরাপিস্তশিংবু অয়ুস্মান ভারত দিজিতেল মিসন নেৎৱর্ক্তসু হাপচিল্লে‍। মসিনা অদোমবু অদোমগী অনাবশিংগী মনাক্তা য়ৌশিনবদা হেন্না লায়থোকহল্লে”, হায়না শ্রী মোদীনা হায়খি‍। প্রধান মন্ত্রীনা ফিৎ ইন্দিয়া মুভমেন্ত অমদি খেলো ইন্দিয়াগী ফীভমসিদা ফীজিওথেরাপিস্তশিংগী হেনগৎলক্লিবা খুদোংচাবশিংগী মতাঙদসু পনখি‍।

প্রধান মন্ত্রীনা ফীজিওথেরাপিস্তশিংগী মফমদা মীয়ামদা অচুম্বা ফিদুপ, অচুম্বা হৈনবী অমদি অচুম্বা শাজেলগী মরমদা তাকপি তম্বিনবা থৌদাং য়ানবা হায়খি‍। “মীয়াম্না মশা মউ ফনা লৈনবগীদমক অচুম্বা পরিংদা চঙশিনবা মরুওই‍। অদোম্না হায়রিবা অসি আর্তিকল অমদি লেকচরনচিংবশিংগী খুত্থাঙদা পাঙথোকপা য়াই‍। অদুগা ঐগী নহা ওইরিবা মরূপশিংনদি মসি রীলগী খুত্থাঙদা তৌবা য়াই”, হায়না মহাক্না হায়খি‍।

ফীজিওথেরাপীগী মতাঙদা মহাক্না হকথেংননা থেংনরকপশিংগী মতাঙদা পল্লদুনা, প্রধান মন্ত্রীনা হায়খি “য়োগগী হৈশিংবগী ফীজিওথেরাপিস্তকী হৈশিংবগা পুনশিল্লকপা মতমদা মসিগী মতিক অসি শরুক কয়া হেনগৎলি হায়বসি ঐনা থেংনরগা লাক্লবা ৱাফম্নি‍। ফীজিওথেরাপী মথৌ তাগদবা হকচাংগী কম্মন ওইবা প্রোব্লেমশিং য়োগগী মতেংনা ফহনবসু করিগুম্বদসু য়াওই‍। মরম অসিনা অদোম্না ফীজিওথেরাপীগা লোয়ননা য়োগগী মরমদসু খঙজিনবা তাই‍। মসিনা অদোমগী শিনফমগী মতি হেন্না হেনগৎহনগনি‍।”

ফীজিওথেরাপী শিনফমগী অচৌবা শরুক অমগা অহলশিংগা মরী লৈনবা মরম্না, প্রধান মন্ত্রীনা হৈ-শিংবা অমদি মী লোয়নবা হৈবগী মথৌ তাবা ৱাফমশিং থমখি অমদি মদুগী মওং মতৌশিং দোকুমেন্ত তৌদুনা একাদমিক পেপর অমদি প্রজেন্তেসনগী মওংদা মালেমগী মাঙদা পুথোরক্নবা ৱাফম থমখি‍।

“শ্রী মোদীনা শিনফমসিদা লৈরিবা মীওইশিংদা ভিদিও কন্সল্তিং অমদি তেলি-মেদিসিনগী পাম্বৈশিং শেমগৎনবা ৱাফমসু থমখি‍। মসিনা ফীজিওথেরাপিস্ত মশিং য়াম্না মথৌ তাবা তর্কিয়েগী য়ুহা হাবগুম্বা ফীভমদা কান্নরক্কনি অমদি ভারতকী ফীজিওথেরাপিস্তশিংনা মোবাইল ফোনগী খুত্থাঙদা মতেং পাংবা ঙমগনি হায়রদুনা ফীজিওথেরাপিস্ত এসোসিএসনগী মফমদা মায়কৈ অসিদা ৱাখল থাদবিনবা ৱাফম থমখি‍। “অদোমগুম্না হৈথোই শিংথোইরবশিংগী লুচিং মখাদা, ভারতনা মশা মউ ফনা অমদি খ্বায়দগী ফবা মওংদা লৈগনি হায়না ঐনা চপ চানা থাজৈ”, হায়রদুনা প্রধান মন্ত্রীগী ৱারোল লোইশিনখি‍।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Union Budget gives a leg-up to MSMEs, manufacturing sector

Media Coverage

Union Budget gives a leg-up to MSMEs, manufacturing sector
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 জুলাই, 2024
July 23, 2024

Budget 2024-25 sets the tone for an all-inclusive, high growth era under Modi 3.0