“লাইনিং অমদি স্পিসিচুএলিতদগী তুরিজম ফাওবদা, লৌউ-শিংউদগী মহৈ মশিং অমদি স্কিল দিভেলপমেন্ত ফাওবদা, মধ্য প্রদেশ অসি অঙকপা লমথুংফম অমনি”
“মালেমগী শেন্মিৎলোন খোঙ্গুল লীরিবা ইনস্তিত্যুসনশিং অমদি থাজবা য়াবা খোঞ্জেলশিংনা ভারত্তা হান্না খন্নরুদবা মওংদা থাজবা থম্লি”
“’রিফোর্ম, ত্রান্সফোর্ম অমদি পর্ফোর্ম’ লম্বীদা ভারতনা ২০১৪দগী হৌনা চত্তুনা লাক্লি”
“মরা চেৎপা লৈঙাক অমা, ফিরেপ চেৎপা লৈঙাক অমা, অচুম্পা পান্দমগা লোয়ননা চলাইরিবা লৈঙাক অমনা খন্নরুদবা খোঙজেলদা চাওখৎপা পুরকপা উৎলি”
“অখন্নবা ফ্রৈৎ কোরিদোরশিং, ইন্দস্ত্রিএল কোরিদোরশিং, এক্সপ্রেসৱেশিং, লোজিস্তিক পার্কশিংনা অনৌবা ভারতকী শক্তম ওইরক্লি”
“পি.এম. গতিশক্তী অসি নেস্নেল মাস্তর প্লানগী শক্লোন লৌখ্রবা ভারতকী ইনফ্রাস্ত্রকচর শেমগৎপগী লৈবাক্কী ওইবা ফম্বাক অমনি”
“ঐখোয়না ভারতকী মালেমগী খ্বাইদগী হিদান্নবা য়াবা লোজিস্তিক মার্কেৎ অমা ওইহন্নবগী পান্দমদা ঐখোয়গী নেস্নেল লোজিস্তিক্স পোলিসী পায়খৎলে”
“ঐনা এম.পি.দা লাকপিরিবা ইনভেস্তরশিংগী মফমদা পি.এল.আই. স্কীমগী কান্নবা য়ারিবমখৈ লৌবিনবা ৱাফম থমজরি”
সম্মিৎ অসিদা মধ্য প্রদেশতা লৈরিবা খেন্নবা লমদা শেল থাদনবগী খুদোংচাবশিং উৎকদৌরি‍।

প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশগী ইন্দোরদা পাঙথোকপা গ্লোবেল ইনভেস্তর্স সম্মিত্তা ভিদিও পাউজেলগী খুত্থাঙদা ৱা ঙাঙখ্রে‍। সম্মিৎ অসিদা মধ্য প্রদেশতা লৈরিবা খেন্নবা লমদা শেল থাদনবগী খুদোংচাবশিং উৎকদৌরি‍।

তিল্লিবা মীয়ামদা ৱা ঙাঙলদুনা, প্রধান মন্ত্রীনা ইনভেস্তরশিং অমদি ওন্ত্রপ্রিন্যুরশিংবু তরাম্না ওকখি অমদি চাওখৎপা ভারত অমা শেমগৎপদা মধ্য প্রদেশনা লৌরিবা শক্লোনগী মরমদা ৱাফম কয়া থমখি‍। “লাইনিং অমদি স্পিসিচুএলিতদগী তুরিজম ফাওবদা, লৌউ-শিংউদগী মহৈ মশিং অমদি স্কিল দিভেলপমেন্ত ফাওবদা, মধ্য প্রদেশ অসি অঙকপা লমথুংফম অমনি” হায়না মহাক্না হায়খি‍। প্রধান মন্ত্রীনা সম্মিৎ অসি ভারতকী অমৃৎ কাল হৌরকপগী সনা ফুদোংবা অমদি ঐখোয়না চাওখৎপা ভারত অপা শেম্নবগী পুন্না হোৎনমিন্নরিবা চহিসিদা পাঙথোক্লি হায়বা ৱাফম থমখি‍। “ঐখোয়না চাওখৎপা ভারত অমা হায়বা মতমদা, মসি ঐখোয়গী অনিংবা অপাম্বখক নত্তে, মসি ভারত মচা পুম্বগী খোঙফম্নি”, হায়না প্রধান মন্ত্রীনা ফোঙদোক্লদুনা মালেমগী লূপ অমদি এক্সপর্ত খুদিংমক্না ভারত মচাশিংদা উৎলিবা থাজব অসিগীদমক্তা নুংঙাইবা ফোঙদোকখি‍।

