মে ১৯, ২০২৬তা ওস্লোদা অহুমশুবা ভারত-নোর্দিক সম্মিৎকী নাকলদা প্রধান মন্ত্রী শ্রী নরেন্দ্র মোদীনা ফিনলেন্দগী প্রধান মন্ত্রী ঐচ.ই. শ্রী পেত্তেরি ওর্পোগা লোয়ননা উন্নখ্রে।
লৈবাক অনিগী মরী অসি দিজিতেলাইজেসন অমসুং সস্তেনেবিলিতীদা স্ত্রেতেজিক পার্তনরশিপ অমা ওইরকপগা লোয়ননা লুচিংবা অনিমক্না ইন্দস্ত্রী, রিসর্চ ইন্সতিত্যুসনশিং অমসুং একাদেমিয়াগী মরক্তা তেংবাং পীনবা হেনগৎহনবগী মরুওইবা অদু ফোংদোক্নখি। তুংলমচৎকী শেন্মিৎলোনগী খুমাং চাউশিনবা অমসুং চাউখৎপা পুরকপদা সস্তেনেবিলিতী অমসুং দিজিতেলাইজেসনগী মরুওইবা থৌদাং অদু মখোয়না ফোংদোকখি। মখোয়না ত্রেদ অমসুং ইনভেস্তমেন্ত, দিজিতেলাইজেসন, এ.আই., ৫জি/৬জি, ক্বান্তম তেক্নোলোজীশিং, স্পেস, সস্তেনেবিলিতী, রিন্যুএবল ইনর্জী, সর্ক্যুলর ইকোনোমী, ইন্নোবেসন, এজুকেসন, মোবিলিতী অমসুং মীয়ামগা মীয়ামগী মরক্তা লৈনরিবা মরীগী লমশিংদা হৌজিক চৎথরিবা কোওপরেসনগী মতাংদা খন্নখি।
মালেমগী ওইবা শীংনবশিং লৈজরবসু নাকল অনিগী ওইবা গুদস অমসুং সর্ভিসেসতা লেপ্তনা হেনগৎলকপা অসিদা নাকল অনিমক্না তরাম্না ওকখি অমসুং ২০৩০ ফাওবদা হৌজিক লৈরিবা নাকল অনিগী ওইবা ললোন-ইতিক শরুক অনি ওইহন্নবা মখোয়গী ফিরেপ অদু অমুক হন্না ফোংদোকখি। মসিগী মথক্তা, মখোয়না মখোয়গী মকোক থোংবা তেক্নোলোজী কম্পেনীশিংবু অমনা অমগী কৈথেলশিংদা মখোয়গী ওপরেসনশিং অমসুং পার্তনরশিপশিং পাকথোক চাউথোকহন্দুনা শরুক য়াবা হেনগৎলকপবু তরাম্না ওকখি। ফিনলেন্দগী নাকলনা ফিনলেন্দগী তেক্নোলোজী সেক্তরগী গ্রোথ অমসুং ইন্নোবেসনদা ভারতকী প্রোফেস্নেলশিংনা পীরিবা মরুওইবা কন্ত্রিব্যুসনশিংবুসু থাগৎপা ফোংদোকখি। লুচিংবশিংনা ভারত অমসুং ফিনলেন্দনা ২০২৬গী সেপ্তেম্বরদা গান্ধীনগর, গুজরাত্তা ৱার্ল্দ সর্ক্যুলর ইকোনোমিক ফোরম পুন্না শীনগনি হায়নসু লাউথোকখি।
ভারত অমসুং ফিনলেন্দনা মান্নবা দেমোক্রেসীগী ভেল্যুশিংদা য়ুম্ফম ওইদুনা নুংশিবা, মরুপ-মপাং ওইবা অমসুং তোঙান-তোঙানবা মরীশিং লৈনরি। ফিনলেন্দ অসি য়ুরোপিয়ন য়ুনিয়ন অমসুং নোর্দিক লমদমদা ভারতকী মমল য়াম্লবা মপাং অমনি। লুচিংবা অনিমক্না ভারত-য়ু.ই. স্ত্রেতেজিক পার্তনরশিপকী খুমাং চাউশিল্লকপদা নুংঙাইবা ফোংদোকখি অমসুং ভারত-ই.য়ু. ফ্রী ত্রেদ এগ্রীমেন্ত অথুবা মতমদা চৎনবা হৌবগী মরুওইবা অদু পনখি। মখোয়না রিজনেল অমসুং গ্লোবেল দিবেলপমেন্ত অমসুং ইন্তর্নেস্নেল ওর্গনাইজেসনশিংদা হেন্না চেৎশিল্লবা কোওপরেসনগী মতাংদা ৱাখল্লোনশিং ফোংদোক্নখি।
Delighted to meet the Prime Minister of Finland, Mr. Petteri Orpo. This year has witnessed extensive engagements as far as India and Finland are concerned. PM Orpo himself had come to India for the AI Impact Summit. Our meeting today is aimed at giving new energy to bilateral… pic.twitter.com/8GvixngCVk
— Narendra Modi (@narendramodi) May 19, 2026
Oli ilo tavata Suomen pääministeri, herra Petteri Orpo. Tänä vuonna on nähty laajaa vuorovaikutusta Intian ja Suomen välillä. Pääministeri Orpo itse vieraili Intiassa AI Impact Summit -tapahtumassa. Tämänpäiväisen tapaamisemme tavoitteena on antaa uutta energiaa kahdenvälisiin… pic.twitter.com/2eEOYpCAZD
— Narendra Modi (@narendramodi) May 19, 2026
