প্রধান মন্ত্রী, শ্রী নরেন্দ্র মোদীনা মহাক্কী ৱারোল অমদা হিমাচল প্রদেশ শেমখিবগী চহি ৭৫ মপুং ফাবা নুমিৎসিদা রাজ্যসিগী মীয়ামদা য়াইফ পাউজেল পীখ্রে অমসুং নীংতম্বগী চহি ৭৫ মপুং ফাবগী মতমদা রাজ্য শেমখিবগী ৭৫শুবা নুমিৎ তাবগী য়াইফরবা তান চান্নবা অসিদা নুংঙাইবা ফোংদোকখ্রে। নীংতম্বগী অমৃত মহোৎসবকী মনুংদা চাউখৎপগী মঙালবু রাজ্যসিগী মীপুম খুদিংদা য়ৌহন্নবা খোঙফম চেৎপবু মহাক্না অমুক হন্না নীংশিংখি।
প্রধান মন্ত্রীনা মশাগী ৱাখল্লোন ফোংদোক্লদুনা শ্রী অতল বিহারী ভাজপায়না ইরম্বা শৈরেং অমা পন্দুনা থৌজাল লৈবা অমসুং ৱাখল চেৎপা মীয়াম্না খুন্দাবা নীংথিরবা রাজ্য অসিগা মহাক্কা মতম শাংনা মরী লৈনরম্ববু নীংশিংখি।
ইং ১৯৪৮দা চিংগী রাজ্য অসি শেমখিবদা থেংনখিবা খুদোংচাদবা কয়া নীংশিংলদুনা, প্রধান মন্ত্রীনা হিমাচল প্রদেশকী মীয়াম্বু শিংনবশিংবু খুদোংচাবদা ওন্থোকপগীদমক্তা থাগৎপা ফোংদোকখি। মহাক্না রাজ্য অসিনা হোর্তিকলচর, মৈ হেন্না পুথোকপা, ইবা-পাবা হৈবগী চাং, খুঙ্গংগী লম্বী শোরোকশিংনা মফম কয়া শম্নহনবা, য়ুম্থোং খুদিংদা তোতি ঈশিং অমসুং মৈ ফংহনবগী মতাংদা মায় পাকপা ফংবগীদমক্তা থাগৎখি। হায়রিবা মায় পাকপশিং অসি ফংনবগীদমক্তা মমাংগী চহি ৭-৮দা হোৎনখিবা কয়াদা মহাক্না মিৎয়েং চঙখি। “নহা ওইরিবা জাই রামজীগী লুচিং মখাদা, ’দবল ইঞ্জিন সরকার’না খুঙ্গংগী শোরোক পাকথোক চাউথোকপা, হাইৱে পাকথোকপা, রেলৱে নেতৱর্ক্কী খোঙথাংশিং পায়খৎখি অমসুং মহৈশিং হৌজিক উবা ফংলে। কন্নেক্তিবিতীনা অসুম-অসুম ফগৎলকপগা লোয়ননা, হিমাচলগী তুরিজম্না অনৌবা মফমদা চঙশিনবা ঙম্লে”, হায়না প্রধান মন্ত্রীনা হায়খি।
তুরিজমদা অনৌবা খোঙথাং থাংজিল্লক্লিবা অমসুং লমদমসিগী মীয়ামগী খুদোংচাবা অমসুং থবক্কী অনৌবা থোঙ কয়া হংলক্লিবা অসিদা প্রধান মন্ত্রীনা মিৎয়েং চঙখি। লাইচৎ মনুংদা খোঙজেল য়াঙনা অমসুং নীংথিজনা পাংথোকখিবা তিকা থাবগী থৌওংগী মতাংদা হায়রদুনা মহাক্না রাজ্যসিনা হকশেলগী সেক্তরদা চাউখৎপা ফংলিবা অসিগী মতাংদা অখন্ননা পনখি।
হিমাচল প্রদেশকী তসেংবা মতিক হাংদোকপা ঙম্ববগীদমক্তা হোৎনবগী কনবগী তঙাই ফদবা লৈরিবসিগী মতাংদা প্রধান মন্ত্রীনা মরু ওইনা পনখি। তুরিজম, অৱাংবা থাক্কী মহৈ-মশিং তম্বা, রিসর্চ, আই.তি., বাইওতেক্নোলোজী, ফুদ প্রোসেসিং অমসুং নেচরেল ফার্মিংগী হীরমশিংদা পায়খৎলিবা থবকশিংবু অমৃতগী মতমসিদা মখা তানা চত্থবগী তঙাই ফদবা লৈ হায়না মহাক্না পনখি। হন্দক্কী চহিগী বজেত্তা লাউথোকখিবা ভাইব্রেন্ত ভিলেজ স্কিম্না হিমাচল প্রদেশতা কান্নবা য়াম্না পীগনি হায়না মহাক্না হায়খি। কন্নেক্তিবিতী হেনগৎলক্লিবা, উমংশিং হেন্না ফগৎহল্লিবা, লু-নানবা অমসুং খোঙথাংশিং অসিদা মীয়াম্না শরুক য়ারিবশিংগী মতাংদসু মহাক্না পনখি।
মুখ্য মন্ত্রী অমসুং মহাক্কী কাঙবুনা কেন্দ্রগী য়াইফ য়ুম্বালগী স্কিমশিংবু, মরু ওইনা সোসিএল সেক্যুরিতীগী মতাংদা, হেন্না পাকথোক চাউথোকহল্লিবা অসিগী মতাংদা প্রধান মন্ত্রীনা ৱাফম থমখি। “পুকচেল শেংনা লুচিংবা, শান্তি পামজবা অকোয়বগী ফিভম, লাইনীংথৌ লাইরেম্বীশিংনা থৌজানবা অমসুং শুবা-নোম্বা কনবা হিমাচলগী মীয়াম, হায়রিবশিং অসিগা চাংদম্ননীংঙাই লৈতে। খোঙজেল য়াঙনা চাউখৎপগী তঙাই ফদবা হীরম খুদিং হিমাচলদা লৈ”, হায়রদুনা শ্রী মোদীনা মহাক্কী ৱারোল লোইশিনখি।
हिमाचल दिवस पर देवभूमि के सभी लोगों को हार्दिक शुभकामनाएं।
— PMO India (@PMOIndia) April 15, 2022
ये बहुत सुखद संयोग है कि देश की आजादी के 75वें वर्ष में, हिमाचल प्रदेश भी अपना 75वां स्थापना दिवस मना रहा है: PM @narendramodi
1948 में जब हिमाचल प्रदेश का गठन हुआ था तब पहाड़ जितनी चुनौतियां सामने थीं।
— PMO India (@PMOIndia) April 15, 2022
छोटा पहाड़ी प्रदेश होने के कारण, मुश्किल परिस्थितियों, चुनौतीपूर्ण भूगोल के चलते संभावनाओं के बजाय आशंकाएं अधिक थीं।
लेकिन हिमाचल के मेहनतकश, ईमानदार, कर्मठ लोगों ने इस चुनौती को अवसरों में बदल दिया: PM
हिमाचल में जितनी संभावनाएं हैं, उनको पूरी तरह से सामने आने लाने के लिए अब हमें तेज़ी से काम करना है।
— PMO India (@PMOIndia) April 15, 2022
आने वाले 25 वर्ष में हिमाचल की स्थापना और देश की आज़ादी के 100 वर्ष पूरे होने वाले हैं।
ये हमारे लिए नए संकल्पों का अमृतकाल है: PM @narendramodi