মালেমগী লূপশিংনা উৎলিবা থাজবশিংগী খুদম পীরদুনা, প্রধান মন্ত্রীনা মালেমগী শেন্মিৎলোন্দান ভারতপু তরং তরংবা মফম অমা ওইনা উরিবা আই.এম.এফ., অমদি মালেমগী লৈবাক অতৈদগী ভারতনা হেন্না মালেমগী হোংলক্লিবা শাহুম অসিবু থেংনবা ঙমগদবা হেন্না ফবা ফীভমদা লৈ হায়না মমাঙদা ফোঙদোকখিবা ৱর্ল্দ বেঙ্ককী ৱাফমশিং থমখি‍। প্রধান মন্ত্রীনা ভারতকী কল্লবা মেক্রোইকনমিক ফন্দামেন্তেলশিংবু শিংথাখি অমদি চহি অসিগী জি-২০দা ভারত অসি খ্বায়দগী খোঙজেল য়াঙনা চেনখৎলক্লিবা শেন্মিৎলোনশিংগী মরক্তা অমনি হায়না ফোঙদোকখিবা ও.ই.সি.দিগী মতাঙদসু পনখি‍। মোর্গন স্তেন্লীগী ৱারোল পল্লদুনা, প্রধান মন্ত্রীনা ভারত অসি লাক্কদৌরিবা চহি ৪-৫সিদা মালেমগী অহুমসুবা খ্বায়দগী চাওবা শেন্মিৎলোন ওইরক্নবগী লম্বীদা চঙশিল্লি হায়খি‍। মেককিন্সীগী সি.ই.ও.না চৎলিবা দিকেৎ অসিখক নত্তনা চহিচা অসিমক ভারতকীনি হায়বা ৱাফমসু মহাক্না মখা তানা ফোঙদোকখি‍। “মালেমগী শেন্মিৎলোন খোঙ্গুল লীরিবা ইনস্তিত্যুসনশিং অমদি থাজবা য়াবা খোঞ্জেলশিংনা ভারত্তা হান্না খন্নরুদবা মওংদা থাজবা থম্লি” হায়রদুনা “মালেমগী ইনভেস্তরশিংদসু হায়রিবা ৱাখল্লোন অসিমক লৈ” হায়না প্রধান মন্ত্রীনা ফোঙদোকখি‍। প্রধান মন্ত্রীনা মমিং লৈরবা ইন্তরনেস্নেল বেঙ্ক অমনা তৌখিবা সর্ভে অমদা ইনভেস্তর অয়াম্বনা ভারতপু মখোয়গী ইনভেস্তমেন্তকী লমথুংফম ওইনা লৌনৈ হায়বা ৱাফম ফংখিবগী মতাঙদা মখা তানা পাউদমখি‍। “ঙসি ভারতনা রেকোর্দ থুগায়বা মওংগী এফ.দি.আই. ফংলি‍। ঐখোয়গী ইরক্তা ময়াম্না তিল্লরিবা অসিমক্তদসু হায়রিবা ফীভম অসিগী মমি তারি” হায়না প্রধান মন্ত্রীনা মখা তাখি‍। পুম্নমক অসি লৈবাকসিনা উৎলিবা মপাঙ্গল কল্লবা দিমোক্রেসী, নহা ওইরিবা দিমোগ্রাফী অমদি অকনবা ওপ্তিমিজমগীদমক ভারতকী মরা চেৎপা রাজনিতীগী ফীভমশিংনা ওইথোকহনবনি হায়রদুনা মহাক্না ইজ ওফ লিভিং অমদি ইজ ওফ বিজিনেস হেনগৎহল্লিবা ভারতকী ফিরেপশিংগী মরমদ ৱাফম কয়া ফোঙদোকখি‍।

