প্রধান মন্ত্রী শ্রী নরেন্দ্র মোদীগা মোরিসসকী প্রাইম মিনিস্তর দোক্তর নবিনচন্দ্র রামগুলমগা ঙসি নই দিলীদা ইন্দিয়া AI ইম্পেক্ত সম্মিত্তা উনখ্রে। প্রাইম মিনিস্তর রামগুলমনা সেপ্তেম্বর ২০২৫ দা লৈবাক্কী থাক্তা লাকখিবা খোঙচৎ মতুংদা হন্দক্কী খোঙচৎ অসিনা মহাক্কী হৌজিক্কী লৈঙাক্কী মতমদা ভারত্তা লাকপা অনিশুবা খোঙচৎনি। উনখিবা অদু মখোয়না ফেব্রুৱারী ৯, ২০২৬ তা তেলিফোন্দা ৱারী শানখ্রবা মতুংদনি।
লুচিংবা অনিনা এনহেন্স স্ত্রেতেজিক পার্ত্নরসিপগী খোঙজেল অমদি লল্লোন ইতিক অমদি ইনভেস্তমেন্ত, মেরিতাইম সিক্যুরিতী, হকশেল, মহৈ মশৎং অমদি দিজিতেলগী লমদা তেংবাংনবগী লমদা মসিনা পুরক্লিবা মায়কৈ কয়া লোঙনা চৎমিন্নরিবা ফীভমশিং য়েংশিনমিন্নখি। নৌনা থোরক্লিবা তেক্নোলোজীগী মরুওইবা হেনগৎলক্লিবা অসি য়েংলগা, মখোয়না পুম্নমক কোনশিনবা অমদি তুং কোইগদবা চাওখৎ থৌরাং হেন্না খুমাঙ চাওশিলহন্নবা অর্তিফিসিএল ইন্তলিজেন্স অমদি ইনোভেসন্না লমজিংবা সেক্তরশিংদা খুৎশম্ননা চৎমিন্নবগী মতাঙবা ৱাখল্লোনশিং ফোঙদোক্নখি।
লুচিংবশিংদুনা মোরিসসকী চাওখৎ থৌরাংগী মাঙজিল থাবা হীরমশিংদা তেংবাংনব ভারতনা পীরিবা স্পিসিএল ইকনমিক পেকেজ থবক ওইনা পায়খৎপগী ফীভম য়েংশিনমিন্নখি। প্রধান মন্ত্রী মোদীনা মোরিসসনা ভারতকী চাওখৎ থৌরাংগী খোঙবুগী ফিদম অম ওইদুনা অমগা অমগা থাজনবা অমদি চাওখৎমিন্নবগী মান্নবা খোঙফম উৎলি হায়বা ৱাফম থমখি।
প্রাইম মিনিস্তর অনিনা ভারতকী ভিজন মহাসাগর অমদি নৈবরহুদ ফর্স পোলিসীগী মখাদা ইন্দিয়া-মোরিসস পার্ত্নরসিপকী মরুওইবা ৱাফমশিং নৌহৌননা থম্বগা লোয়ননা মসিনা নাকল অনিমক্তা নুংঙাই য়াইফবা পুরক্নবা লৌরিবা থৌদাং অমদি গ্লোবেল সাউথকী মান্নবা মাঙজিল থাবা ৱাফমশিং মাঙদা পুখৎনবা ৱাফম ফোঙদোক্নখি।
লুচিংবশিং অদুনা নাকল অনিগী মরক্তা তেংবাংনবা মখা তানা হেনগৎহন্নবা অমদি ইন্দিয়ন ওসীন রিজন্দা ইং-তপ্পা, মরা চেৎপা অমদি নুংঙাই য়াইফবা পুরক্নবা থৌদাং লৌবদা পুন্না নক্ননা থবক তৌমিন্ননবা য়ানখি।
Delighted to meet Prime Minister of Mauritius, Dr. Navinchandra Ramgoolam. Reaffirmed our shared commitment to take our enhanced Strategic Partnership to new heights in AI, technology, culture and people-to-people ties.
— Narendra Modi (@narendramodi) February 20, 2026
Mauritius is a vital partner in India’s MAHASAGAR vision… pic.twitter.com/kfmFSWpt0t
