ফোরম ফোর ইন্দিয়া পেসিফিক আইলেন্দস কোওপরেসন (ফিপিক)গী অহুমশুবা মীফমগী ৱাংমদা, মে ২২,২০২৩দা পোর্ত মোরেস্বেদা প্রধান মন্ত্রী শ্রী নরেন্দ্র মোদীনা ফিজিগী প্রধান মন্ত্রী সিতিভেনি লিগামামাদা রবুকাগা উনখ্রে। লুচিংবা অনিনা উনবা অসি হন্দক্কী অসিনা অহানবনি। ২০১৪দা মহাক্না ফিজিদা অহানবা ওইনা চৎপদা ফিপিক হৌদোকখিবা অদু প্রধান মন্ত্রীনা নিংশিংখি অমসুং মতম অদুগী হৌনা পেসিফিক ইথৎ লৈবাকশিংগা ভারতকা লৈনরকপা অচেৎ মরীশিং পনখি।
মরুওইবা হিরমশিং হায়বদি কেপাসিতি বিল্দিং হকশেল, ক্লাইমেত এক্সন, রিনিএবল ইনর্জি, লৌউ-শিংউ, লাইরিক-লাইশু অমসুং ইনফোর্মেসন তেক্নোলোজি য়াওনা হিরম কয়াদা লৈবাক অনিগী মরক্তা মতেং পাংনবদা লুচিংবশিংনা অপেনবা ফোঙদোকখি। লমদম অসিগী ওইরক্লিবা ফিবমশিংগী মতাংদা লুচিংবশিংনা মখোয়গী ওইবা ৱাফমশিং ফোঙদোক্নখি অমসুং হিরম কয়াদা মতেং পাংনবা হেনগৎহনবা হায়না য়ানখি। ফিজিগী রাস্ত্রপতি রতু ৱিলিয়ামে মাইভালিলি কাতোনিভেরেগী মহুৎশীন্দুনা, প্রধান মন্ত্রী রবুকানা প্রধান মন্ত্রী মোদীদা ফিজিগী খ্বাইদগী চাউবা মনা কম্পনিয়ন ওফ ওর্দর ওফ ফিজি পীখি। মসিগী মনা অসিগীদমক প্রধান মন্ত্রী মোদীনা ফিজি সরকার অমসুং ফিজি মীয়াম থাগৎপা ফোঙদোকখি অমসুং মনা অসি ভারতকী মীয়াম অমসুং লৈবাক অনিগী মরক্তা অখন্নবা মরী অমা লৈহনবদা অচৌবা থৌদাং লৌরিবা ফিজিদা লৈবা ভারতমচাশিংদা কৎথোকখি।
Delighted to meet PM @slrabuka of Fiji. We had a great conversation on various topics. The relation between India and Fiji has stood the test of time. We look forward to working together to further cement it in the coming years. pic.twitter.com/IfXKyWQMAM
— Narendra Modi (@narendramodi) May 22, 2023