‘আত্মনিরভর ভারত’ কেম্পেনগী মতাঙদা ফোঙদোক্লদুনা, প্রধান মন্ত্রীনা ভারত অসি ২০১৪দগী হৌরগা ‘রিফোর্ম, ত্রান্সফোর্ম অমদি পরফোর্ম’গী লম্বীদা চঙশিল্লিবা পুক্নিং চিংশিন্নিংঙাই ওইরবা ইনভেস্তমেন্তকী লমথুংফম অমা ওইরে হায়বা ৱাফম থমখি‍। “চহিচা অমদা অমুকখক লাকপা লাংফমগী মতমদা ফাওবা, ঐখোয়না রিফোর্মগী লম্বীদা চঙশিনখি”, হায়না প্রধান মন্ত্রীন হায়খি‍।

রিফোর্মগী খোঙজেল অমদি পাক চাওবা লেপ্পা লৈতনা হেনগৎলক্লিবা হৌখিবা চহি নিপানগী মরমদা ৱাফম কয়া থম্লদুনা প্রধান মন্ত্রীনা “মরা চেৎপা, খোঙফম চেৎবা অমদি অচুম্বা পান্দমগা লোয়ননা চলাইরিবা লৈঙাক অমনা খন্নরুদবা খোঙজেলদা চাওখৎপগী ফীভম উৎলি”, হায়খি‍। প্রধান মন্ত্রীনা বেঙ্কিং সেক্তরদা রিকেপিতেলাইজেসন অমদি গভর্নেন্স ফগৎহনবা, আই.বি.সি.গুম্বা মোদর্ন রিজোলুসন ফ্রেমৱর্ক অমা শেমগৎপা, জি.এস.তি.গী মওংদা ৱন নেসন, ৱন তেক্সকী সিস্তেম শেমগৎপা, কোর্পোরেৎ তেক্সপু মালেমগী চাংদম্নবা য়াবা ফীভম ওইহনবা, সোভেরেন ৱেল্থ ফন্দশিং অমদি পেন্সন ফন্দশিংদগী তেক্স কোকপিবা, সেক্তর কয়াদা ওতোমেতিক রুৎকী পরিংদা ১০০% এফ.দি.আই. য়াহনবা, অচম্বা শেন্মিৎলোনগী অশোয়বশিং দিক্রিমিনেলাইজ তৌবা, অমদি রিফোর্মশিংগী খুত্থাঙদা ইনভেস্তমেন্তকী লম্বীদা লৈরম্বা খুরৌশিং লৌথোকপগামরী লৈনবা রিফোর্মশিংগী খুদমশিং পীখি‍। মহাক্না ভারতকী লনাই সেক্তরগী মপাঙ্গলদা চপ চানা থাজবা থম্লিবা ফীভমগী মরমদা ৱাফম কয়া থম্লদুনা দিফেন্স, মাইনিং অমদি স্পেসনচিংবা স্ত্রেতেজিক সেক্তর কয়া লনাই প্লেয়রশিংগীদমক হাংদোক্লে হায়না পাউদমখি‍। অচৌবা খোঙথাঙ অমা ওইনা লেবর লো দজন কয়া কোদ ৪দা পুনশিল্লে‍। প্রধান মন্ত্রীনা কম্প্লাইএন্সকী পোৎলুম হন্থহন্নবা কেন্দ্র অমদি স্তেতকী থাক্তা খন্নরুদবা চাংদা হোৎনরিবশিংবু শিংথাখি অমদি হৌখিবা চহি খরসিদা কম্প্লাইএন্স ৪০,০০০রোম লৌথোকখ্রে হায়না পাউদমখি‍। “নেস্নেল সিঙ্গল ৱিন্দো সিস্তেম লাকপগা লোয়ননা, সিস্তেম অসিগী মখাদা হৌজিক ফাওবদা অপ্রুভেল লিশিং ৫০রোম পীখ্রে”, হায়না প্রধান মন্ত্রীনা মখা তাখি‍।

ইনভেস্তমেন্তকী পোজিবিলিতীশিং হেনগৎহল্লিবা লৈবাকসিগী মোদর্ন অমদি মল্তিমোদেল ইনফ্রাস্ত্রকচর দিভেলপমেন্তশিংগী মরমদা পল্লদুনা, প্রধান মন্ত্রীনা লৈবাকসিগী মথৌ তৌবা এয়রপোর্ত মশিংগা লোয়ননা নেস্নেল হায়ৱে শেমগৎপগী খোঙজেল হৌখিবা চহি ৮সিদা শরুক অনি হেনগৎলে হায়না পাউদমখি‍। প্রধান মন্ত্রীনা ভারতকী হিথাংফমশিংগী হেনদ্লিং কেপাসিতী অমদি তর্নএরাউন্দ তাইমদা খন্নরুদবা মওংদা ফীভম ফগৎলকপা ৱাফমসু পনখি‍। “অখন্নবা ফ্রৈৎ কোরিদোর, ইন্দস্ত্রিএল কোরিদোর, এক্সপ্রেসৱে, লোজিস্তিক পার্ক, হায়রিবশিং অসিনা অনৌবা ভারতকী শক্তম ওইরক্লি”, হায়না প্রধান মন্ত্রীনা হায়খি‍। পি.এম. গতিশক্তীগী মরমদা পল্লদুনা, প্রধান মন্ত্রীনা মসি নেস্নেল মাস্তর প্লানগী শক্লোন লৌখ্রবা ভারতকী ইনফ্রাস্ত্রকচর শেমগৎপগী নেস্নেল প্লেৎফোর্ম অমনি হায়বা ৱাফম থমখি‍। প্লেৎফোর্ম অসিদা লৈঙাক, এজেন্সীশি, অমদি ইনভেস্তরশিংগা মরী লৈনবা অপদেৎ তৌরবা দেতাশিং ফংই হায়না মহাক্না মখা তাখি‍। “ভারতবু মালেমগী খ্বাইদগী হিদান্নবা য়াবা লোজিস্তিক মার্কেৎ ওইহন্নবা পান্দমদা ঐখোয়না ঐখোয়গী নেস্নেল লোজিস্তিক্স পোলিসী পায়খৎলে” হায়না প্রধান মন্ত্রীনা মখা তানা ফোঙদোকখি‍।

প্রধান মন্ত্রীনা লৈবাকসিগী দিজিতেল ইনফ্রাস্ত্রকচরগী মরমদসু পনখি অমদি ভারত অসি স্মার্তফোন দেতা শীজিন্নবা, গ্লোবেল ফিনতেক, অমদি আই.তি.-বি.পি.এন. আউতসোর্সিং দিস্ত্রিব্যুসন্দা অহানবা মফম কল্লি হায়না পাউদমখি‍। ভারত অসি মালেমগী অহুমশুবা খ্বাইদগী চাউবা এভিএসন অমদি ওতো মার্কেৎনি হায়বা ৱাফমসু মহাক্না থমখি‍। মালেমগী চাওখৎপগী মথংগী তাঙ্কক্কী মরুওইবা ৱাফমশিং থম্লদুনা, প্রধান মন্ত্রীনা নাকল অমদা ভারতনা খুঙ্গঙ খুদিংদা ওপ্তিকেল ফাইবর তিংলি, অদুগা নাকল অমদনা ৫জি নেৎৱর্ক থুনা পাকথোক চাউথোকহল্লি হায়খি‍। ৫জি, ইন্তরনেৎ ওফ থিংস অমদি এ.আই.গী মতেঙগা লোয়ননা ইন্দস্ত্রী অমদি কঞ্জ্যুমর খুদিংমক্কীদমক অনৌবা খুদোংচাবশিং শেমগৎলি  অমদি মসিনা ভারতকী চাওখৎ খোঙজেল হেন্না য়াঙ্খৎহল্লগনি হায়না মহাক্না হায়খি‍।

মেনুফেকচরিংগী তাইবংদা ভারতকী খোঙজেল য়াঙনা চেনখৎলক্লিবা মতিংগী মতাঙদা ৱাফম কয়া থম্লদুনা, প্রধান মন্ত্রীনা লুপা করোর লাখ ২.৫ হেনবগী ইন্সেন্তিবশিং লাউথোকখ্রবা প্রদক্সন লিঙ্ক ইন্সেন্তিব স্কীমশিংনা মসি ওইহল্লকপনি হায়খি‍। মালেম পুম্বদা লৈরিবা মেনুফেকচররশিংগী মরক্তা মসিবু পাম্নরিবা ৱাফম থম্লদুনা, প্রধান মন্ত্রীনা তোঙান তোঙানবা সেক্তরদা হৌজিক ফাওবদা লুপা করোর লাখ ৪ হেনবগী পোত্থোকশিং পুথোকখ্রে অমদি মধ্য প্রদেশতা লুপা করোর চা কয়া থাদখ্রে হায়না পাউদমখি‍। মধ্য প্রদেশপু অচৌবা ফার্মা অমদি তেক্সতাইল হব অমা ওইহনবদা পি.এল.আই. স্কীমগী মরুওইবা ৱাফমশিং মহাক্না থমখি‍। “ঐনা এম.পি.দা লেঙবিরক্লিবা ইনভেস্তরশিংগীম ফমদা পি.এল.আই. স্কীমগী কান্নবা য়ারিবমখৈ লৌবিনবা ৱাফম থমজরি”, হায়না প্রধান মন্ত্রীনা আপীল তৌখি‍।

গ্রীন ইনর্জীগী লমদা ভারতকী অনিংবা অপাম্বগী মতাঙদা মরুওইবা ৱাফম থম্লদুনা, প্রধান মন্ত্রীনা লুপা করোর লাখ ৮লোমগী ইনভেস্তমেন্ত পুরক্কদবা গ্রীন হায়দ্রোজেন মিসন নুমিৎ খরনিগী মমাঙদা লৈঙাক্না অয়াবা পীখ্রে হায়না পাউদমখি‍। মসি ভারত্তা ইনভেস্তমেন্তকী পুক্নিং চিংশিন্নবগী তাঞ্জাখক নত্তনা গ্রীন ইনর্জীগী মালেমগী দিমান্দ পীননবগী তাঞ্জানি হায়না মহাক্না হায়খি‍। প্রধান মন্ত্রীনা ইনভেস্তরশিংগী মফমদা কেম্পেন অসিগী মখাদা লুপা করোর লিশিং কয়াগী ওইগদবা ইন্সেন্তিবশং থৌরাং তৌদুনা থম্লবা মরম্না মিসন অসিদা মখোয়না লৌবা য়াবা শক্লোনশিং য়েংবিয়ু হায়খি‍। মহাক্কী ৱারোল লোইশিল্লকপদা, প্রধান মন্ত্রীনা ভারতকা লোয়ননা মালেমগী ওইবা অনৌবা সপ্লাই চেন অমা শেমগৎপগী মথৌ তাবা ৱাফম থম্লদুনা হকশেল, লৌউ-শিংউ, ন্যুত্রিসন, স্কিল অমদি ইনোভেসনগী লমদা লৈরিবা অনৌবা খুদোংচাবশিংগী মরমদা ফোঙদোকখি‍।

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
LIC SHARES ROSE BY 80% IN ONE YEAR

Media Coverage

LIC SHARES ROSE BY 80% IN ONE YEAR
NM on the go

Nm on the go

Always be the first to hear from the PM. Get the App Now!
...
Goa Governor meets PM
July 17, 2024

The Governor of Goa Shri P.S. Sreedharan Pillai met Prime Minister Shri Narendra Modi today.

The Prime Minister's Office (PMO) posted on X:

"Governor of Goa, Shri P.S. Sreedharan Pillai, met Prime Minister @narendramodi today."